رد المطرفي على النومسى

أحببت أن أنقل للأخوة في المنتدى قصيدة للشاعر عبد الكريم صالح المطرفي من الكويت موجهة للشاعر مطلق النومس بخصوص الموضوع قصيدته في للشعلان.....

يالله يا خالق مـن الطيـن الأنسـان=ياجاعله في خيـر صـوره وتمثيـل

ياجاعل جسمـه كمـا سمـك بنيـان=يامشكل روحه علـى خيـر تشكيـل

اعليت شان الآدمي حيـث مـا كـان=واكفيت عبدك عـن كثيـر البهاديـل

وآمـرت عبـاد لهـم بالعـلا شـان=تسجد لعبـدك يـا كريـم التفاضيـل

وخلقت له من داخل الضلع عوجـان=حـوا تحفلـه علـى خيـر تحفيـل

بالجنة اللي وارفـة ظـل الأغصـان=ماالقيـل يعجـز عنهـا بالتفاصيـل

عنها ابليس اللي قـوا كـل شيطـان=وده يبدلهـم عـن الــدار تبـديـل

عقب الخطا شافوا مـن الله حرمـان=وعقب الجنان الوارفـة بالمضاليـل

استبدلوها من عقـب ذيـك الافنـان=بـالأرض دار المختبـر والتحاليـل

يالله يـا منـزل تبـارك وعمـران=أعوذ بك مـن شـر سـو المعاليـل

يا منزل الرسـل الكريمـة بالأديـان=يا باعث وحيـك للإنسـان تسهيـل

ياجاعـل للنـاس بالعـدل مـيـزان=يا منـزل كتـب السمـا بالتراتيـل

ياالله يامنـزل مـن الوحـي قـرآن=يا منزل التوراة مـن قبـل الإنجيـل

يابانـي بيـت عظيـم بـالأركـان=قبلـة وفوداللـي تبـوج المراحيـل

القبلـة اللـي خصهـا رب الأكـوان=قبلة ابراهيـم النبـي مـع اسماعيـل

وقبلة محمد صفـوة عيـال عدنـان=صفوة قريش المصطفى نور قنديـل

يـاالله يامجـري السفايـن بالآمـان=آمنت بك ياللـي تجيـب المساييـل

يارازق القـاع المحيلـة بالامـزان=يامنـزل غـر المـزون المخاييـل

عقب الشجر ماهو هشيـم وعطشـان=أرسلت له من صادق المزن كالسيـل

ياالله يامبـري بـلا كـل مرضـان=ياساتر عبدك عـن الزيـغ والميـل

يا رافع سمـك السمـا دون عمـدان=ياخالـق الدنيـا للإنسـان تذلـيـل

يارازق وسط البحـر كـل حيـوان=يا موصل طير السما خير توصيـل

أستغفرك وأتوب لك سـر وإعـلان=عـداد ماقطـر البحـر والهمالـيـل

وعداد ما تخلق من الإنـس والجـان=وعـداد ماتجـري ريـاح مثاقـيـل

وعداد ما في باطن الأرض مكمـان=وعداد ما فوق الوطـا والصلاصيـل

وعـداد ماينظـم كـلام بالألـحـان=وعـداد ماتلهـج عبيـدك بتهلـيـل

وعداد مـا شبـت وقايـد ونيـران=وعداد ما نرجو مـن العفـو تبتيـل

وعداد مافي الكون وعداد مـا كـان=وما حدثت نفـس الفتـى بالمهاويـل

وعداد ما سبح من الخلـق مـا بـان=وعـداد كـل الخافيـة والمخالـيـل

وعداد كل السابقـة عبـر الأزمـان=حتى القيامـة يـوم ينفـخ اسرافيـل

وخلاف ذا يارااكـب جيـب نيسـان=جيب على أول فزتـه آخـر مديـل

ماصنعوه بوسـط برليـن الألمـان=ولا شيف مثله فـي بـلاد البرازيـل

أزرى يقلد صانعـه شعـب تايـوان=ليـا مرهـم تنثـر عليـه الأكاليـل

