قصيدة الشاعر / صالح مخضور سلطان السلمي
مني لابو سلطان مهداة بالذات= أبيات ناقيها مافيها شوايب
فيها الثناء له مع جزيل العبارات=لاجل مواقيفه علو الرقايب
بينه وبين الطيب روحه وجيات= وفاء وصفاء ماعكرته الهبايب
وبينه وبين الناس طيب وعلاقات=وعنده جميع الناس ربع وقرايب
معروف أبو سلطان رجال وقفات=صليب رأي يحل كل الصعايب
جبل تشابه له جبال السراوات=في كل لازم يستحث الركايب
ماهم أبو سلطان بعد المسافات=يقطع فيافي الأرض والبال طايب
يسهل الصعبة وتصبح سهالات=بالفكر والحكمة ورأي الصلايب
فرحان له في الطيب صوله وجولات=يقدم على الصعبات ماهو بهايب
من روس قوما في جميع المجالات=في السلم ولا في نهار الحرايب
أهل الشجاعة والكرم والمروات=ومن هو نصى الظفران ماهو بخايب
ناصيك يافرحان أبي منك فزعات=من ديني وهمي ترى الرأس شايب
عنك سمعنا في الصحف والمجلات=ياراعي الفزعات حل النشايب
ماأرتاح أنا من الهم في كل الاوقات= الله يكافينا البلاء والمصايب
إفزع معي يجزيك رب السموات= ويحفظك رب العرش حاضر وغايب
ومني لابو سلطان مهداه بالذات=أبيات ناقيها مافيها شوايب |