<!-- open content container --> <div align="center"> <div class="page" style="width:100%; text-align:right"> <div style="padding:0px 25px 0px 25px" align="right">




أهلاً وسهلاً بكم في منتديات قبيلة المطارفة الرسمي من عنزة ,,,,,, في المنتدى الأول لقبيلة المطارفة على شبكة الإنترنت ,,,,,, تنويه : جميع ما يطرح في المنتدى يمثل وجهة نظر صاحبه ولا يمثل وجهة نظر إدارة المنتدى ,,,,,, تنويه : على جميع الأعضاء الرجوع إلى منتدى القرارات الإ دارية والإطلاع على شروط وضوابط منتديات قبيلة المطارفة الرسمي ,,,,,, تنويه : لا يحق للعنصر النسائي التسجيل في المنتدى فأهلاً بهن في زيارة المنتدى للقراءة والإطلاع فقط ,,,,,, تنويه : على جميع الأخوة الكرام الذين ينتظرون التفعيل مراسلة إدارة المنتدى ,,,,,, والتعريف في أسمائهم الشخصية لكي يتم تفعيل العضوية لهم والإحتفاظ بها في سرية تامة عند إدارة المنتدى ,,,,,,, شاكرين لكم حسن تعاونكم كلمة الإدارة


 
العودة   منتديات قبيلة المطارفة الرسمي من عنزة > المنتديات الخاصة بالقبيلة > منتدى دواوين شعراء المطارفة
 

منتدى دواوين شعراء المطارفة يختص بقصائد شعراء المطارفة

إضافة رد
 
 
أدوات الموضوع انواع عرض الموضوع
 
 
قديم 12-10-2009, 02:11 AM   رقم المشاركة : ( 1 )


الملف الشخصي
رقــم العضويـــة : 213
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 41
المشاركـــــــات : 42
آخــر تواجــــــــد : 19-10-2009(05:04 AM)

اخر مواضيعي
 
0 ديوان الشاعر/ سعد صالح المطرفي



افتراضي ديوان الشاعر/ سعد صالح المطرفي

السلام عليكم و رحمة الله وبركاته

صبحكم الله بالخير و مساكم الله بمثله

إخواني أعضاء منتدى المطارفه هذا ديوان الشاعر المعروف

سعد صالح المطرفي و نتمنى انه يعجبكم


***

((&& وسـيـع ابـطـان &&))




منهو يطمّن راسه العالـي علـى وشّـو يعيـش=تراه ميّت لو يحسب انّه مـع العربـان عـاش
ومن لاحفر ذكره مع الشجعان ويشوش ويشيـش=ياتيه مـن بقعـا غرابيـل.. وغرابيـل ابّـلاش
ماهي بلعبة دومنه يا بنـج يـا دوّه يـا شيـش=ولاهي بلعبة هنـد تاليهـا مـع ربعـك هـواش
اللي حصل من غير تشويش و زياده بالوشيـش=علمٍ يداوي كل جرحٍ ما نفـع بـه كـل شـاش
حكمه ومنهو يطلب الحكمه محال انـه يطيـش=اللي يطيش اللي عن ادروب السنع روّح وطاش
الطير وشهو قيمته ؟ لو هو يجي من دون ريـش=وسلك الحرير اش قيمته ؟ لو كان مايوجد قماش
واللي يجي تحت العريش اخير من فوق العريـش=اللي تحت له فَيْ واللي فوق مالـه فَـيْ مـاش
ومن صد عن ربعه وهو قاادر مثل صدّة قريـش=امّا يموت من اللقـا والا يمـوت مـن الطنـاش
هو قلب راع الصامله ياتي مثل قلـب الخريـش=هذا يحوش من الردى والصامل من الطيب حـاش
والناس عسكر فيهم اللي ضابط و فيهم شويـش=وكلٍ على مضرب يمينه ياخـذ ارتبّـه و كـاش
فن كان تزرع عيش يرجع لك بدون اشكوك عيش=واحسب كثر منته بتزرع طيب يرجع لك خيـاش
والطيّب الطيّب وسيع ابطان لـو هـو بالعشيـش=ما تلحقه شكّه بنفسه لو بقى وسـط العشـاش
ما تلحق الشكّه سوى ولْد الغشيش ابن الغشيـش=اللي يحسْب ان الفلوس اتخلّـي العالـم مـواش
والآدمي يفرق اصيل الخيل عـن خيـل الكديـش=مثل مايفرق نفعة الديم و طشاطيـش الرشـاش
لا جا على الوسم وهل البل وفرّت سعر الحشيش=من خير ربّي مـا تقـرب للدراهـم والمعـاش

