نزلت للسوق ادور سعر الاطياب

نزلت للسوق أدور سعر الاطياب 00أدور الغالي اللي من الغرب مجلوب

حيث اني مستعرض النادر على اللاب 00 ماهو مثل بعض الصناعات مضروب

حصلت شفي عقب شرهات وعتاب 00 ومطمعه اني عميله على دوب

أخذت فاتورة محله بالحساب 00ودخل علينا زاهي اللبس نبنوب

بدا كما بدر (ن) تجلى ولا غاب 00 من البطر يسحب عباته مع الثوب

عين العديم اللي على راس مرقاب 00 والخشم سلة سيف ما تحصل عيوب

والا الشفايف بين توته وعناب 00 والاكما شهد النحل فيه مصبوب

ضحك لي واغضى وسلهم بالاهداب 00ولاني من اللي يفهم العلم مقلوب

قربت منه وبادل اعجابي اعجاب 00واعطاني وريقه بها الشرح باسلوب

كلمني وانا اسمع الصوت باسهاب 00 مثل اليتيم اللي على الحال مغلوب

صم الصفا لوهو يسمع صوتها ذاب 00واستغفر الله يمكن يسيح ويذوب

دخلت بيته وانا خايف ومرتاب 00 بشويش مع كل خطوه افتر وألوب

جاني يمشي يطعن القلب بحراب 00 يادوب يستر جسمه قماشة الروب

قالت لي هيتا لك مادوني حجاب 00 الليله ينفذ لحضرتك كل مطلوب

وتبعت غي النفس والغي غصاب 00 ورحمني ذكر الموت والموت لاهوب

قلت ترا العمر يابنت قافيه حساب 00وعمر الفتى يابنت باللوح مكتوب

وصابتني خشيه وكل شي(ن) له اسباب 00وحلفت لـ(أخلف)هوى النفس واتوب

قلت دخيل حماك يارب الارباب 00 تكفيني نفسي ما أقدر اتحمل ذنوب

ياويل قلبي لغشى جسمي تراب 00وحطو على قبري نصيبه من الطوب

وعرضت اعمالي ماتنفعني ألقاب 00 يبكيني منظر منهو للنار مسحوب

وقفيت عنها ومعايا النصح ما ثاب 00 وهجرت اللي عرفته كلها ذنوب

عبدالله ثاني المطرفي

يعطيك العافيه وقصيده فوق مستوى الروووعه وكان اللي فيها صحيح ابشر بظل العر ش يوم القيااامه

السلام عليكم كيف حالك انشاء الله بخير

ياويل قلبي لغشى جسمي تراب 00وحطو على قبري نصيبه من الطوب بيت يغني عن الف قصيده بوجهت نظري وليس اقلال في باقي القصيده وتقبل مروري

مضياني وعبدالله وابو خالد والمنادي
شاكر ومقدر مروركم والله لا يهينكم على الردود

الاخ عبدالله
ياويل قلبي لغشى جسمي تراب 00وحطو على قبري نصيبه من الطوب
يعطيك العافيه وقصيده فوق مستوى الروووعه
تحياتي

شرفني مرورك اخوي الشقاوي

لاهنت وصح لسانكـ


من ترك لله شي عوضه الله خير


تقبل مروري المتواضع

آلــــف...شــــكـــــررر...ع...آلــــنــــقـــل