ماعندك رصيد بالجوال وتبي تكلم ضروري ؟ تعال عندي الحل بس لاتعلم أحد : : :

ماعندك رصيد بالجوال وتبي تكلم ضروري ؟ تعال عندي الحل بس لاتعلم أحد : : :

الـــســــلام عليكــــــم



خدمه خاصه لعملاء [stc] فقط , يعني ياعملاء موبايلي وزين لو سمحتوا يعني صرفوا حالكم شوي ..

المهم

تخيل تبي تجري مكالمه ضروريه ضروريه جداً , ويوم تدق يطلع لك " نأسف لاتستطيع إجراء هذه المكالمه لعدم توفر رصيداً كافً في حسابك" ..

ويوم تستعلم عن الرصيد يطلع لك 00.00 ريال ..

ياحوووووول وش تسوي تبي ترسل كول مي إلا ماعندك ولا كول ميّه يعني بالعربي شافطهن كلهن الثلاثه ..

وبعدين ؟؟

والحل ؟؟

فجأه تبي تروح للبقاله عشان تشحن طبعاً البقاله بعيده , تلقى السياره منصلخ كفرها << لاتسألني وشلون هههههه ..

أدري طولت عليكم ولعبت بمشاعركم الجيّاشه ..

الطريقه عندي بس رجاءاً لاتعلمون أحد يعني السالفه بيني وبينكم لاتطلع لأحد "سري للغايه" ..

- قل بسم الله ثم إمسك جوالك بيدك اليمنى ..

- وإفتح رساله نصيه جديده ..

- تكتب بنص الرساله هذا الرقم : (1055)

- ترسله للرقم 902

وبعد ثواني معدوده

وفجأه

تلقى جوالك فيه رصيد 5 ريالات طبعاً مايطلع لك إن فيه رصيد لكن لما تتصل على أي رقم يدق معك عاااادي وينخصم الرصيد اللي طلبته ولما تستعلم يطلع لك -5 سالب خمسه ..

وكل مازدت الرصيد يزيد عدد السوالب ..

يعني تقدر تتصل على كيفك وتزيد الرصيد ..

يعني الموضوع "طلب سلفه" من الإتصالات ..

بس لاتفرحون لما تشحنون الجوال راح يخصمون المبلغ اللي تسلفته ..

وانا من رأيي إن هالخدمه رهيبه جداً للي متعلق او منقطع او عنده أمر ضروري ..

وألحين للمنقطعين جربوا وعطوني رأيكم ..

خدمــه جديده


بايـــــخه

حسب زيارتي الدائمة في دولة الأمارات هذه الخدمة موجودة في شركة اتصالات من فترة طويلة أكثر من سنة
وتمنياتي تتواجد هذه الخدمة في موبايلي وزين لكي تعم الفائدة للكل
وكما قلت يخصم من رصيدك بعد شحن البطاقة

هذه الخدمة طيبه وتساعد الكثير في حالة الطواري


نشكر لك اخوي مطرفي من الخرج على هذه المعلومات

بس المره الثانية ...... لا تلعب في أعصاب الأعضاء .... ترى بخبر عليك منظمة حقوق الإنسان ... (( يهدد ))

اسعدتنا بطرحك بارك الله بك

علي بن فهد
بو فهد

يعطيك العافيه اخوي على الطرح

الاتصالات السعودية شر البليه مايضحك

افشل شركة اتصالات في العالم

تبي الصراحه شف وش سووا بعملائها الفواتير لا الان مصدره عندهم صفقة زرف

ولك الشكر اخوي وتقبل مروري

المنادي

يبقى رايك مجرد راي (( ما نقدر نغير شيء ))

بالنسبة للزرف من شكرة الأتصالات ..... (( عندنا وعندكم خير )) الزرف موجود بكل إتصالات العام يعني سيم سيم على قولة اخواننا الهنود

سعدت برايك اخوي

علي بن فهد
بو فهد

انا ابي اقولك عندك شركتين اتصالات اخرى غير اتصالات السعوديه
موبالي عالم من اختياري و زين عالم جميل

تقدر تغير رقمك نفس رقمك المعروف لدا الناااااااااس

والله يعين ولك الشكر على النقد اخوي ابوفهد

المنادي

هذه فائدة تعدد شركات الإتصالات بالبلاد وبالتحديد في المملكة العربية السعودية واللتي تتحمل دخول اكثر من ثلاث شركات بكثير لكبر اراضي السعودية وكثرة عدد السكان وهذا بحد ذاته عامل جذب لكل الشركات لدخول السوق السعودي

الفائدة من تعدد الشركات هي التنافس السعري بحيث تعمل كل شركة عروض لجذب الزبائن او العملاء بتخفيض اسعار المكالمات حسب قوانين هيئة الأتصالات وعمل عروض تنافسية إما بزيادة رصيد او عمل هدايا مع كل خط او مع النقاط وهذا كله في مصلحة العميل
مع مراعاة جودة المنتج واللذي تهتم به كل شركة لكي تجذب العميل



الله يكثرهم حتى نشوف المكالمات ببلاش ومع ذلك راح يكسبون


علي بن فهد
بو فهد

يعطيك العافيه على الموضوع الطيب

مشكورررررررررررررررر وما قصرت

مشكور اخوي ويعطيك العافية

الخدمة هذي استخدمتها السودان قبل 3 سنين سالب عشره