التعديل الأخير تم بواسطة بندر فرحان ; 27-12-2009 الساعة 04:21 AM سبب آخر: تنسيق الأبيات
  رد مع اقتباس
 
 
قديم 12-10-2009, 02:25 AM   رقم المشاركة : ( 2 )


الملف الشخصي
رقــم العضويـــة : 213
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 41
المشاركـــــــات : 42
آخــر تواجــــــــد : 19-10-2009(05:04 AM)

اخر مواضيعي
 
0 ديوان الشاعر/ سعد صالح المطرفي



افتراضي

((&& مــــجـــنـــون &))

&&&



مزْيَنك يا وردٍ على الطوف مزْيَنْـك=كم لك هنـا طايـح و لحـدٍ يشمّـك
حتى الذي زارعك ما هـو مثمّنـك=يموت لو هو شاف مخلـوق ضمّـك
شكلـك يذكرنـي برجـلٍ امزامنـك=وان كان ماخصّـك بوصفـه يعمّـك
و اقول له: يا صاحبي وش امحزنك؟=مادام تربـات الـردى مـا تطمّـك
تعال ابصرف لك شعوري من البنك=واجيبلك مـن خاطـري مـا يهمّـك
كلّه لأني عـارفٍ ويـش معدنـك؟=ياللـي امفسّـر للطويـلات كمّـك
تدري وش اللي يا رفيقي امجننـك؟=انك ليا شفـت الغلـط فـار دمّـك
مجنون و اجنونٍ على الطيب بيّنـك=اخير من عقلٍ علـى العيـب خمّـك
فلا توجّب يالخوي من مشـى عنـك=وجّب من اللي وجّه الـدرب يمّـك
هو منهو لا منّك تضايقت عاونـك ؟=مثل الذي لامـن تضايقـت غمّـك؟
هذا يزمّك كـان طحـت و يزبّنـك=وهذا لو انّك طحت ما ظـن يزمّـك
واللي من اسموم المذمّـات يشحنـك=لا بد مـن يـومّ يجيـك و يسمّـك
وان كان ابن عمّك ليا غبت يطعنـك=وايدق بـك وابكـل مجلـس يذمّـك
ياتي من الأجواد حـيٍ مهـو منـك=وايكون الأقرب لك من اوليد عمّـك

التعديل الأخير تم بواسطة بندر فرحان ; 27-12-2009 الساعة 04:26 AM سبب آخر: تنسيق الأبيات
  رد مع اقتباس
 
 
قديم 12-10-2009, 02:35 AM   رقم المشاركة : ( 3 )


الملف الشخصي
رقــم العضويـــة : 213
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 41
المشاركـــــــات : 42
آخــر تواجــــــــد : 19-10-2009(05:04 AM)

اخر مواضيعي
 
0 ديوان الشاعر/ سعد صالح المطرفي



افتراضي

((& طـيـر ابـن بـرمـان &))

