صباح/ مساء
الخير اعزائي
نقلت لهم موضوع اعجبني ...جميل ومرتب يشكر عليه من قام بجمعه وتنسيقه
يحوي عدة قصص لها قصائد قد تكون معروفه لدى البعض
اتمنى ان ينال اعجابكم ....
.•.*:•.][ القصه ][.•:*.•.
[√ الرجال يبكي √]
شاعر مسجون ظلمآ..
كان الشاعر المسجون مارآ من احد الممرات وفي ذلك الممر كانت ريم وامها داخلين لزيارة سجينهم
و الشاعر سمع صوت الاطفال فتذكر ابنائه فدمعت عينيه
فرأته ريم فقالت ريم لأمها .. يمه الرجال يبكي فقالت امها زاجرة : رييييم !!
عندها كتب الشاعر هذي القصيده
•●[القصيده]●•
ابكي وعيني تسهر الليل ياريم ..مدري بلاها الشوق والا الظليمه
ياريم دمع العين مدري على الريم ..والا على قلبن تواكل صميمه
تقول لا طمني على نونها سيم ..ابكي وعندي لأزرق الدمع قيمه
ويمكن يكون الدمع للعين تكريم ..ويمكن يكون إلها عذاب وحريمه
والله يالولا دمعتن كنها الديم ..راحت ضلوعي من عذابي حطيمه
ودام البكا ياريم مافيه تحريم ..ياعنك والله لأرخص الدمع شيمه
وابكي على حالي من الوجد واهيم ..لين الزمن يخلف عليه نسيمه
ابكي حياتن صافيه مابها غيم ..وين المحبه والقلوب السليمه
ابكي قهر وابكي من الغبن والضيم ..وابكي من طعونن بقلبي قديمه
غدر الزمن خلى بوجهي مراسيم ..ومايذبح الرجال مثل الهزيمه
بعض المصايب شرها ياكل الهيم ..وشلون بكبود الرجال الكريمه
وبعض المصايب يخلفن المفاهيم ..تبغى على ماقيل صبر وعزيمه
مظلوم بالدنيا وغيري مظاليم ..من عرض ناسن لبسوهم جريمه
ماعاد ابي من سود الايام تعليم ..عقب العذاب اللي كلاني جحيمه
ولو تصفى الدنيا علي الملازيم ..ماعاد ادور من وراها غنيمه
ミ2ミ
.•.*:•.][ القصه ][.•:*.•.
[√ تخلى عنها زوجها √]
امراه كانت متزوجه وتزوج عليها زوجها من وراها وجاها بالبيت وقالها ابيك تروحين معاى للسوق تشترين كل شى بخاطرك ويعجبك..
المهم الحرمه المسكينه شرت كل شى حلوو عجبها من مكياج وملابس
ولما جوو البيت
قالها زوجها وين الاغراض اللى شريتيها
قالت له ليش قال الاغراض مو لك للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو
الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك.. يعني الكل تخلى عنها
•●[القصيده]●•
تكفين يا طيور الحـرار افزعيلـى
...........................ابى عن ديار الاهـل منـك اخبـار
تكفين حومـى فوقهـم وارجعيلـى
........................... وإلا ان حصل لك حومه داخل الدار
تكفيـن حـول بيوتهـم دوريـلـى
................................سبعة فروخ يـوم اخليهـم صغـار
شوفى ضناى وعودى وانكفى لـى
................................واشلونهم يا علهـم صـارو كبـار
نسوا دفاي ونومهـم فـى شليلـى
..............................وش علمهم يا علهم بطول الاعمـار
قولي لهـم ان امكـم لها عويلـي
..................................خمسه سنيـن دمعهـا دوم مـدرار
وقولي لهم إني علـي طـول ليلـي
....................................أنوح وليـا قـرب الصبـح أنهـار
وقولي عيوني دايمـا لـه هميلـي
....................................تبكي ليا شافت مـن النـاس زوار
كل يوم اقول غدى حديهـم يجينـي
..................................راحت سنيني مابهم واحـد(ن) زار
وانا اللي من سبت سوات الحليلـي
