السلام عليكم ورحمه الله وبركاته
هذه قصيده لعمي الشاعر / عبدالرزاق بطاح المطرفي
حبيت اطرحها لكم
هات القلم واحضر لنا اوضح البوك = وخل القلم من دم جوفه يسيلي
والقاف خله يافتى الجود محبوك = واكتب جزيل الهرج وبالك تعيلي
والبيت بليا ساس يهدم وانا اخوك = خطراً على سكانته بالرحيلي
ويالله تنصرنا على كل صعلوك = ويارب ترسل له عذابً مهيلي
ولا همنا بالمعركه شله علوك = عاصي ومتمرد وحاله هزيلي
وجيش السعودي للمعادين داموك = درع الوطن مافيه بأرضه حصيلي
ارجع لرشدك يوم الابطال حدوك = خلوك بالميدان تهذل هذيلي
وارجع لمن هو فر راسك وغروك = وخلوك لاجئ عندهم يالطفيلي
اللي لميدان المعارك يكزوك = وخلوا حياتك مهزله يالهبيلي
وقتيلكم في داخل النار مدكوك = وشهيدنا بجنان ربي نزيلي
وحنا بعون الله حكامنا ملوك = من صلب وايل متعبين الاصيلي
وحنا جنودك ياوطن لا يهموك = يادار لا يزعجك كثر العويلي
والشعب من دون الوطن يلعن ابوك = نسقي ثراها بدمنا يالعميلي
ياجيشنا كل الجماهير حيوك = وعدوكم يرجع كسيرا ذليلي
وصلاة ربي عد ماطار مكوك = وعداد خلق الله رحيل ونزيلي
هذه القصيده قلتها بالاحداث التي وقعت
في الشريط الحدودي الجنوبي
للمملكة العربية السعودية مع الشرذمه الضاله (( الحوثيين ))
اتمنى ان تنال على رضاكم
اخـوكـم
عبدالرزاق بن بطاح المطرفي