بسم الله الرحمن الرحيم
بعد زيارتي الى منطقه الدوادمي وكنت ضيف عند احد قبيله العتبان
وهو الاخ حسن النفيعي وبالمكان هذا وقد تم مدح الاخ مخلف المنصور الحبلاني العنزي وانا كلي فخرا به عندما عرفو اني ومن الحبلان وللامانه اتنومس دايماً بالعم مخلف المنصور ابو صلاح الله يحفظه ويطول بعمره انشالله ..
من طيب فعلك ماتعـدد سجايـاك
وما تنحصي لو تنكتب بالجريـده
ملفي ومنصي والرجاجيل تنصـاك
حلحيـل حلالـن تحـل المكيـده
من طيب فعلـك ماتعـدد مزيـاك
صفات فيك من المكـارم عديـده
ماتعتذر وان جاك محتاج وينخـاك
تقوم قومـات الشجـاع الوليـده
تافي وتوفي كل معسور وأن جاك
ومواقفك من بـد غيـرك فريـده
كلن شكر طيبك وفضلك وحسنـاك
نفسك مع الأمجـاد دايـم مجيـده
على التسامح والمراجل عرفنـاك
نذكرك في كـل الأمـور الشديـده
بالطيب والمعروف ما يلحق أقصاك
ومواقفك بالطيـب دايـم سديـده
على الرفاقه تبذل الطيـب يمنـاك
منته من اللي يخلفـون الوعيـده
معروف بالفزعات والطيب مغـزاك
تفزع وفزعاتـك لربعـك حميـده
فزعت شرف والطيبه من حمايـاك
ليت ربـي يمـد بعمـرك مديـده
فلاح عشوي العنزي
(عرض القائمة)
الأعضاء الذين شاهدو الموضوع : 1
(تعيين)
اهداء الى العم الغالي مخلف المنصور العنزي أبو صلاح
العرض العادي