......................................حالـي تـردى كـل مالـه وينهار
وفرقا ضناي اللـي تـردت بحيلـي
...................................كني على شوفتهم اصلى على نـار
ياويلـي كـان الله عجـل رحيلـي
.................................وانا لي سنين ابـي لو هـي اخبـار
ياعونة الله من يبـي يرتكيلى
................................ لـيا جارت علي بأمر الله كـل الأقـدار
تنكـروا مـن يدخلـون الدخيلـى
.............................واللي بوسط ديارهم يامـن الجـار
قولي لهـم ياطيـور قلبـي عليلـي
............................الله يكافي قلوبهم صـارت احجـار
وانا اللي لبراق الخيـال استحيلـي
................................واقـول ياعـل ديرتهم للأمطار
تكفيـن وسـط ديارهـم صوتيلـي
.............................شوفي عسى لأسمي مع الناس تذكار
وقولي لمـن نسيانهـم يستحيلـي
...............................ياللي نسيتوها تـرى الوقـت دوار
ياهيه ياللـي بالسمـا لـك هديلـي
..............................ردي خبـر تكفيـن يكفـي امـرار
شوفي هاك اللي نومهم في شليلـي
...................................من اذان المغرب لوقـت الأسحـار
شوفي هاك اللي ماتهنى في مقيلـي
.................................إلا مقيـل معهـم كبـار وصـغـار
وقولي لهم ان كان حملـي ثقيلـي
...............................مره يجون وعقبهـا شـي ماصـار
وانـا يتولانـي كريـم(ن) جليلـي
................................ياعلني فـي جنّـة وسـط الأبـرار
ミ3ミ
.•.*:•.][ القصه ][.•:*.•.
[√ عقوق الوالدين √]
ولد اخذ امه ورماها في دار العجزه عشان يرضي زوجته .. لما مرضت الام كتبت القصيده و وصت الدكتور يوصلها لأبنها العاق ..
هذي القصيدة كتبها شاب متهور بعد حادث ماتت فيه امه وهو ما يزال حي ..
•●[القصيده]●•
يواسيني و انا الميت وحالي يجبر الدمعات..تسيل من الذي فيني و يبكي وهو يواسيني
وانا ابكي واتنهد وارسم بالحزن لوحات..يجبروني عشان امشي و رجلي ما تمشيني
قتلت رعايتي بيدي قتلت الحب والرحمات..حرمت النفس من حقها وانا ابكيها وتبكيني
وكنه حلم قدامي يقيدني من الصرخات..ابي اصحى ولكني عجزت القى الي يصحيني
فداك القلب يا يمه ومهما قلت من كلمات..صغيرة في كبر حقك بس اتمنى تعذريني
نهيت الفرح من بيتي صحيح اني خسيس الذات..صحيح اني ولد طايش وكل ما اسمعه فيني
تجول عيونهم فيني تفصل مني قياسات..وتشيح وجوههم عني وكأني غيرت ديني
يظنوا حزنهم اكبر وهم اصحاب المأساة..وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات..وصار الهم عكازي اباكيه ويباكيني
عطيتيني بدون حساب ولا سمعتك تقولي هات..وانا اشرب حيل من دمك ودمك ما يكفيني
يا يمه ارجعي كافي! ابجلس معك لو لحظات..واقبل ايدك ورجلك وافرش لك رمش عيني
يا يمه ما اتحملهم يقولون فات ما قد مات..تعالي غيري هالقول واطيعك باقي سنيني
واترك عادة التدخين وانفذ ما تبين بسكات..واصلي الفجر بالمسجد قبل منتي تصحيني
يا يمه ارجعي تكفين وطفي شمعة الآهات..ابيك انتي ولا غيرك على موتك تعزيني
وضميني وداويني مثل ما كانت الهقوات..ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات..انا مقوى ابكيك اذا انتي تبكيني
ミ7ミ
.•.*:•.][ القصه ][.•:*.•.