يفخر بجيـد صنعتـه شعـب يابـان=وكالتـه عيـت تبـيـع التواكـيـل

عبر المحيط وعبر ما سـار خلجـان=سفن البحر تجري نهاره مـع الليـل

جانا من المشرق كمـا لـون رمـان=آخر عدد مـن مصنعـه بالتحاميـل

كل يبـي مثلـه ولا شـك بحـلان=ما كل ما يبغي الفتى صار تحصيـل

ودك تشيل من اسهمه قـدر الإمكـان=من كثر ما رامـت عليـه المشاكيـل

اليا انتهض كنه من طيـور حـوران=صفوة مصانـع لابسيـن البناطيـل

من رام غيره يافتـى كـان خسـران=مـا يشتريـه إلا كثيـر المداخـيـل

يسوق به راعي الولع غـال الأثمـان=ومنهو حصلـه عاجلـه بالتساجيـل

اللي يشوفـه مـا تحـلاه بحصـان=الخيل يفـرق بعضهـا كالرجاجيـل

ماكـل خيـال تقضـب بالأرسـانا=لخيل ما خلقـت لبعـض المهابيـل

ماكل رجـل يستـوي لـه بليهـان=وما كل من ركب الفرس يعرف الخيل

منوة هل الطولات وافيـن الإيمـان=ما ردهـم عنـه سـوا قلـة الحيـل

يسوق به قـرم مـن قـروم ويـلان=مثل البليهي ليل نقـل ثاقـل الشيـل

اللي علـى فعـل اللوازيـم مزبـان=قرم صميدع راس ماهو مـن الذيـل

من عزوة يغزا بها وقـت الأكـوان=اليا اشتد حامي صلوها بالمصاويـل

العزوة اللـي طوعـت كـل فسقـان=العـزوة إلـي ماتجـي بالمخاتـيـل

العزوة اللي يوم روغـات الأذهـان=تقصـر شـوارب ناقليـن المفاتيـل

عدوهـم لوهـو ورا حـد طهـران=ما ذاق نوم ولا جهـل نيـة الويـل

قصيرهـم كنـه علـى راس عمـان=عدوهـم مـا ياصلـه بالمواصيـل

شهد لهم في ما ضي الوقت صدقـان=والله نصرهم في كبيـر المعاضيـل

وايل على صم الرمك دون الاضعان=اليا احمر وجه المعركه بالمصاقيـل

لهم على بـذل العـلا كـل برهـان=ماقللـوه أهـل الخنـا والتضالـيـل

أول قراهـم للفتـى حلـو الألـوان=أهلا هلا بـك يـا كريـم المسابيـل

وفنجال بـن وافـي وسـط رسـلان=بـدلال وافيـن الكـرم للهواشـيـل

ياما وياما ما رمـوا روس خرفـان=وصحونهم تشكـي كثيـر المكاييـل

تاريخهـم ماهـو خفـي ونسـيـان=ماهـي حكايـا مسرديـن التعاليـل

قم يانديبـي وانتهـض قبـل الآذان=اقد الطريـق اللـي تـروم التنابيـل

ملفاك مطلق شـوق مـواح الأردان=شوق الهنوف اللي عيونـه مكاحيـل

من عزوة يوم اللقـا تـروي الـزان=اذوادهـم تـارد قـراح الشهالـيـل

هـل الفعـول البينـة مـن سليمـان=جعافرة ماهـم هـروس ومساميـل

أول قراكـم ليـا لفيتـوه سـرحـان=فنجال بـن ورايـب البـن بالهيـل

فنجـال بـن وافـي بكـل مـا زان=براس الوجار ومكرمـات المعاميـل

يشهد لهم فيما مضـى كـل جيعـان=ببيض الخراف اللي تعـلا الشناكيـل

ملفـاك مطلـق دون غيـره بقيفـان=قيفان مـن نظـم البقيشـي معاديـل

بخصوص ما قلناه في وسط ديـوان=يومـك تـزور بيوتنـا بالفحيحيـل

ابطيت مابينـت ماقلـت غلطـان =*ما قلت مخطي ولا تعـذرت بالقيـل

