وطـن
ــــــــــــــ
ما أرفض انـي انـحنـي
لعيون أحبابي .. وتربـة موطنـي .
انحنائي : وزن
انحنائي : حزن
انحنائي : مزن ، وغيوم علـى صحـرا الدفاتر تنثنـي
وطـن .. ويبتـّل ريقي : بالسيل
والهيـل
والخيـل
والليـــل .. اللي له ملامح " نجـد" !
وأحبك .. أحبك حيل
كثر ما أحـب المجـد .
وطـن ..
وش كثر أشرق بـ هـالدمع لمـا يجـي طاريك !
وش كثر يرتفع هـ الراااااااس ..
لمّـا أغنيـك :
[ وطن .. ويغني الكراس
وطن .. ويرقص القرطاس
وأصنع من الاوراق : كاس ..
وأصبك فيه
وأصب ثلج الروح دافي ..
ويسكرون النـاس !!]
وطـن ..
الا يا بعد حيـّي وحِيـّاني
وربعـي
وهـلي
وأخواني
وأبوي وأمي
الا يا بعـد روحـي وجروحـي ودمـي
وش كثر أعشق الهـم ، ان صرت : هـمي
وطـن
يا أحلـى كلمةٍ بالكـون
عشـان أغنيها :
اللـه خلق لي فـمي !!
(عرض القائمة)
الأعضاء الذين شاهدو الموضوع : 0
(تعيين)
وطن.....للشاعر محمد الرطيان
العرض العادي