***





اعوذ بالرحمـن مـن كـل نمـرود=ومن الحسد ومن الردى و القطاعـه
وابني على روس الطويلات عامود=عليه مـن طبـع البقيشـي طباعـه
واقول و افعل و افعل الزود و آزود=و املك عن افعال الرديـه مناعـه
واشلون مملك دامني ضنوة افهـود=شمخ الرجال اهل السطر و الشفاعه
احدٍ يعيش و عيشته مـا بهـا فـود=لا نافـعٍ نفسـه و لابـه انفـاعـه
واحدٍ لو ان امنخر اعظامـه الـدود=ذكره يشعشـع بالمعالـي اشعاعـه
ما ينثني لا شـاف دخّـان بـارود=يقلط على الموت الحمـر باندفاعـه
امّا حياةٍ كلهـا اسهـود و امهـود=والا ممات ابعـز راس و رفاعـه
والله خلق و الخير واجد و موجـود=و الناس هم اكبر سبـب بالمجاعـه
هذا حسد هـذا و هـاذاك محسـود=وهـذا مشـرّع للرديـه اشراعـه
وان كانها تبطي كذا شر و اجحـود=بشّر عربنـا بالخـراب و ضياعـه
خطو الولد لا من غدى العلم مردود=يشوش من دون العرب و الجماعـه
مركاه بالطالات و البشـت بالنـود=وفنجاله من المرجلـه و الشجاعـه
حلحيل حلو السـان صنديـد بالـود=صميـدعٍ تحـرم عليـه الضفاعـه
جلسه معه لو تبطي ايـام و اتـزود=عليّ حرم ان كنّهـا الربـع ساعـه
وبالناس منهو لا حكى كنّـه العـود=من طيب هرجه ماتمـل استماعـه
و فيهم من اللي صملته مالها احدود=وفيهم من اللي صملتـه دون قاعـه
وفيهم من اللي يطلب الجود و ايجود=و فيهم من اللي لا لفا الجود باعـه
و فيهم من اللي وقفته تطلب اشهود=وفيهم من اللـي شاهدتلـه اذراعـه
والرجل كان انّه فهد عاشر افهـود=وان كانه اضبيعان عاشر اضباعـه
والحر يطلع والعرب تفرق الـزود=والآدمـي يمنـاه تجنـي متـاعـه
واللي بضايعْه الردى قيل له عـود=يا طير (ابن برمان) مالك بضاعـه

التعديل الأخير تم بواسطة بندر فرحان ; 27-12-2009 الساعة 04:30 AM سبب آخر: تنسيق الأبيات
  رد مع اقتباس
 
 
قديم 12-10-2009, 02:47 AM   رقم المشاركة : ( 4 )


الملف الشخصي
رقــم العضويـــة : 213
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 41
المشاركـــــــات : 42
آخــر تواجــــــــد : 19-10-2009(05:04 AM)

اخر مواضيعي
 
0 ديوان الشاعر/ سعد صالح المطرفي



افتراضي

((& الــمــــطــــارفــــه &))

