ديوان جوهر البيان في مدح بن فهران

(( نخــــــــــوه))

هذه قصيدة قالها الشاعر/ صالح بن سبتى مروان الشدوى الزهراني. بالسيد فرحان بن فهران المطرفي العنزي.

غفوة الحظ وأطباق الحفف والجفــــــــــن تشرب الذات من نزف إحتقار الرجــــــــال
ضايق الصدر من كبر الحدث واحتقــــن لين امتلى وامتلى حتى ماظلا مجـــــــــــال
وجيت أدور على متكى شمال ويــــمـــن وطــار قلبي جنوب وراح فكري شمــــــــال
وكل طاير من أحلامي تلزم غصــــــــن وكل ما حلم لامس غصن مرجع ومـــــــال
وتكسرت كافة أغصان الهقاوي وهــــن واسراب الأحلام طارت في فضا المستحال
ورجعت في ذاتي أدور بذاتي لمــــــــــن يوقف ويرسى كما ترسي الرواسي الجبــال
رجال موقف إذا احتاجه رفيق وزبــــن ياجيه كله هلا فزعه بليا تعـــــــــــــــــــــال
تشوف في وجهه الفرحان امن وسكـــن يمدلك وجهه المضياف تمـــــــــــــر ودلال
كنه إذا اقبل يقول ابشر تمن وتهــــــــن الي تريده تلبا لك ياولد الحـــــــــــــــــــلال
ولقيت رجال قلي هاك مــــن دون إذن تبغى العزاوي توقف لك عراض وطـــوال
ابرق لفرحان بن فهران واحد ضمــــن ثلاث أشخاص لا رابع لهم في المجـــــــال
صلاح يوم اعتزته القدس ضاق وحزن ولا ابتسم لين حررها وصوول وجــــــــال
والمعتصم يوم جت له صرخة من لحن بنيه ضامها الرومان وقت إحتـــــــــــــلال
كب الجيش والقوات وأعلن علـــــــــــن وجابه الروم واحتل البلد واستطــــــــــــال
وانته مابين أربعة جدران تنخا لمـــــن ياجيك من عند ربك بالفرج والجمـــــــــال
فرحان لا قلت له فرحان قلك تمـــــــن ورد جمالك على المارد وصدر جمـــــــال
هذا أمير العنوز وشيخ شمر ومــــــــن الا أمير البوادي والحضر والشمـــــــــــال
الا أمير المواقف والواقـــف لهــــــــــن وقت المواقف رجل يوقف مواقف جبــــال
فرحان لادق لك تبسط وغــــــــــــــــن شيمه ونخوه معربها بعم وخــــــــــــــــــال
قلت ايه والله يافرحان جار الـــــــوزن واحمالي الي على ظهري وثقــــــــــــــــال
ثلاث زوجات وأم بألف دمــــعة تحن وأزيد لك بالخبر والعلم عشرة عيال
شتات والبيت من بعد الضرر مهدمن وهم مابين الشقق في حلةٍ وارتحـال
ومراض صدري ولحميه وقهر وغبن وشيخ يسوي قبيله مايساوي ريـــال
ابيك تنشط كياني من عميق الـــــعفن وتشيلني من هنا تكفى وتكفى جزال
اريد مهله تجنبني طريق الســـــــجن فيها اتعالج وسوي للأمور اعتـــدال
وبني على ساحة الواقع بصدري مدن تجسد أحلامي المتوثبه للخيــــــــال
أبيك وأبيك وانا أطلبك قلي تمـــــــــن قرر أموري وعدلها وميل عقـــــال
وتعال فزعه وأذن وتعال من دون إذن تعال تكفى تعال تكفى تعــــــــــــال

