.وان امزحت حلو المزح مع جدّها

ناديت قاف الشعر من شان الغرام
.........................وجتني حروف الذوق تطلب ودّها

تقول تتشرف ورب كل الانام
.........................ويـالله دخـيلك هالقصـيده بدّها

قلت اكتبيلي مدح في بنت الكرام
.........................قالت لي ابـشر قلّـها مـن قدّها

ان احضرت صاروا لها العالم قيام
.........................وان امزحت حلو المزح مع جدّها

ثقل. عقل .دلوع .مع حلو الكلام
.........................مافـيه بنـتٍ بالـخلايق نـدّها

اشتاق ثم ارسلّها احْساس الهيام
..........................ويرجع يقول الورد منبت خدّها

لامايلام القلـب والله مايـلام
.......................... الورد لو تمـسكه ذاب ابْـيدّها

أدمنـتها ومن بعـدها كنّي عدام
..........................ويضيع قلـبي ياعرب لو هدّها

هي اشغلت قلبي وانا من قبل انام
...........................اتلذذ ابْنـبرات صـوت اتْمدّها

قولوا لها هاك القصيده والسلام
..........................قولوا جروحي بـيّحت في سدّها

قولوا لها بُعْدك نـخر فيني الـعظام
............................وبُعْد المسافه يلعن آ بو جدّها

وسلامتكم
قصيدة للشاعر / سلامه العنزي