يومك تعيب اللي وطـوا كـل بلـدان=وراك تطغـي الشامتيـن العواذيـل

ضربت لك درب على غيـر ربـان=درب على هـدو العـدا كنـه الليـل

يامطلق النومس ترى العيـب هفيـان=ما داست النملة ومـا يـازن الفيـل

ما قال ابن عبار عن قـاف راكـان=الـذم مـا يهفـي كريـم المشاعيـل

والمدح في بعض الرجاجيـل بهتـان=مـا يرتفـع منـه مقـام الأسافيـل

وترى الفضيلة ياابن الأجواد عنـوان=لأهـل القلـوب النافلـة بالمفاعيـل

وان كان يا مطلق عن الحق خجـلان=تراك مخطي يـا جنـاب الحلاحيـل

الرجل ياقع بالخطا بعـض الأحيـان=ماهـو بمعصـوم ولا هـو جبريـل

مار البلى بان الخطـا ثـار بركـان=والنار يونـس صلوهـا كالمناجيـل

ما العيب بانك تعتـذر دون حقـران=لا بد مـا تنفـي الخطـا بالكشاكيـل

لا بد ما تقطف زهـر كـل بستـان=كان إن وايـل عندكـم لـه منازيـل

اسلك طريق الود كان إنـت ندمـان=وادخل على الله عن صلافيح سجيـل

يامطلق النومس ترى عيال شعـلان=عدوهـم مـا لـه عليهـم مداخيـل

رمز الفخر رمز العلا عين الأعيـان=تاريخهم ماهـو لحالـه مـع رويـل

شهد لهم فيما مضـى قيـل عجـلان=وأبو زويـد شاهـده وابـن منديـل

وابن قويفل شاهـده وابـن عـدوان=للـي يعبـون الفخـر كالمناهـيـل

رحات وايـل راس عاليـن الأمتـان=عدوهـم فيهـم يـعـد التكامـيـل

تاريخهم ماهو علـى غيـر سيسـان=رضوان دون ما مضى وابن موزيل

لياقلط المركـب علـو كـل ميـدان=عدوهـم تصـرخ عليـه المحاليـل

تاريخهم مـا يجحـده كـود كوبـان=عقب السطر عينه تشـوف التناكيـل

تاريخهم مبطي عن الجـور منصـان=جمرة بنـي وايـل كعـام المغاليـل

مقطع نظير اللي مع الهوش قرمـان=تشهـد لهـم كـل العـدا بالمقابيـل

اللي ليا صالوا على القـوم بحصـان=يـرون حـدب سيوفهـم بالمنافيـل

عدوهـم ماهـو عليهـم بجـسـران=يا عنك مـا تشقـى بعـد الدواليـل

عاداتهـم ردع المـدرع بصبـيـان=عدوهـم يلقـى العنـا والغرابـيـل

قصيرهـم كنـه علـى راس لبنـان=يمـن ويدلـه مـا تجيـه المزاعيـل

يوم العرب بأوضاعهم مثل الأفغـان=نزبن على اللي يلبسـون السراويـل

هزوا بجذع النخلـة اللـي بالأجنـان=يسقط جناها من كريـم المحاصيـل

هذا وأنا مالي على النـاس سلطـان=مار إن مثلي مـا يخـاف الأزاويـل

ماكر حرار مـا بنـى كـل خـوان=عزوة هل العشوى بعـاد المطاويـل

قبيلهـم يرجـع معيـف وغبـنـان=يرجم عليه من الخنى طيـر أبابيـل

يـوم إنهـا غايـر ونايـر وطعـان=هل الشيـاه اللـي عليهـا المقاويـل

ماقلتهـا قصـدي مثوبـة وعرفـان=متوارثين العـز جيـل بأثـر جيـل

هذا وصلـوا عـد مـا الله رحمـان=على النبي اللـي لـه الذكـر تبجيـل

هادي السبيل اللي له الحوض ريـان=والآل والأصحاب مـن دون تقليـل

عبدالكريم صالح سويلم المطرفي

مــــــــــــــــنــــــــــــقول