من يحترم نفسه يزيد احترامه

يا حيّ من هو عاش في حال مستور

قلبه نظيف وما يعرف اللئامه ..

مومن بأنّ الكون في فُلكه يدور
بامر الإله لحين يوم القيامة ..
يوم ايتبعثر كلّ ما تحمل صدور
في حينها نرجي قليل السّلامة ..
يا قلب وش بك ؟ و انت ياقلب معذور
يا ما تحمَّلت الصبر والتزامه ..
الحزن يحفر داخل ترابك قبور
مدفون فيها ( حلم ) صعبٍ مرامه ..
كنّك سفينة قادها شخص مخمور
في وسط غبَّة بحْر ، نصَّب خيامه ..
المشكلة ما ينفعك طبّ دكتور
حتى ولو زاد الطّبيب اهتمامه ..
خلّك على خبْري من سنين ودهور
أصبَر من اللي رايته في سَنامه ..
وأحنّ من أمٍّ لها أيام وشهور
ضايع ولدها قبل حين الفِطاما ..
وأشجعْ من اللي عاش في عالم الجور
وأكبر همومه ، حلَّها بابتسامة ..
شفني أنا .. عايش على نفسي الدور
والصّبح يمحي ليلٍ أسود ظلامه ..
فـإن كنت ياقلبي من الضّيم مقهور
شف كيف نظرات الصّغار اليتامى ..
وإن كنت فاقد في زواياك للنور
اسْجِد لربّك ، واستلذّ بكلامه ..
وإلا الحياة بكبرها (زيف وغرور)
والعاقل اللي يلزم الإستقامة ..
قد قالوا أهل العلم ، والفهم ، والشور
(من يحترم نفسه يزيد احترامه .. )

وسلامتكم .

السلام عليكم ورحمة الله وبركاته ..
مشكور اخوي على الموضوع الجميل من عضو آجمل
تقبل احـ ـ تـ ـ ـ ر ا مـ ـ ي

بارك الله فيك على النقل

شكرا على الطرح الجميل


بارك الله فيك



اخوك
ابو وتين
المنــــــــــــادي

مشكوووووور والله يعطيك الف عافيه على الطرح الراقي والمميز

وماقصرت ....