لصاحب اللي كل ماأحتجت له غاب =وأنا قبل ماينتخي بي لقاني
أنسج له الأعذار,وظروف الأسباب =وأسكب له حروفي بكاس المعاني
لكن لأنه من عريبين الأنساب =خاويته بدنياي طول الزماني
طبعي وفي,مابوق غرّات الأصحاب=ولااجفى خويي.. لوتردى وجفاني
لوهوغريب يعدْ. من ضمن الأقراب =ولاواخذه .لوزل,واصبح اناني
واذا تمادى بلطف ارسلّه عتاب =واقوّله ياصاح خلك مكاني
من نايدات القاف اكتب له كتاب =حروفٍ تشادي لايكات العناني
يحتار فيها عقول صافين الالباب =فرايدٍ ضاقت بعوج المحاني
اذكّره بسلوم وافين الاعراب =اهل النقا,والجود واهل التفاني
وجدّه عقيد القوم فكاك الانشاب=اللي قضى عمره بسرج الحصاني
بوقت الضّيقْ لاصكّت الناب بالناب=وثار,العجاج وصار,وقت الطعاني
يزوم مثل الزير او كنّه عقاب =ويكفّهم سيفه وطعن السناني
وحنا,بوقتٍ فيه طالب وطلاب =وقتٍ غدت فيه الذيابه حصاني
لايجرفك ياصاحبي واحسب حساب=ان الاصايل ماتجي بالطماني
هذا زمانٍ جاب ياليت ماجاب =به عالمن ٍ اول. وثالث ثاني
كنه بحر هايج وله موج غلاب =بحره عميق وخاينات المواني
حتى ان راعي البيت صار من الاجناب=وسبع العجايب فيه صارت ثماني
ياصاحبي صاحبك ضايق ومنصاب =ويصيح بإسمك من سنا,مايعاني
ان مافزعت وجيت منت من الاصحاب =وحرام ماينطق بإسمك لساني
انا الذي بالضيقماسجّل..غياب =شفني ومنهو.ينتخيبي . لقاني