قصيدة رثاء في وفاة الامير نايف

قصيدة رثاء في وفاة : صاحب السمو الملكي


الأمير نايف بن عبدالعزيز آل سعود رحمة الله .


(ولي العهد ووزير الداخلية السعودي)



** والله فقــيدة **


الوقت شيــن .. وفيه تتغير احــوال


لا نيب لا راجي ولا نيب خايـــف


تفــرح به انذالٍ وتبكــي به رجــال


والله فقيــدة .. قلتــها يـا حسايــف


نايف وزير الأمن .. أقـوال وافعال


جندي.. لوا.. ضباط.. صقورنايف


تحرس بلاد الدين.. قوات واجـوال


درعٍ عن اخطارٍ.. كبار وخفايــف


جانا خبـر مـوته .. مصيبة وأهوال


وتباشروا.. ما بين حزب وطوايــف


مرحوم جِعْلك بالثّرا.. طيّب الحال


نايف قبل مـوتك .. وعقّبت نايف


الكل بالـرحمة دعــا .. دمْع همّال


من زار بيت الله .. ومن جاه طايف

الشاعر : إبراهيم بن عبدالله العواجي

القصيم – الرس ( بعيد الهقاوي )


السبت : 26/7/1433هـ

صح لسان الشاعر ..

و رحمة الله على اسد السنة ... والله يسكنة جنات النعيم

مشكور يا البناخي على النقل الرائع و المميز

تقبل مروري و لك التقدير

الله يرحم الامير نايف ويسكنة الجنة

لاهنت ابو محمد طرح رائع وصح السان الشاعر