شوفتك طيّب للمواطن كسيبه
شوفة ملكنا غاية لكل الاحرار
والشعب مشتاق لشوفة حبيبه
ما دام سالم سيدي خير الاخبار
شوفتك طيّب للمواطن كسيبه
تباشروا بشفاك يالقايد البار
وفي طلتك زالت هموم عصيبه
تباشروا بشفاك كبار وصغار
شعب وشجر وجبالها مع جذيبه
تباشروا بشفاك فى كل الاقطار
وهنوا بعضهم في احتفال رهيبه
ملك ملكت قلوب شعبك والاوتار
بالطيب تملك ما ملكت بغصيبه
أنته حبيب الشعب يا منور الدار
وأنت الابو والاخو وأنته قريبه
رفعت بالفعل الوطن فوق الامصار
وروح الحماس أيقظتها في الشبيبه
طورتنا بالعلم في لمح الابصار
وبالعدل ساويت الجبل مع شعيبه
عطفك شمل شعب الوطن غير من زار
وعلى الزعيم الشهم ما هي غريبه
فى طيب عبدالله من الخلق ندار
الا زعيم له فعول رهيبه
الله يجنبه المصايب والاشرار
دعوة مصلي فى قنوته تجيبه
وتشفيه من كل العوارض والاضرار
بجاه العظيم برحمته يعتنيبه
مبروك النامي المطيري