مساعد جلاب : تكسب بـك الرتبـه فخـر لاترقيـت

قالوا لي إنك يا مساعد ترقيت = قلت أبرك الساعات ماهي غريبه
مبطي على العليا رقيت وتعليت = تثبت لو إن ظروف وقتك عصيبه
وزاحمت لسهيل اليماني وعزيت = ربعك وربعك ماشكوا من غليبه
ربعك هلا العشوا إليا من تعزويت = والله لتبشر ماشكيت المصيبه
مادمت من جلاب جيت وتربيت = عزالله إن الطيب منكم ياطيبه
ومادمت من جلاب طبت وتقهويت = عزالله إنك فوق راس الرقيبه
ومادمت من جلاب : كفيت وأوفيت = الشايب اللي كلنا نقتدي به
لك في سجل الطيب موقع ومانشيت = ولك في سجل الشعر قيمه وهيبه
زنتيت وإخوانك قروم وزناتيت = ومواقف ٍ بالطيب دايم عجيبه
ياخوك لوأمدحك كل يوم في بيت = ماأوفيك حقك ولحقتني معيبه
لكن عزاي إن المحاني لكم بيت = إنتم بها دون القريب لقريبه
طلق الحجاج إن شفت لك ضيف هليت = وجروح عدوانك جروحن عطيبه
تكسب بك الرتبه فخر لاترقيت = دايم يابن عمي براس الرقيبه
ياخوك جيتك بالقصيد وتعنيت = خذها غلا وإلا اعتبرها ضريبه
والعذر كاني بالتهاني تباطيت = خايف أقصر وأعتبرها معيبه

مادمت من جـلاب جيـت وتربيـت ***عـزالله إن الطيـب منكـم ياطيبـه
ومادمت من جلاب طبـت وتقهويـت ***عـزالله إنـك فـوق راس الرقيـبـه
ومادمت من جلاب : كفيت وأوفيـت ***الشايـب اللـي كلنـا نقتـدي بــه

الشاعر بدرفرحان
--------------------------------------------
تسلم يمينك الله يرحم جلاب اعياله ونعم بهم
صح الله لسانك ابوفرحان علمك غانم دايم الدوم

المشاركة الأصلية كتبت بواسطة بندر فرحان

مادمت من جلاب جيت وتربيت = عزالله إن الطيب منكم ياطيبه
ومادمت من جلاب طبت وتقهويت = عزالله إنك فوق راس الرقيبه
ومادمت من جلاب : كفيت وأوفيت = الشايب اللي كلنا نقتدي به

	إبداع في منتهى الروعه بيض الله وجهك متميز في طرحك وإطراءك يستاهله ابو سعود معاليك زود يالبناخي وننتظر جديدك

محبكـــ
ابو مشعل

تسلم يمينك الله يرحم جلاب اعياله ونعم بهم
صح الله لسانك ابوفرحان علمك غانم دايم الدوم
ماعليك زود اخويه ( الشقاوي ) انت وكاتب القصيده ومن يقرأها . والله يغفر لوالدينا ووالديكم وكل مسلم
وان شاء الله نكون دايم الدوم عند حسن ظنكم بنا . اخوك ابو فواز

الله يرحم جلاب
وصح لسانك يابندر
ويستاهل ابو سعود القصيده
تقبل مروري

	صح لسانك يابندر فرحان ويستاهل مساعد ونعم بالجميع شاعر جزل متمكن نرجو حضورك الدائم وبث المزيد من الابداع000بارك الله فيك

ماعليك زود يالبناخي وبيض الله وجهك وماقصرت ومشششششششششكور على القصيده الأكثر من رائعه

	بسم الله الرحمن الرحيم السلام عليكم ورحمة الله وبركاته اخواني الاعضاء والزوار الكرام هذه الشخصيه عظيمه والعظمه لله فقط ، شخصيه لها مكانتها بين افراد المطارفة عاليه ولا تنقص باذن الله . جلاب بن عامق الدفاق الله يرحمه وهو رمز من رموز رجال المطارفة . والله والله والله له معزه في قلبي غير عن الناس . وكان والدي يرحمه الله يذهب الى اخيه جلاب الله يرحمه وهو بالمستشفى وهو طالع من عند اخيه جلاب يبكي ويقول راح اخوي الله يرحمه ويرحم والدي . وصدق من قال من خلف مامات وهذا هو ولده ابو فواز يمشي نهج والده جلاب هو واخوانه . مااااشاااء الله عليهم . اللهم ارحم والدي هو اخيه جلاب واسكنهم بالفردوس الاعلى من الجنه . وهذا ماقلته قليل بحق اباءنا الله يرحمهم الشاعر بندر المطرفي وصح الله لسانك وبيض الله وجهك . ويستاهل ابو سعود من يمدحه . اخوكم المنادي

	صح السااااااااانك يابو فرحان دايم جزل ويستاااااااااااااااهل الدفاق القصيده والله يرحم جلاب ويوفق عياله

صح لسانك اخوي بندر ويستاهل ابوسعود