أورنس الشعلان وماقيل فيه من المراثي

بسم الله الرحمن الرحيم


السلام عليكم ورحمة الله وبركاته


أقدم لكم هذا الموضوع والذي يتكلم عن أورنس بن طراد بن سطام بن حمد بن شعلان من آل الشعلان من المرعض من الرولة من عنزة ، وطراد بن سطام بن حمد الشعلان ( والد أورنس ) واحد من الأبطال الذين ساهموا في تحرير وطنهم من الأتراك ولأن البدو من عادتهم أن يسموا أولادهم حسب الأمكنة التي يولدون بها بأسماء الأوقات أو الوحوش أو الفرسان الذين سبقوهم فقد سمّى طراد إبنه ( لورنس ) الذي وُلد وهو برفقة صديقه الضابط ( لورنس الإنجليزي ) ،إلا أن البدو كانوا يلفطونه " ورنس " أو " أورنس " وقيل أن أورنس المولود سنة 1321هـ 1913م سُمي في بداية الأمر " حمد " ثم غُير إلى " أورنس " بعد لقاء أبيه بالضابط الإنجليزي .

لايمكننا مهما كتبنا وأجدنا وبحثنا أن نوفي هذا الرجل حقه وأترككم مع المراثي


المرثية الأولى



مرثية الأمير محمد بن أحمد السديري



في قصيدته المشهورة والتي يقول فيها :



يــســقــيــك يــادارٍ شمالي عــنــازه **** غــربي الولج ياعلي شرق الطريبيل

ســقــالك نــوٍ مــمــطــرٍ مـن عيازه **** عـــلى رغــاب القـاع فيضٍ من النيل

عـــز الله إنـــه راح فــيــهــا جـنازه **** صــمــيــدعٍ تـوصف عليه الرجاجيل

لــه فـــي عـــازاتٍ ولي فــيــه عازه **** وقـــت اللـــزوم لياحصل بالدهر ميل

مـــالـــوم قـــلــبــي لو يزيد اهتزازه **** جـــرّ الــونـين وشاف ضيم الغرابيل

عــيــنــي كما شـنـنٍ تـفـتـق خـرازه **** عــلــيــه دمـعـات الــمـحاجر هماليل

حــرٍ جــزع وادمــا بــقــلــبه حزازه **** وتــفــجــرت شـعــبـان قــلبه مباهيل

تــقــصــر يــمــين اللي بالايام هازه **** يــرجــع ذلــيــلٍ فــاقـد العـقــل بهليل

اللـــي لــمــح ضــده ثــقــيــلٍ مرازه **** أخــو مــحـمـد صـافـي الذهن حلحيل

مــن شــبّــِتــه يــاما قـطع من مفازه **** ويــامــا ظــهـر من غرقةٍ كنها الليل

رقــا ســنــام الــمــجد والطيب حازه **** وبــيــتـه لعصمان الشوارب مداهيل

قــلــبــه مــن الــبــالـود ماهو قزازه **** والــغــيــض قــد فـجّـر قلوبٍ مغاليل

وان داخـــل الــشــردان رعب ونزازه **** الــذل مــايــلــقــى عــلـيه المداخيل

هــزيــم حــطــوا حــفــرتــه بالعزازه **** بـراس الطـويلة وارفع القبر بالحيل

ومــن الــذهــب حــطــوا لقبره ركازه **** ومـن صافي الياقوت حطوا قناديل

حــتــى يــجــيــه اللــي بــعــيـدٍ منازه **** ويــلـقـى بقربه شمّخ القود والحيل

