ولا زلت أبي أنشد صاحبي إنت مرتاح ؟؟؟

لا زلت أبي أنشد صاحبي إنت مرتاح ؟؟؟

مجاراة لقصيدة ألقاها الشاعر ما جد الزهراني على اليوتيوب

[color="rgb(139, 0, 0)"]

يآصآحبي طآلبكـ خلنَي بــ حـآلي
ما أبي "أضيــّــق خاطرك" وأنت مرتاح

ياصاحبي وإن غبت عنك " ليالي "
غلاك باقي بــ الحنايا ولا راح

تبي أسولف لك ، وش اللي جرالي ؟؟
أخاف يمسح قولنا الصبـــح لا لاح

أجل تعال أجلس هنيـّـا قبــالي
دام الحطب طاح وكثير العتب طاح

لو كل شخص إليا عطيته وفالي
ماكان بــ الدنيا حزن ليل وجراح

ولو كل غالي قدّر إحساس غالي
ماشفت ذاك الدمع من محجره ســاح

ولو كل قلب من الحسد جاك خالي
مايشتكي من شحّ الأمطار فــــلاّح

ولو كل واحد جاك طبعه مثـــالي
ماكان بــ الدنيا سجن ناس وإصلاح

ولولا الذنوب اللي بـ كبر الجبالي
ماكان جيش الكفر لــ بلادنا إجتـــاح

ولو الردي يعرف شــ معنى عيالي
ماقطّ أبوه بـــ دار الآلآم يـــــــا صاح

هذا بعض حزن السنين التوالي
طير الحزن مبطي على خافقي ناح

ما أقول أن الخير ماله مجالي
لآ والذي يفلق من الليل الإصبــــاح

لكن هنا بعض الألم ياحلالي
وأنا أدري أن العود يوم أحترق فاح

أول أقول إني صبور وشمالي
واليوم لآ والله أنفجر سدّي وبـــاح

ماقلت لك ياذيب خلّني بـ حالي
هذا أنت ضقت وأذكرك جيت مرتاح

إلقاء /الشاعر ماجد الزهراني

[/color]

مجاراتي للقصيدة

يا صاحبي .... طلبتك ماهي خمالي
معذور يومك تحسب البال مرتاح

وكن الألم ماله معي أي مجالي
طلق المحيا بحجتي نور الاصباح

تشوفني أضحك مع الناس سالي
وكن الحزن في دنيتي ما بعد عمر لاح

لا والذي خالقك رب الجلالي
إبــطلــبتك بيحت سدي وثم باح

يا كم ... غالي وقـدرهم عندي عالي
مسحت دمع إعيونهم ما بعد طاح

ويا كم ... عطيت أشخاص من حر مالي
وجـازونـي بالنكـران طعن (ن) بالارملح

قلب الحسود من الوفى صار خالي
قلب الحسود أظلم ولو فيه مصباح

إذنوبنا حطت بنا الإعتلالي
إذنوبنا بيد العدوا أكبر إسلاح

ما برر لحالي ولاني مثالي
ولاني بنا أفضل شخص يصلح للإصلاح

الأمر أكبر من تصور خيالي
وإلا خيالك قد تعداه ياصاح

بغداد راحت مننا بإغتيالي
الرفض ويا الكفر لبلادنا إجتاح

والشام شامت للعلا والمعالي
لأرض الجهاد اليوم صايح وصياح

وأرض الكنانه حظها اليوم مالي
وصار التنافس بالكراسي والأرباح

والليـبي وضعه صار فيه إختلالي
صارت لغتهم بين سادح وسداح

والحوثــي يذبح شيخنا والعيالي
خدام فارس ريحهم بالعفن فاح

المسلمين إبلادهم بشتعالي
هم والكفر ما بين ذابح وذباح

مع كل هذا آقــف وألمــلم بحالي
آقـــف وأنا ما بين قصاف الارواح

ما ضاق صدري دام صدري شمالي
ولا زلت أبي أنشد صاحبي إنت مرتاح

؟؟؟

مجاراة من الشاعر / محمد مطر المطرفي