الشاعر : صالح بن سبتى مروان الشدوى الزهراني

هذه القصيدة قالها مهدي بن عبار العنزي مادحاً فيها فرحان بن فهران المطرفي

شوفك يسر قلوبنا يا أبو سلطان = حيثك من أهل الجد وأهل الشهـامه
من ساس قوم باللوازيم ويلان = حريبهم ما يهتني في منامـه
يومنها بالسيف والرمح وسنـان = ليا هاجت الهيجا تفك الجهامـه
واليوم كل النــاس في أمن وايمان = وكل على ما قيل يبنـي خيامه
ربعك هل العشوى بحزات الاكوان = ودرب المراجل ماسـكين سنامه
أقولها واجهـر بهــا سر واعلان = و لا خير باللي ما يميز كلامه
علمك ظهر بالطيب والطيب ميدان = مايدخلونه تابـــعين الرخامه
والناس مبطي قالت الجـود عنوان = لآهل المروه والوفا والزعامه
والعلم لو لا بذل الأموال ما بان = ودرب الحلال مبين من حرامه
وش يمنع الطيب ليا بار كوبان = هو ما درى إن العمر تاليه خامه
وأهل المراجل يوم يطرون فرحان = ما رافقوه أهل الردى والنمامه
قبلي بدا بالشعر والقول راكان = المدح يآهل الجود مابه ملامه
والرجل له مبدأ ومنهج وميزان = وترى السمينه ما تسمى هلامه
و من لا نفع من جاه عاني وحيران = الناس تفقد هيبته وأحترامه
تمت وصلي عد هتان الامزان = أهديت شعري وأنت تفهم مقامه

قصيدة للشاعر: اديهم العنزي

سيرت لبوسـلطان ريف الهجافي = له مجلسن يكرمبه الجار والضيف
فرحان أبن فهران قرمن سنافي = غني أبوسلطان عن كـل تعريف
المطـرفي شـوق عذب الرهافي = طـيبـه مـابه لا تـصنع ولا زيف
تشـهد خيامه تحتضن كل حـافي = يلـقابها قبل العشاء خاثر الكيف
وخرفان تقلط في صحون أنضافي = ودلال علـى اجوار ناره مهاديف
يـفرح أليا جاله من البـعد لافي = وفي مجلسه يزدادحشمه وتشريف
ومدت يمينه عن يساره تكافي = وأطلق من سجن الرويس المواقيف
وأليا شبت النيران ناره اتشافي = مثل العلـم بعـاليـات المـشاريف
والياجاءمن بعض الرجال اختلافي = أقوى من البالود وأمضى من السيف
امـضى من الحـد والحـد كافي = مـصقول يقـطع بالوسـط والأطاريف
يسقي العـدو بكاس سـم زعافي = وعـالي بنفسه عن جـميع السفاسيف
مـالاذ مـقطـوع مـالـه مـلافي = يـاكل ويشرب من صحون مذاريف
واليا جـا نهار فيه عض الأشافي = أعـداه تمشي من مفعوله مخاويف
اليا قيل أبو سلطان جاهم ارجافي = وأن عدوا العراف سيد العواريف
يلف على اللي يمكرون التفاقي = وأهل الوفاء يخضع لهم النفس تكليف
ومن حرماله يعطي العطاياالخوافي = يعطي العطا محدن دريله ولا شيف
صديق لمن صادق من الحقدصافي = أصفى من نقع المطر بأول الصيف
ذرى مـن بالـبرد ماله ألـحافي = ذرى الضعيف عن لفح حرالعواصيف
ونفسه عن الهفوات فيها عفافي = تـشوم للـعليا ولاتـداني الـحـيف
الوايلي المطرفي ماهـو خافي = ترعـابه شـقح الـبكار المشـاعيف
من لابـة مثل الحرار المشافي = كـم فرقوا بأفعالهم من مواليف
رجالهم يـوم اللقى مايخافي = يطوعون اللي براسه زعانيف
مطارفة أليا جاء نهار الهتافي = حماية المظهور ماهي سواليف
وتلقى الفداوي نايمن بالرفاقي = ياكل ويشرب منقولهم المصاريف
نعم بهل العشوى حماة المقافي = حماية المـقفين مـاهي تخاريف
أليا جا يوم فيه طعن الشلافي = لطامة العايل بحد المراهيف
وأليا حصل بين القبايل تجافي = عن فعلهم تقصر جميع التوصيف
الضد يقفي عن ظعنهم عيافي = عقب الطمع يقفي بحسرات ومعيف
وعن فعلهم ماشاب نظم القوافي = لكن اختصرت القول بشرابة الكيف
هذا وانا ماقلت قول ينافي = والناس لها عادت ومذهب وتصنيف
وخاتمتها مسك المعاني تضاني = صدق المعاني مابها قول تحريف