***


حنّا هـل العشـوى ولا نبغـى عـلام
اللابه اللي مـا انذكـر فيهـا دنيـس
نحسب مع الويـلان بحسـاب السنـام
وياسعْد منهو كـان لربوعـي جليـس
ما هو حكـي مـن الرخـا والاّكـلام
حقايـقً منـهـو يكذبّـهـا يخـيـس
حنّا هل البـارود و السيـف الحسـام
وحنّا حرار الحرب لاحمي الوطيـس
امردديـنٍ مـن خـوال ومـن عمـام
يوم الردي يجمع من اصله كل كيـس
منهو زبنّـا يبشـر انـه مـا يضـام
ياتـي عـدوّه مننـا عـلـمٍ تعـيـس
يوم الخميس ان قيل وقـت الأصتـدام
عليـه مـردود النقـا يـوم الخميـس
على الوعـد مـا نقبـل التأخيـر دام
ناكل من اكبـود الرجاجيـل الحميـس
و الضيـف يبشرلـه بقـدرٍ واحتـرام
و اي مطرفي يصيرله خـل وونيـس
فان جيت لعيال ( السحاليـه ) وسـام
منهم أنا و اي راس مابه طيب ديـس
اللـوط والـوادي و زايـد بالـزمـام
وحصنان و الفاضل فداهم كـل هيـس
و منّا (الوطيف) اهل القنا ربعّ كـرام
ومنّا (سميين الذهـب) معـدن نفيـس
و منّا (عيـال جديـع) نجـمٍ بالظـلام
اسعيد و السالم و ازَد وش تب تقيـس
وش تب تقيس من الصناديـد الحشـام
فرّيـس والفـارس بيدّيهـم فـريـس
منّـا ( بنيـان السحالـي ) و الدهـام
ومنّا (بن ركيـان) و اعدانـا طميـس
و منّا ( الهنيديس ) ان توسط بالكتـام
تقـول كنـه شـاربٍ لـه خندريـس
فك الخلـوج اللـي ولدهـا مـا ينـام
لعيون من قرنه علـى متنـه مسيـس
ومنّا ( سعود الذيب ) طـرّاح الهـوام
ومنّا (الغنيم) ومـن تحدّاهـم نحيـس
ومنّا (صقر و الخلب) والهقـوه تُـرام
الهقوه اللـي حولّـوا فيهـا (دبيـس)
ومنّا ( البقيشي ) لانوى حـرٍ اقطـام
( شيبان ) لا شاف المعارك له ضريس
ومنّا (الصخيل) اهل الجمايل و الشهام
هم عزوة اللي من عنا الأيـام حيـس
حنّا حمينا الجـار ليـن الجـار قـام
وحاموا ( هل العشوى )و ملعونٍ ابليس
فكـو شويهاتـه و صـار الأنـهـزام
من عقـب مـا عيّـا يبدلهـن بعيـس
ربعي ستـر مـن هـي تلثّـم باللثـام
و عون الحبيس اللي شكا قهر الحبيس
هم درع جمبي والمكـارب و الحـزام
وانا لهم حرٍ علـى الطالـه حسيـس
وياعنك رجلٍ صد عن ربعـه و نـام
كنّه حفر قبره و لـو ينـزف عَريـس
راسٍ يدنّـق و الله ان عيشـه حـرام
ودّك على الصابـر يُحـط الدرنفيـس
منهو يشوف النـاس مـو قـد المقـام
تشوفـه العالـم طلـي و الا بسيـس
ومنهو يشوف الناس حوّامـه و حـام
يكبر بعيـن الخلـق وايـذل الطفيـس
كلٍ عطه حقه علـى حسـب النظـام
العفن خلّـه عفـن والريّـس رئيـس
والرجل كانه شام عـن درب الخمـام
مثل العقاب اللي يشوم عـن الفطيـس
والطيب لأهل الطيب والطنخـه غَمَـام
تلفي كريـم الـذات دون الطرطميـس
واللي مدح ربعه و صادق مـا يُـلام
ولايستشك الا الردي و الا الخسيـس
ربعي واحامـي دونهـم قـدم الأنـام
و اضرب بشلفاهم ليا حمي الوطيـس


الشاعر : سعد صالح المطرفي



التعديل الأخير تم بواسطة سعود عليان المطرفي ; 12-10-2009 الساعة 02:51 AM
  رد مع اقتباس
 
 
قديم 16-10-2009, 02:45 AM   رقم المشاركة : ( 5 )


الملف الشخصي
رقــم العضويـــة : 213
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 41
المشاركـــــــات : 42
آخــر تواجــــــــد : 19-10-2009(05:04 AM)

اخر مواضيعي
 
0 ديوان الشاعر/ سعد صالح المطرفي



افتراضي

((& هـقـوة الـذيـب &))







