أسرجت خيل الشعر لعيـون فرحـان=نـوادرً تسمـو بـحـرف الكتـابـه
وغنيت من جـزل القوافـي علشـان=رجلـن يشـرّف بالمواقيـف لابــه
(فرحان) رمز الطيب في كل الاحيان=حرن ينومـس بالوفـا مـن هقابـه
شاعر وله موقف ومبـدى وبرهـان=الصـدق طبعـه والهقـاوي زهابـه
له هيبة الفارس ولـه بـاس شامـان=مثل الجبـل ماجابـت الريـح مابـه
من راس قومٍ مـن شغاميـم ويـلان=أهـل الحميـاء والظفـر والـذرابـه
(مطارفه) ساس الوفا سـر وأعـلان=نبـع الكـرم يـوم المكاسـب نهابـه
هم فزعة المضيوم كان الزمن شـان=سقم الحريب ان كشـرّ الوقـت نابـه
من ساس وايل مجُدهم عبر الازمـان=تاريـخ مجـدن كـل حـيً درابـه
لا قلت يالويلان فـي كـل الاوطـان=تاقف لاسـم وايـل شمـوخ ومهابـه
ميزانهم يرجـح علـى كـل ميـزان=من عصرنا الحاضر لوقت الصحابـه
من دون هضم حقوق ذربين الايمـان=اللـي لهـم بالطيـب قـدر ورحابـه
من شيمتي مارضى على الناس حقران=والطيب لاهل الطيـب مفتـوح بابـه
مدحت ربعي والوفـا شاهـد أعيـان=علـى سنـام المجـد وايـل رقابـه
طاب الفرح في ليلةٍ تجـلا الاحـزان=مـن نورهـا كـل الملامـح تشابـه
ليلة فـرح فيهـا نبـارك (لسلطـان)=وطيـر السعـد ياحـي فـالٍ لفابـه
منقول