( المور ) اختصار للشاحنات المرسيدس وهي واحدة من انواع السيارات التي كانت تجوب صحاري المملكة وبواسطتها يتنقل الركاب وتنقل المواد والأغذية وكان اللوري خاصة منها له شأن عظيم فقل من يمتلكه في الوقت السابق . وعن المور هذه قصيده للشاعر الكبير عيد بن مربح القلادي الرشيدي وهوشاعر غني عن التعريف خلد اسمه من ذهب في دواوين الشعر النبطي على مستوى الخليج وهو شاعر محاورة مبدع وشاعر نبط مذهل وقال في مناسبة قصيدته ( المور ) الابيات التالية:
يالمور خذ خانة الخامس من اليمنى =تحتر تبرد ترى الاخلاق خربانه
والله لتبطي وحنا ماتفاهمنا =مادام ميقوع ماعقبت قلبانه
لاتشكي الوقت حنا الوقت ظالمنا =دليل ظلمه تراك تشوف برهانه
ان ادبرت شدنا يرخي محازمنا =نروي بدلوٍ يضيّع ماه شقانه
وننادي أقرب صديق ولايكلمنا =يبين وسم الغضب بأطراف حجانه
ليا أقبلت خصمنا يقضي لوازمنا =صداقته تستحل بيوت عدوانه
عزالله أنا من الدنيا تعلمنا= درسٍ صعيبٍ على التلميذ نسيانه
يالله تجيب الرفيق اللي يعلمنا= ابنشده عن غريب وحال عربانه
لو كان في بيت جدانه محطمنا= يا وسع صدري عليه ابيت جدانه
لو المدى البعد مرينا وسلمنا= مير البلا شوفة الديان ديانه
(عرض القائمة)
الأعضاء الذين قرأوا هذا الموضوع منذ 19-04-2024, 06:40 PM
(تعيين) (واضح)
يالمور خذ خانة الخامس من اليمنى
العرض العادي
