صدري وأنا راعيه للعقل توضيب = وقالو حكيم الراي يسمع وسكات
مادام خبره كافيه جابها الشيب = والموعظه والحق عندي مهمات
أورث عديل الروح وأسال وأنا اجيب = ياشعري يااللي فيك لوجه وسجات
خلك قليلن حيل للنفس تاديب = وطيفي وحزني يودعلي قرارات
اسمي وحيد الراي مالي مناديب = والارض تاخذني لكل المحيطات
واخاف انا لاقلت اخطي ولاصيب = ومتولمات الزاحفات السريعات
يامثيب خاطبني على النت يامثيب = يابن سعد وجه السعد والمسرات
الله يالايام فيهن تعاجيب = ذقنا مسراتن وذقنا مضرات
ان جيت اخفيها بصدري لواهيب = وان جيت اعبرها على الخد عبرات
لاقلتلك كني خلوجن من النيب = غدى ولدها بصيف والناس حولات
اخاف انا من الضيم اهرف مع الذيب = ومع الغنم اجفل مثل جفلت الشات
عن تسعه تسعه وين ابا اروح وغيب = اليا لفني بسنين القريبات
في يوم شهر الصوم جاني مضاريب = امواس جزارن حدادن شطيرات
يالله يالمعبود ياعالم الغيب = تجزي عبيدن ذاقو المر جنات
عطه بنات الحور والمسك والطيب = وانك تبدل كل سيه بحسنات
عساه يغفر الخطا والعذاريب = لاجوله الجنسين عارين وحفات
يانفس توبي واعملي بالمواجيب = مادام حنا اموات وعيال الاموات
بقلم الشاعر / عواد بن لهمود المطرفي
(( وحيد الراي ))
صــــــح لسانك