مليت من دنيا التعب والمشاوير
وازريت احدد موقعي بالخريطه
والهم في فكري مسوي اصنصير
كلن يشوف ابوسط عيني شريطه
ويفتل بقلبي يافهد فتلت السير
وكن الماسي وسط قلبي عبيطه
وينقر بقلبي يافهد نقرة الطير
مارفرف الجنحان عاشق ربيطه
كن الظلوع منشره بالمناشير
العزم طايح والبلاوي نشيطه
حتى السرير اليوم صاير مسامير
واحلام نومي بالماسي وغيطه
تلعب ابقلبي لعبة الدلو بالبير
بالجوف يلعب لعبته في محيطه
وتمرني ناسن تشيل السواطير
وانا يديني دون حلقي ربيطه
فوق الحزن عايش على علاج تخدير
وانقل مصرات الدواء بالخريطه
وكم من جهازن فجر القلب تفجير
مايعدم الشفرات قو تخطيطه