الوقـت يمشـي والليالـي دواليـب!!=والله عليم اش مـا تكـنّ السريـره!!
وانشوف بالدنيـا دروس وتجاريـب!!=وانعيش والرجـال يصنـع مصيـره!!
واعيوننا مـا ترقـب الا المراقيـب!!=والعسر عشقـه للـدروب العسيـره!!
واصدورنا تقلع هواجيـس واتجيـب!!=نوبٍ شـوي ونـوب تاتـي كثيـره!!
شفنا من اصدوف الليالي مصاويـب!!=ونومن برب البيـت وانقـول خيـره!!
وعن لا نضيّق خاطر الصاحب انغيب!!=من شان ما ايشوف التعب واتعبيـره!!
وا ن كان هو جانا وصرنا معازيـب!!=نضحك و لـو ان المشاكـل كبيـره!!
لنـا مواجيـب وعلينـا مواجـيـب!!=مع الرجال اهـل الوجيـه السفيـره!!
وانميّز اوجيـه الرجـال الأشانيـب!!=عـن الهلايـم والوجيـه الغبـيـره!!
قرب الردايا مثل قـرب اللواهيـب!!=واهل السطر مثل الغيـوم المطيـره!!
وانخاوي الطيّـب قـوي المخاليـب!!=سعر الرجال ان جا نهـار السعيـره!!
والا الردي ماله مشاريـه وايهيـب!!=نفهق عن ادروبه ولو هـي قصيـره!!
واللي يسوّي طيـب ينفعبـه الطيـب!!=ولا يجحد المعروف غيـر النكيـره!!
والصاحب اليا زل قل زلة اصحيـب!!=مـا تستشـك الا النفـوس الحقيـره!!
وان عاود الزله بـلاش المحاسيـب!!=خلّه ودوّر لـك مـع النـاس غيـره!!
واردى رجل في هالزمن دون تثريب!!=اللي على ادنى شي يجحـد عشيـره!!
والناس ترمي هقوة الذيـب والذيـب!!=كـلام عدوانـه مـهـو يستثـيـره!!
لاصار يدري انه على حق وامصيب!!=يضرب على الكايد ويضبط مسيـره!!
واهل السوالـف للسوالـف مناديـب!!=واكثـر حكيهـم بالخنـا والمعيـره!!
عميان بالجزلـه وعنـد العذاريـب!!=ستّـه علـى ستّـه ولسـنٍ شطيـره!!
يا رب وانت اللي تعَرْف المطاليـب!!=حقّق طلب عبـدك مدامـك نصيـره!!
احدٍ يجي زاده من الخيـر تشريـب!!=واحدٍ من الحاجه يحَسْـب الشعيـره!!
ولولا الرجابك يالولي كـان بنشيـب!!=وسيف التمنّـي مـا يفـارق جفيـره!!
واذنوبنـا لوهـي كبيـرة مناسيـب!!=بمقارنـة رحمتـك تبقـى صغيـره!!

التعديل الأخير تم بواسطة بندر فرحان ; 27-12-2009 الساعة 04:32 AM سبب آخر: تنسيق الأبيات
  رد مع اقتباس
 
 
قديم 17-10-2009, 07:36 AM   رقم المشاركة : ( 6 )


الملف الشخصي
رقــم العضويـــة : 213
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 41
المشاركـــــــات : 42
آخــر تواجــــــــد : 19-10-2009(05:04 AM)

اخر مواضيعي
 
0 ديوان الشاعر/ سعد صالح المطرفي



افتراضي

((&& الـطـيـب و العـفـن &&))



نسوّي طيب لجل انّانبي نذكرمن أهل الطيـب
نبي قولة (نعم)تذكر ليامـن ذكـرت اسمانـا
نوايا خير تنضح بالصحيح و مابهـا تكذيـب
ولا نطلب سوى من ربنـا المعبـود يرعانـا
و لكن النفوس الحاقده فـي شكّهـا والريـب
تمنى شوفنا وسط الرذيلـه نحصـد أخطانـا
و انا بنشدك ياذيب الرجا ياللي تسمّـى ذيـب
لو انّا ما طلبنـا الطايلـه وش صـار ويّانـا؟
لك الله غيرنصبح علك بحلوق الردى والعيـب
وتتعبنا السنيـن ونستضيـق ويقصرارضانـا
واذا كان المثل (كلٍ يسوي شانـه) ابترتيـب
على ضؤ العبـاره نطلـب الزينـه ابممشانـا
واذا كان الردي لامن بغى يشكي يشق الجيب
شكاوينا فشـق يحفـر دمـاغ اللـي تحدّانـا
صغيرات المصايب تكبر ابعين الردي واتشيب
وجـزلات الأمـور اليـا لفنّـا مـا تعدّانـا
ولا تُقذف سوى ذات الثمر والا الحسود ايهيب
تخيّل كل ما نحصـد نجـاح انـزود بأعدانـا
عدوٍ من بعيدين العرب ما يجنـي الا الشيـب
ولكن العدو لامن غدى اقريّـب وش ادوانـا؟
واذا كان الفهم مقرون بسنين و بهـا تحسيـب
ترى حنّا فهمنا المرجله مـا شابـت الحانـا
رضعناها رضاعه ما رضعناها يا عمي سيب
رضعناها لأن كان السبب في طيـب منشانـا
نصوّبها تصيب و غيرنا لو هو يصيب اتخيب
توافيـق الألاه و حكمتـه سبحـان مـولانـا
و دنيانا من الله ماهـي الاّ رغبـه و ترهيـب
ودنياهـم نفـاق وشـوف دنياهـم و دنيـانـا
عسولين الكلام اهل النميمه واكلهـم تشريـب
من الحوم البشر وادميّهم ماهـي مـن ادمانـا
ليامن جاهم المسلـم يعبّونـه مـن الترحيـب
ولا مـن راح دقّـوا غاربـه زوراً و بهتانـا
طلبتك يا الاهي يا الاهـي يـا عليـم الغيـب
تزوّدهم كدر فـي جوّهـم و اتزيّـن اجوانـا
رجيتك يا الاهي زيدهم مـن شدتّـك تعذيـب
و وردّنا على العد القـراح ووفّـق اخطانـا
ولا لذنا بك الا خشيـة التعزيـر والتخريـب
مخافـه مـن بـلاك و يالله انـك لا تبـلّانـا
يجينا الخير منّك والحسود يزيد شـك وريـب
نخلّي عندهـم ماهـم و يبلونـا علـى مانـا
مع العلم اننا لا من بغينا الصايبـات انصيـب
(ونعقلها عدل) شيّ من اهـل الدنفسـه جانـا
نسوي طيب وترد العفون ابقول ماهو طيـب
نسوق اركابنا و اركابهم تتعـب مـن اجرانـا
  رد مع اقتباس
 
