دعوه لجميع الشعراء

السلام عليكم ورحمة الله وبركاته


احياناً يكون التعبير بأبيات قليله ترفه عن النفس ابلغ من معلقه ولاكن تندثر هذه الهمسات لعدم اكتمالها



ارجو أن يكون هذا الموضوع منبر الأبداع بمشاركاتكم الرائعه



وأنا سأضيف اول مشاركه بالموضوع :



شوفي دموعك ليامن غرقت عينك
لا رد طرفك وقال لدمعها آجر
لاسال دمعك من عيونك لخدينك
طيرٍ حداه الزمان وسربه مهاجر
وان كان حظ النهايه لمسة يدينك
ياقربها من نهاية توبة الفاجر
وصاني الدمع دوم اذوب في زينك
لا اشري ولا ابيع في فرقاك واتاجر

سلطان السعيد
فعلاً ابيات عن معلقه
قمه في الإبداع شهادة حق وليست مجامله مبدع مبدع مبدع

ياهلا ومرحبا نورة المتصفح

من حسن ذائقتكـ


بس وين مشاركتك ترا الموضوع للجميع يعني الي يدخل يضيف مشاركه


شاكر مرورك العطر

اخوي سلطان السعيد فكرة رائعه وتامر أمر .
حقيقة هذي آبيات كتبتها بالجوال لآجل ما أنساها ولا قدرت أكملها للأسف .
الشوق والفرقــــــــــا وتذكار الأحباب
والبعد والماضي وراحت ولا جــــــات
واقراب من حولي على عيني اغراب
تجمعو وسترسل البال الآبيـــــــــــات
الوقت مــــــــن عقبك يكشر بالأنياب
وآهات فقدانك مهي بيت آهـــــــــات
وينك ترا مـــــاهي بدايات الأتعاب ؟
وينك ترا جفني لــــه سنين مابات ؟
يلي هجرتيني بلا ذمب واسباب
ماعاد باقي غيرك اليوم غايات

صح لسااااااااااااااانك

فكرة رااااائعـــــــــــــــــــــــــــــة

ظنيـت في ربعـي ولاخـاب ظني ==== وانا احمد اللي يودع الظن ماخاب

هلا والله ومليون بالشاعر ابويوسف ونتتظر المزيدمن ابدعاتك

سعود فرحان الهجل


ابيات قمه بالروعه


صح لسانك ولا تحرمنا الجديد


ابو يوسف



صح لسانك بيت عن قصيده


بانتظار جديدك

بوح

.
.
.
.
.

وحق الله ماجيتك وادور للخيانه باب *** ولا اعتبرك مثل صوره تزين باب دولابي

اذا للعشق طلاّبه انا لك بالغلا طلاّب *** واذا بالناس خوانه انا ما اخون باحبابي

ترا مايشترط بالحب كونك يالغضي جذاب *** ولاكن رجح الكفه جمالٍ زاد اعجابي

اكيد الناس ماتجهل بأن مسيلمه كذاب *** ولاكن يجهلون ان العواذل كذبهم سابي

سمعت الكذب ياغالي وصدقته بدون اسباب *** تحالف قوة الباطل يثقل كاهل ركابي