قصيدة قالها علي غانم العنزي

فرحان بن فهران رجل المشاكيل = من صكته سود الليالي أنتخابـه
تقصر على فعوله خطات الرجاجيل = اللي عن الـلافين ماصك بابـه
يشيل ثقيل الحمل لوأن مـابه حيل = يـوم ولد الـلاش يضحك بنـابه
اللي على الصاحب مثل طيرأبابيل = اللي لياقضى الحاجةأخذها ورمابه
لا تأخـذ بالخاطر فعـول المهابيل = اللي الياجت الغانمة ماسعا به
أنتم مساكنكم بروس الشـهاليل = والبوم تعرف مسكنه بالخرابه
الله يحفظكم عن الـعسر والمـيل = بجاه من ينشئ بجوه سحابه

للشاعر/ علي سليمان ألسليطي الشمري

يالييل سلم لي على الشيخ فرحان = سلم على زيزوم شمر وعنـاز
شيخ أصيل ومن مواريث شيخـان = الشيخ أبوسلطان بالمرجله فاز
مثل القمر اللي بـكبد السماء بان = يسطع من جدة الى حدالأهواز
بشجاعته به من أسـاليب راكـان = وبإمارته يشبــه لفيصل وفواز
بالطيب والمعروف مامثله انسـان = وترفع له الرايةعلى كل مركاز
للطيب والمعروف والمجد عنوان = لصعب المراجل والمواجيب فزاز
عز النشا مامن نضانض كحيلان = من لابة للمجـد والطيب تنحاز
اطـلق مسـاجين تحت قيد سجان = باسرع من توليعـة النار بالقاز
واضح بسيط مامشى بدرب هامان = لكن خبيرفي صعيبات الإلغــاز
وياعدوا الشيخان عد ابن فهـران = غصبا على اللي للأجاويـد لمـاز

الشاعر/محمد حسن القيسي

البـارحة مـانمـتُ وأنـوح نـوْحـي = كنّي كسير الساق والقلب مطعون
همٍ سـكن بالقـلب عيـّا يـروحـي = عـانيت منه وكـثرالناس يـدرون
من الزمـان اللي علـيه شحـوحـي = من شـافني قـلي سـفيهٍ ومجنـون
مـا يـدري إنـه دايمـاتٍ جروحـي = نــاس تصــفق والـــبقيه يغنـون
والهم في قـلبي يحـطم طموحـي = غديت كنّي داخل السجن مسجـون
وقمتُ أجر الصوت والناس توحـي = قالوا عـلامك قلتُ يالربع مغبـون
وا قلبي ياللي من خفوقه يفوحـي = فـوح الدلال اللي على النار يغلـون
واللي بقلبي مـا يبي له وضوحـي = وضحتُ ومابي ياهل العرف تكفـون
أبغى النصيحة يالصدوق النصوحي = علمني ويش الحل يالقرم وش لون
عـلمٍ وكـاد ولا يبي له مزوحـي = غديتُ كنّي بين طـاعن ومطعـون
فرحان أبوسلطان عالي الصروحـي = ياما على بيتـه من النـاس يلفـون
مـا ظنتي غيره يـداوي جروحـي = اللي على جـاره وكـيلٍ ومـأمـون
يا للي على نيل المكارم طموحـي = ومن الخطأ يامعرب الجـد مصيـون
راعي الكرم ماهو بخيلٍ شحوحـي = يمنـاه تنـدى مثل غيـمٍ به مـزون