[√ ثمان سنين √]
قصيدة رجل احب فتاة واحبته ولكن كانت الصدمه عندما دعي لزفافها من رجل غريب ..
الرجل ضاقت به الدنيا فقرر السفر عن دياره بلاعوده .. ولكن بعد ثمان سنين حن لأهله ورجعه لدياره ..
ويشاء الله ان يختبر الشاعر بموقف لم يحسب له حساب ..
اول ماوصل لحارتهم كان برفقت احد اصدقائه القدماء فمروا امام اطفال يلعبون فسأل الصديق صاحبنا انظر لهذا الطفل هل تعرفه ؟؟
فوقف الشاعر يتأمل ويتذكر .. تلك الذكريات المؤلمه والمفرحه فكتب القصيده
•●[القصيده]●•
غابت ثمان سنيـن حـلّ وترحـال ..غابـت ثمـان ٍ كلهـا مدلهـمّـة
قضيتها بالحـب والشـوق رحـال ..شوق تحـدى كـل يائـس وهمـه
سألت عنها سنين وشهـور وليـال ..ولافيه قطر غيـر وجهـت يمّـه
وعقب الثمان اللي تعبها برى الحال ..جاب الزمـان الكارثـة والمطمّـة
جاني ولدها مبتسم بيـن الأطفـال ..ومن بسمته ذكرت أنا بسمـة أمّـه
شفته وصاحت داخلي كل الآمـال ..بصوت ٍ عجزت بكتم الأنفاس ألمّه
ركضت له ودمعي على الخد همّال ..ومن كثر شوقي قمت بالحيل أضمّه
لحظة حضنته والطفل في يدي مال ..شميت ريحتها على اطراف كمـه
ليت الغياب اللي شغل غربتي طال ..ولا دور العاشق على حرق دمـه
وأستلهمت نفسي مقادير الأهـوال ..تمّ الضّيـاع وأكّـدت لـي متمّـه
واليوم بنت الناس في بيت رجّـال ..وحب على غير الشرف لي مذمّـه
لازم أعود وأشتكي لكل الأجيـال ..بنفـس حزينـة كائبـه مستهمّـه
برجع غريب ٍسكّته شوك ورمـال ..يموت .. يحيا .. يندفن .. مايهمه
ミ8ミ
.•.*:•.][ القصه ][.•:*.•.
[√ سجين مظلوم √]
هذا سجين مظلوم اشتاق لأهله واصدقائه .. كتب هـ القصيده من قلبه الحزين
•●[القصيده]●•
المطر لا هلً من بيضِ المزون... شَد قلبي للصحاري وارتحل
شاق قلبي شاص وشراعه فتون ... نعتلي به كل مرقاب وجبل
في الفياض اجلس وباطراف العيون ... نفحه خزامي مع ازهار النفل
وامهٍ غردت لحن وفنون ... من سمعها طاب من كل العلل
حسبي الرحمن من ظلم السجون ... في زواايا الهم واركان الملل
لا الأهل شفنا ولا أمٍ حنون ... بيننا جدران وشبوك واجل
زاد هم ما تشيله لي متونِ ... لا ذكرت اللي لهم قلبي نحل
صحبةٍ واخواااان قلبي يفتنون ... ذكريات طعمها مثل العسل
لو درى السَجان ما فيني من شجون ... كان باب سجننا فك وقفل
لو عرف ما صاب عقلي من جنون ... كان كــب العسكريه وانفصل
وان قويت الوقت يمه في فنون ... التقى بأحبابٍ قلبي والأهل
هااانت الدنيا وديني ما يهون ... والجنان أبوابها جدٍ وعمل
والصلاة الله يسكننا الظنون ... للنبي اللي بدينه قد كمل
قمة الأبياتً ياللي تسمعون ... واعذروني كان في قولي زلل