وهاض الشجن والقاف مبديه مبديه
وروح على الطوقي قاصد له انسان
لرجل على الطولات له صرح بانيه
لجمعة ربوعه ما بها قول بهتان
وهذاك مشعل وانا باسمه مسميه
رجل على الطولات يفعلها شان
وابو مشاري لا أعتلى في مراقبة
ما هي غريبة منه لا فسر وبان
لا صار ابوه لفعل جده مربية
يبغي الشبل يا خذ سلايل كميلان
والشبل جاوب صوت من كان يرجيه
وجاب الفريسة كلها بغير نقصان
وصوت وجاوب من له الصوت داعيه
ومطارفه ردوا على الصوت وجدان
بمخيم ودك عيونك تراعيه
بالبسمله مبناه وتقواه رحمان
وعسى العيون القشر ما هي تماريه
ولا يدخله أنسان وبلبس شيطان
ومثلى لمراقي العز يقول لبيه
واحضرو يحضر شعر وبكل ميدان
واليوم حان الوصف مني وابعطيه
يوم الفكر صافيه غرد بالالحان
وشوف الدلال الحدب والكيف مرويه
بريح الزعفران اللي لكيفها زان
بصفوة وجيه ما بها نقد ومشاريه
رجال على الطولات من سابق ازمان
ولاجاء العشا تلقي كبار بواديه
وحيل تقد ملك من سمن الضان
و العذر عن بيتن يجي فيه تشويه
ولا أقولها لا صرت من صلب نجفان
شاعر وأمير لا بتي عن مشاريه
وياويل من جاهم بقول حقران
واللي تكن النفسي ما والله ما أخفيه
ومنهو فعل الطيب يشربا بالاثمان
(عرض القائمة)
الأعضاء الذين شاهدو الموضوع : 1
(تعيين)
ابوه لفعل جده مربيه...
كفــــــــوا والف كفــــــــــــوا يــــا أبو فايز
العرض العادي