 
قديم 17-10-2009, 07:40 AM   رقم المشاركة : ( 7 )


الملف الشخصي
رقــم العضويـــة : 213
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 41
المشاركـــــــات : 42
آخــر تواجــــــــد : 19-10-2009(05:04 AM)

اخر مواضيعي
 
0 ديوان الشاعر/ سعد صالح المطرفي



افتراضي

السلام عليكم و رحمة الله وبركاته :

هذه القصيده تعانق مسامع و اعين كل وايلي شريف

لأن لها قصه , وكلام الحق ما يزعل .

فقد تجرأ شخص من الحثاله على التكلم على قبيلة السلقا

محاوله منه لسلبه تاريخهم وما فعلوه من امجاد , فنسى ان هناك ابناء يذودن عنها

ويحطون التراب ابعينه.

على العموم القصيده تشرح نفسها .

موجهه للأمير:
سليمان بن مرضي الرفدي (امير شمل السلقا من العمارات).







سـلام الله علـى السلقـا سلايـل لابـة (الـويـلان)


على الخمس الجمـوع امعطـره بالطيـب و الجـاوي


سلامـن مـن كرامـة عزتـه يستاهـل (سليـمـان)


أميـر الشمـل سطّـام الـعـداة امشـبـع الـعـاوي


و ترى هـذا السـلام اميـزن عـن باقـي العربـان


سلامن مـا يسوقـه غيـر (سلقـاوي ) ل(سلقـاوي)


وابي من بعـد مـا زانـت علـوم المرجلـه والشـان


نهذ العلم فـي سبـك الرجـال و (حنكـة الـراوي )


نقول اللي حصـل مـن غيـر تزويـدن ولا نقصـان


و انا (ناوي) ولاني عـن امفـارق حكوتـي (نـاوي)


انا في يوم جالـس مـع رجالـن تطـرب الزعـلان


وانـا والطيـب و افعـال المراجـل كنـت متخـاوي


و اذا تنشد عن الناموس وابيـوت القصيـد (اسمـان)


اخذنـا العلـم (بصـراوي ) و ردينـاه (مـكّـاوي)


يـا مـار اللـي لفانـا ولفوتـه مـا تفـرح الخـلان


تقـول انـه شبيهـن للحصيـن و عمـه (الــواوي)


واخذ يذكـر علومـن لا لهـا داعـي ولا (برهـان )


الين الحـق والباطـل غـدى يـا (ميـر )متسـاوي


وانا صابـر لأجـل قولـة رجالـن تدمـح الغلطـان


انسوي الطيب بس (الطيـب) ماينفـع مـع (الشـاوي)


مـدام انهـا اوصلـت للحلـق لا زورن ولا بهتـان


نبي ناضع على الجرح القديـم اضمـاد و (انـداوي)


كـلام الحـق مـا يزعـل ورد الديـن ((للـديـان))


