بسم الله الرحمن الرحيم
السلام عليكم ورحمة الله وبركاته
العذر والسموحه بسبب انقطاعي وذلك لظروف انتدابي لخدمة حجاج الرحمن .
أتمنى ان ترقى لذائقتكم .......
ماكل رجالن نسميه رجال=حيشاك يابعض الرجاجيل خيخه
رجلن يشيخ القوم في كل الأفعال=ورجلن بليا فعل يبغى المشيخه
ورجلن مع الشدّات يسند لك الحال=ورجلن مع الشدات ماهو طنيخه
ورجلن حضوره فالمواقيف زلزال=ورجلن بليا قلب تسمع صريخه
وش لك برجلن شيخته كلها مال=ملعون مالن قلد العفن شيخه
المشكله بالناس ياقرم الأشبال=حتى ولو ساسه يفشّل تشيخه
هذا الزمن ماهو زمانن للأبطال=كلن رضخ للناس وأصبح رضيخه
ماكل رجالن على وزن رجال=حيشاك يابعض الرجاجيل خيخه