إعــتــضــت بــه ربــعٍ لــقــلبي لهازه **** أعــنــي هــل العـليا عصاةٍ مشاكيل

عــلــمــي لــيــا جــاهــم سريعٍ نجازه **** وانــا لــهـم دايم على العدل والميل

هــم فــزعــة المــظــلــوم وهم جهازه **** وبالفعــل للشعلان تشهد هل الخيل

شــعــلان فــيــهــم بالحــرايــب فـيازه **** بـجــدع المــدرع فوق قبٍ مشاويل

ربــعٍ حــمــاهــم مــايــقــرّب حــجازه **** وعــدوهــم أســقوه ويــلٍ بثر ويل

إن حــل ضــرب مــخــلّــصٍ بالـبرازه **** أرووا حــدود سـيوف حدبٍ مناحيل

أحد يحوش الطــيــب غــصـبٍ خزازه **** وناسٍ عن العــليــا ضعافٍ مهازيل

يــبــيــن لك فــرق الــذهــب من بيازه **** فــرقٍ بـعيد أبعد من الجدي لسهيل

البــيــض تــرضــع لابن يابس عرازه **** وبالألف يطــهــر واحــدٍ به تنافيل

تاخــذ رفــيــعــيــن الــمــبــانـي بزازه **** يــالــيــتــهــا تقتاض عنهم تباديل

إن قـــيــل قــلــبــك مــصــخرٍ بانحيازه **** قــلـت الوفا له وسط قلبي مناقيل

وانــا أحــمــد الله مــاحــضـرني خزازه **** وردون ثــوبــي ضافياتٍ مضاليل

يســقــيــك يــادارٍ شــمــالــي عــنــازه **** مــزنٍ مــن المنشا ركونه مخاييل



المرثية الثانية



مرثية للشاعر مغنام حامد العنزي



في قصيدته التي يقول فيها :


علمٍ لفانا من زعيم القبيلة **** أثّر علينا بالهيام وكداره

سيفٍ شطسر من السيوف الصقيلة **** سبع السباع اللي لربعه جباره

أورنس راح ونشحذ الله بديله **** نرجي عوضنا من مقاييس ناره

ياحيف يازبن الفرار الذليله **** الخوف ماياصل قريبه وجاره

أورنس حطوا مرقده بالطويله **** وابنوا عليه من الخزينه عماره

عسى الحيا ينشي مداهيل سيله **** على الرويشد في جنوب الفقاره

حتى يدش فياضهم فيض نيله **** يسقي هل العليا وضواحي دياره

ترعى بها أذواد الجموع الثقيله **** من الطويل ليا الجميما ويساره

راح الشجاع اللي فجانا رحيله **** عليه موق العين هلت عباره

لو ينشري نشريه حيلٍ وحيله **** يشرونه اللي يرخصون بعماره

يمناه توفي العطايا الجزيله **** ماهو بخيل ولايهاب الخساره

ويمناه تنثر بلحمر من قبيله **** عصم الشوارب يشهدن ابضفاره

يسحب خصيمه من فراش الحليله **** سحب ابن عواد من باب داره

فاج الدروز وجاب روس الغليله **** سطى عليها بالزلف والنماره

سطرهم النجم الحمر حدر ليله **** دمّر فصيلٍ مستحقٍ دماره

طيب المثايل والشرف يستويله **** الشرق الاوسط يسمعون بخباره

هيهات يوجد بالقبايل مثيله **** لو راح ذبحٍ لاسدادٍ بثاره

ياجاهل الدنيا كرومٍ بخيله **** تاخذ وتعطي بين ليل ونهاره

يروح جيل يتقفاه جيله **** صيارم البيدا مواكر حراره

أنا أحمد الله في شيوخٍ نبيله **** شعلان يسقون المعادي مراره

تمت بربٍ كلنا نلتجيله **** يبني علينا من خيامه ستاره




المرثية الثالثة



مرثية للشاعر بشير محمد الدهمشي



في قصيدته التي يقول فيها :