كلامن مازعل منه سـوااا الملعـون ... و... الغـاوي


وانا ماويله .... ولكـن .. مدامـه . منفلـت بلسـان


نبي نضرب على (عـرق الصميـم) ولا بعـد نـاوي


لـي اجـدودن تديـن و ماتـدان وتنفلـت شجـعـان


تلاقـي مـن يعاديهـم نهـار الـحـرب متـهـاوي


مهـم مثلـك تسمّـوا بالعفـن وامقابـل النـسـوااان


يدورون الهجيـج و فزعـة (اعليـوي) و (عـلاوي)


ونفزعلـك و ندمحلـك خطـاك و تقلـب المـيـزان


و اذا هـي عـودة للمجـد مجـد اجـدودكـم (لاوي)


انا مجدي مع (ساجر) و (ابن كاسب) و (ابن شامـان)


و ... واحدهم ليامنـه ضـرب يضـرب ولا يـاوي


و ذا جيت (الدخيل ) و (حكمة امريبد) و (ابن شمران)


فعايلهـم علـى وضـح النقـا مـا هـي (ابدسّـاوي)


انا (اليمنى ) ليا صـارت مقاديـر الرجـال (أيمـان)


و بخلـي شبيهـك يشبهـك ويصيـر (عسـمـاوي)


انا مجدي ربيعـن لا سـرى يسـري علـى الوديـان


و مجـدك يـا قليـل الشـور متنكـس وصحـراوي


وانا بدعي عليك انـك (تفـارق ... نعمـة. النسيـان)


عشان ان شفتني تعرف مكانك ....... وين ... وتماوي


لأنـي لا بغيـت ارقـى رقيـت لربعـي القـشـران


و حضرتك ان جلس يجلس مـع النسـوان ويخـاوي


و ترى بيت الشعر ما يصلح ان طاح (اوسط العمـدان)


و اظنك فاهمن قصـدي وتشـوف الحـق (عينـاوي)


اذا اكرمـت الكريـم ابتملكـه والا اللئيـم (ايـهـان)


كلامـن قالـه الشاعـر وشيـخ الديـن (قرضـاوي)


وهذا اللـي حصـل ياميـر وامسـى ليلتـه زهقـان


صبرت ولا نفع صبـري وقلـت اعطيـه (كيمـاوي)


و اظن انه عرف قـدره ومـن مثلـه يبـي (ينهـان)


لا صار انه علـى علـم الخساسـه عامـد و هـاوي


غديهـا علمتـه و فهمتـه انــه (اقلـيّـل شــان)


ولا هـو نـد لفحـول الرجـال وعندهـم (خـاوي)


مـا هـو ذنبـي لأن الله خلقـنـا للـعـلا سـكّـان


ولا ذنبـه بأنـه مـع جريـد الـقـاع (متـسـاوي)


قدر مكتوب .... و ... المكتوب لا يقـرى ولا ينـدان


ولا له عن مصيره حيـث بـن حكـم القـدر قـاوي


مثـل مالله خلقنـي مـن سلايـل لابـة (الـويـلان)


يزيـد مـن الفخـر بنـي خلقـت اليـوم (سلقـاوي)


  رد مع اقتباس
 
 
قديم 17-10-2009, 07:49 AM   رقم المشاركة : ( 8 )


الملف الشخصي
رقــم العضويـــة : 213
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 41
المشاركـــــــات : 42
آخــر تواجــــــــد : 19-10-2009(05:04 AM)

اخر مواضيعي
 
0 ديوان الشاعر/ سعد صالح المطرفي



افتراضي

((&& سـقـطـة الـحـال &&))


