أقول ياعاذلي رح مالـك ومالي000نفس الفتى ماتحب اللي يعذربهـا
انا ابخص الناس في حِلي وترحالـي000النفس نفسي واعرف اشلون احاسبها
لضاق صدري وتاه من الغثـا بالـي000 والارض ضاقت وضاقت بي مناكبها
نصيت لي مرقبٍ في صحصحٍ خالـي000في راس رجمٍ تصافق بـي هبايبهـا
بارضٍ خلا خاليه ماحولـك الوالـي000بس الذيابه تعـاوي فـي مراقبهـا
جلست في مرقبي ابكي على حالـي000من حـرةٍ بالحشـا زادت لواهبهـا
وقامت تكسر بصدري عبرة الجالي000اللـي قبـل يتِقـي لـد لمضاربهـا
وقمـت اتفكـر بوقتـي اول وتالـي000وشلون عقب الصفا شانت مشاربهـا
طاوعت ثنتيـن والثنتيـن غربالـي000استاهل اللي حصل لي من مصايبهـا
يامن يوصل لابوجـراح مرسالـي000انا على العهد احارب من تحاربهـا
لغبت عني تكدر خاطـري السالـي000لغابت الشمـس ماتنفـع كواكبهـا
دامك رفيقـي ورب البيـت مابالـي000اضرب على الكايده مانـي بهايبهـا
يالله طلبتك ودمـع العيـن همالـي000اغفر ذنوبي قبـل تِنشـب مخالبهـا
احمد بن عبدالرحمن العريفي
(نديم المجره)
(عرض القائمة)
الأعضاء الذين شاهدو الموضوع : 0
(تعيين)
اقول ياعاذلي رح مالك ومالي.......
العرض العادي