الله يابو سامي عن الشر يذريك **** يكفيك ربي شر ظالم وظلام

برقيةٍ جت لك بسرعه تناديك **** مضمونها ماينفهم سر وادغام

ومشيت من عرعر بظنٍ وتشكيك **** ثاني نهار العيد للدرب همّام

وساعة وصلت البيت كلن يعزيك **** بوفاة شيخٍ للمواجيب عزام

عساه للجنه وعسى العوض فيك **** إنت الذرى لكل القبيلة والايتام

دنياك ماترحم رخيصك وغاليك **** وصفوة قريش الهاشمي راح ومادام

والموت مايحرم ملوك ومماليك **** أمره على المخلوق وافي وتمام

كل العرب لورنس حزنٍ يواسيك **** من نجد للأردن وغرب للشام

مرجوم ياشيخٍ بعادٍ مساعيك **** فكاك قالاتٍ ثقيلات وضخام

ماخاف من جالك من الضيم ناخيك **** ينام في ظلك معزز ولايضام

عدوكم لاصار حاقد نحازيك **** يطلبك من عزك وتاطاه الاقدام

عقب الطغا ضاقت عليه المساليك **** يشوفك لياعج وتظهر ليانام

مرحوم ياسبعٍ تهابك ضواريك **** مرحوم ياشيخ العرب يابن السطام

دمٍ حمر شفته على عين باكيك **** واللي بكوك شيوخ قومٍ وحكام

من روعتك قمنا نصيحك ونبكيك **** وصرنا نتحنّب زادنا تقل صيّام

لو البطا لاصاحت الناس يحييك **** نصيح في كل الليالي والايام

لكن طريق الموت مافيه تشكيك **** يسوقه المولى للارواح قسام

هدام لذات النعم بامر واليك **** تكتبه الاجيال وهي وسط الارحام

أطلب من المولى عن النار ينجيك **** الخالق اللي للخفيات علام

والله ماننسى مجالك وطاريك **** ذكراك عند الناس عامٍ ورى عام

وصلاة ريب عد مامدت يديك **** على رسولٍ حافظٍ حق الاسلام



هذا قليل من كثير عن ماكتب عن هذه الشخصية الفذة وحياته البطوليه التي قضاها في صحرائه التي أشعلها بالمغامرت والمواقف الرجولية ، رحمه الله رحمةً واسعة .


والسلام عليكم ورحمة الله وبركاته

	الله يرحم الشيخ / أورنس الشعلان رحمة واسعة وصح السان الشعراء وماقالوا فية ماأوفوا حقة ... يعطيك العافية / خالد الرويلي نقل رائع ومميز

المشاركة الأصلية كتبت بواسطة مشعل خليف المطرفي

أشكرك على مرورك الجميل والمثري

صح لسان الشعراء

ويستاهل الشيخ اورنس الشعلان

مشكوووووور والله يعطيك الف عافيه اخوي خالد الرويلي على النقل الرائع والمميز

قـلــيلِ بحقــه وآلله

وشكرآ علىِ آلنقلِ

المشاركة الأصلية كتبت بواسطة صقر الراوي

صح لسان الشعراء

ويستاهل الشيخ اورنس الشعلان

مشكوووووور والله يعطيك الف عافيه اخوي خالد الرويلي على النقل الرائع والمميز

أشكرك على مرورك الجميل والمثري

المشاركة الأصلية كتبت بواسطة راعي العشوا

قـلــيلِ بحقــه وآلله

وشكرآ علىِ آلنقلِ

أشكرك على مرورك الجميل والمثري

شكرا على الطرح الجميل


بارك الله فيك


اخوك
ابو وتين
المنــــــــــــــادي

مشكور اخوي والله يعطيك العافيه على الطرح
لــكـ خــالـــًص الاحــــتــــرامــ و الـــتـــقــديــر
دمـــت بـــوافــــر الـــصـــحــة و الــمــحــبة
ماجد المطرفي

مشكورين اخواني على المرور المنورين والمعطرين صفحتي
لــكـ خــالـــًص الاحــــتــــرامــ و الـــتـــقــديــر
دمـــت بـــوافــــر الـــصـــحــة و الــمــحــبة