مجاراة على قصيدة الشاعر / مطلق الغراء ,,, من الشاعر / علي النويصر

مجاراة على قصيدة الشاعر / مطلق عيد الغراء

من أخوكم الشاعر / علي ناصر النويصر

علّ السحاب اللي امزونه مراويح ,,,,,,, يعل من له بالبدايع ارسومي!

قبرٍ (لخالد)فوق روس الطحاطيح ,,,,,,, فرز الوغى يوم المنايا تحومي

اليا فزع تلقى مع الراي تسليح ,,,,,,, يشرب قراح وللهماج امعسومي

كفه سحاب وكف يمناه تسبيح ,,,,,,, جزل العطى عن الدنايا يشومي

رايه سديد ولا يبي زود توضيح ,,,,,,, كنه من اليمنى يسدد اسهومي

اليا ارتكى للحمل ماوالله يطيح ,,,,,,, يبرك ولا هو للمراجل يسومي؟

واليا بغيت الذخر مابه مراويح!؟ ,,,,,,, سنّد على (سليمان)حرٍ قطومي

اليا كفخ سابق مع الغيم والريح ,,,,,,, واليا خطره الضيف تلقاه يومي؟

من لابةٍ ماتحتمل زود تشريح!؟ ,,,,,,, رديّهم عند الملاقى. جزومي؟؟

وايل لهم في صفحة العز تصحيح؟ ,,,,,,, تاريخهم فوق الثريا يزومي

والمطرفي نعم الرجال المفاليح ,,,,,,, خيّالهم بحر المنايا يعومي

راس المعادي فوق الأفراس تطويح؟ ,,,,,,, من حولهم كن الجماجم ارجومي

نيرانهم لاجا المسير مصابيح ,,,,,,, وادلالهم صفرٍ يصبه اقرومي

واختامها يارب رحماك واتبيح ,,,,,,, شيخٍ الربعه والخلايق حشومي

صح لسانك وبيض الله وجهك وماقصرت=اخوك=نايف عبدالرزاق المطرفي

صح لسان الشاعر علي النويصر ..

وبيض الله وجهة على القصيدة الرائعة ..

و رحم الله امواتنا و اموات المسلمين

والشكر موصول لك اخوي فارس المطرفي على إضافتك

للقصيدة ..

السلام عليكم

صح لسانك وبيض الله وجهك قصيده اجمل من رائعه ومعبرة جداً

رحم الله امواتنا و أموات المسلمين جميعا

تقبل تحياتي