يامحمد العكشـي وبالقلـب مـوّال
والنفـس يامحمـد جفاهـا سعدهـا
لاتنشد اوخيّك عن اللي ورا البـال؟
خيّك فحـل لامـن بغاهـا وجدهـا
لكن ظروف الوقت مع شين الأحوال
زادن على النفس الشقيـه جهدهـا
تعال ابكشفلك عن الحـال واحتـال
واعطيك من نفسي سبايـب نكدهـا
ياصاحبي ماهي سوالـف و تنقـال
حقايـقّ والوقـت عـرّى جسدهـا
في هالزمن ترفع مقامـات الأنـذال
وابن الحموله شيمتـه فـي لحدهـا
هفي النسب صاروا صناديد و اجبال
واصقور و ايمارى بطيّـب هددهـا
يبعد عن المجلس مواريث الأبطـال
والسوس في صدر المجالس وغدها
هذا شنو ؟ هذا من الفلـس والمـال
اخّيه من بشـع النفـوس و حقَدهـا
يعني معاك اموال تسوالـك امـوال
واشبع نفاق من الوجيـه و مددهـا
و ان كان ماعندك ولو كنت من (آل)
محدن درى عن (آل) و اللي بعدهـا
هذا زمن درهـم و دينـار واريـال
والنفس قيمتهـا علـى وش بيدهـا؟
واذا تبي تعرف مدى سقطة الحـال
شوف الفلوس و كم واحـد عبدهـا
والناس ما تسلم من القيـل و القـال
واهل الحسد محدٍ سلم من حسدهـا
ماهو بشرط ان كل رجّـال شيّـال
الناس مـا تحسـب بكثـرة عددهـا
يمكن يكون فمجلسك عشرة ارجـال
وان جات للصملات يبقـى فهدهـا
يعني لو ان يصفى من العشر رجّال
نعمه من الواجب عليـك اتحمدهـا
والرجل ينخل من عرفهـم بمنخـال
والصامله لا شافهـا مـا جحدهـا
يثنـي عليهـا ركبتـه ليـن ينقـال
هذي الرجال اللـي عظيـمٍ جلدهـا
اما يجيلـك طـاريٍ بيـن الأجيـال
بالخير واعفون العرب مـن فقدهـا
يا عل ياتيهم مـن العـرش زلـزال
مصيبـةٍ لا قبلـهـا و لا بعـدهـا
سلّال يا بعـض الرجاجيـل سـلّال
اللـي لياجـاب السوالـف هبدهـا
لا مجلس اينومس و لا طيب منزال
ماغيـر ينقـط بالمجالـس زبدهـا
واللي ولدها عن سما الطايلـه مـال
ياعل قبل اتجيـب يفطـس ولدهـا
واصابعك يا صاحبي ما هن اعـدال
مختلفـةٍ والنـاس ماهـي وحدهـا
احدٍ يطول و طال واحدٍ فـلا طـال
والله ورزقـه والرجـال وجهدهـا
  رد مع اقتباس
 
 
قديم 10-11-2010, 12:02 AM   رقم المشاركة : ( 9 )


الملف الشخصي
رقــم العضويـــة : 505
تـاريخ التسجيـل : Nov 2009
الـــــدولـــــــــــة :
عدد المواضيـع : 0
عدد الـــــــردود : 97
المشاركـــــــات : 97
آخــر تواجــــــــد : 12-10-2015(12:36 PM)

اخر مواضيعي
 



افتراضي

تسلم ياسعد بن صالح البقيشي على قصيدك الطيب ولقد أطلعت عليه وسرني جدا ولالك فخر أبوك صالح وجدك بنيان السحالي
  رد مع اقتباس
 
 
قديم 23-11-2010, 04:56 PM   رقم المشاركة : ( 10 )


الملف الشخصي
رقــم العضويـــة : 1274
تـاريخ التسجيـل : Nov 2010
الـــــدولـــــــــــة :
عدد المواضيـع : 10
عدد الـــــــردود : 26
المشاركـــــــات : 36
آخــر تواجــــــــد : 12-05-2012(01:39 PM)

اخر مواضيعي


افتراضي

تسلم على الابيات الجميل ومشكووووور جدا جدا جدا
  رد مع اقتباس
 
إضافة رد

الكلمات الدليلية
المطرفي, الشاعر or, ديوان, صالح, سعد


يتصفح الموضوع حالياً : 1 (0 عضو و 1 ضيف)
 

(عرض القائمة الأعضاء الذين شاهدو الموضوع : 24 (تعيين)
, , , , , , , , , , , , , , , , , , , , , , ,
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:00 AM.


Powered by vBulletin® Version
Copyright ©2000 - 2017, Jelsoft Enterprises Ltd.
Ads Management Version 3.0.1 by Saeed Al-Atwi

كل مايكتب فى المنتدى من مواضيع ومشاركات تمثل وجهة نظر كاتبها ولاتمثل وجهة نظر إدارة المنتدي