الشاعر/محمد الخالد الشرعبي العنزي

مبداي بأسمك يارفيع المقامي = ياخـالق الدنياوباسط سهلها
أرجاك تغفرلي جميع الأثــامي = ياغـافر الزلات للي عـملها
ومن بعدذاخصيت مثنى كلامي = فيه التحية للمكارم واهلها
مخصوصة فيها مناهي سلامي = مثل نسوم الطيب تشفي عللها
تلفي على فرحان ذاك الهمامي = تــاتيه مني سـاعيه عا مهلها
الوايلي مابه اعيوب وتهـامى = شخصه ترى كل الفضايل شملها
عزالله انه من وجيه الكــرامى = تلقاه لفعل الغانمات يعملها
من لابـة لاصار شد الحـزامي = حـريبهم مانـال الا فـشلها
مطارفة بالعون سقم الخصامي = الكل منهم بالمعارك بطلها
يردون حوض الموت ورد الظوامي = لاصاربالجمعين كثرةوشلها
ونعم السحالي من الشيوخ القدامى = اهل الشويهه مثل عالي جبلها
الشرعبي يهديك خط الأقلامي = وأبيات ود من ضميره نهلها
الله يفكـك من عسير الأيـامي = وكل طيبة ياشيخ علك تصلها
وأختم كلامي بذكرسيد الأنامي = محمد رسول الله خاتم رسلها
يشفع لنا في يوم كثرالزحـامي = كل عقدة بالعون عنده حللها

الشاعر/أديهم بن محمد العنزي

ياشيخ عنــاز وشيخ شمـر هل البـوش = أنت الذي محسوب من الناس باشه
بـاشـه لبس من حلة المجد طربـوش = وحضي بمجد أبوه وجده وعاشه
يا شـمعة الصـبيان يامـدلـه الغــوش = والوجـه طـلقٍ دايـم به بشاشه
المطرفي فرحان اليـاحـتمى الهــوش = عدوه من خفوقه يزيد ارتعاشه
لوهو بدورأول وأعتلى صهوة كروش = يجندل الفرسان والبوش حاشه
هشـوش لياقـيل بالغـوش هـشـوش = وصعب المراس اليابديت بالنقاشه
وبالجود مثل الغيث تروي به عـطوش = وتحبا الأشجاراليابسه من رشاشه
ســارو بـعلومه منـاديب وطـروش = ماهو بعيد يطلع على كل شاشه
ياشوق من رشت على الجيب حبشوش = وغيرك ماحد يجرى يقرب فراشه
ترى الرجـال أصناف عاقل ومربـوش = وفيهم قليل العرف وفيه الدباشه
وفيهم ذهين وفيهم أمـجاد وأخـتوش = وفيهم اللي قلبه جناحي فراشه

الشاعر/محمد حسن صيفان اليماني

بــديت بسم الله رب الجـلالي = من يطلبه طول الدهر مايخافي
سر ياقلم واكتب على بــالي = واكتب بيوت منظمة بالقوافي
واذكر بها فرحان ذيب الرجالي = كريم سبلا وللمهمات وافي
وقله ترى قلبي يزيد اشتعالـي = وانت الذي تظفي عليه لحافي
في مجلسه تلقى الصحون ودلالي = ماهو من اللي يذبحون العجافي
انا اشهد انك يابوسلطان عالي = فوق الثريا منت بالأرض خافي
يوم انها قصرت علي حبالي = نصيت لي قرم كريم سنافي
فرحان أبوسلطان نسل الرجالي = وافي الخصال وماعليه اختلافي
وربعه هل الطولات يوم النزالي = مطــارفـه بمصقلات الرهافي
ياشيخ أنا والله عليم بحالي = وأنت الذي تعطي بليا حسافي
فزعتك ياشيخ الشيوخ الجبالي = سروعلن منت على الناس خافي
صيتك لمع شرق وجنوب وشمالي = طيب وكرم مثل الذهب دوم صافي
تشهد لك خيام تفرش زوالي = ياستر من تظفى جديد الغدافي
أقــولـها والله عليه أتكالي = بشوق من قرنه على المتن ضافي
فرحان علومه كل أبوها جلالي = يفرح لا جاله من البعد لافي

الشاعر/ أسمير العضياني العتيبي

يا مـرحـبا أعـداد جـمع الطـوابير = وأعـداد مارشش صدوق الخيالي
ببيــات أحـلى مـن در المـصاغيـر = للـشيخ فـرحان كريم السبالي
شيخ على أشداده للوجيه المسافيـر = ريـف على ربـعـه عـدنٍ أزلالي
يا حاتم الـطائي ويا سـالم الـزيـر = ويا عنتر العبسي نـهار الجدالي