في مامضى مشتاق واليوم ضامي ؟؟؟

السلام عليكم ورحمة الله وبركاته

ماودي استطرد القصيده صاحبة موقف وسوف تتكلم عن نفسها

من منطلق تجريب ماخالط الشين = واقف على حيلي واناظر امامي
ومن منطلق ضيقه بصدري من سنين = تاقف لي الافعال تسند كلامي
مامثل صوتي صوت وان صاحت العين = غصب/ن على خشم الزمن جاب احترامي
وياصاحبي عزوز شف صاحبك وين = من دونه بحور/ن وغبة ضلامي
وقدام سمعه باروو اصحاب غالين = ولياقصدت اليوم مابي ملامي
وياصاحبي عزوز ماجابها دين = بكتاب ابن حنبل ولا احمد امامي
وياصاحبي عزوز بارقابهم دين = وان ماوفو ديني تجيهم سهامي
رح قلهم نواف جنه براهين = واخشومهم تخسا ولاهم حشامي
منهو وقف جنبي من اللين للين = وقت الشدايد مايسمى حزامي
والي حشم قدري ولوهو من الصين = يفداه دمي زود تفداله عضامي
وياصاحبي عزوز وين الوفا وين = عز الرجال اليوم صاير حرامي
وياصاحبي عزوز عل مابهم شين = كل ماطلع ورع/ن مسوي عصامي
البارحه بالليل سامرت خمسين = جنون في راسي تلخبط نضامي
وصفيت في واحد يساوي له الفين = سولف علي واصغيت والعلم طامي
يومي نشته وش علام المقفين = بحر لي بعينه ويمسك ابهامي
قال اصبعك وان عاب بحساب سكين = مو عيب قطعه لا ولاهو حرامي
ويومي نشته وش علام الضعيفين = الي مهم كفوا/ن لسلت حسامي
قال اصبر اصبر واسمع العلم هالحين = علوم من جني نهج نهج اسلامي
قال الامام ومن وراه المصلين = حي الامام ان صار للعز رامي
ويومي نشته ليه بحروفنا سين = في مامضى مشتاق واليوم ضامي
قال الافاعي سمها بين نابين = كل مادفت جنبك لفا شرها حامي
قال النصايح واسمع العلم ياشين = لرتاح جنبك والعرب في صدامي
قل علهم قي قاعت البير غادين = وتلحقهم الدنيا نحيب الضوامي
عزوز واحسبني مثل واحد اثنين = اماعلى عادل ولا على سامي
ومن بيننا ميثاق وعهود صلفين = وان مانشد خيك تراه متزامي
واسلم وسلم ثم توصابهم زين = الي على الطاري تدور سلامي

وسلامتكم