القصيدة بمناسبة زيارة الخشرم للغراء

القصيدة بمناسبة زيارة الخشرم للغـراء

للشاعر / عقاب الخشرم ( أبو فهد )

	المطرفي غنى بزينات الألحان = = ونـــقيتهـــا عن الشــوايــب تـمـــــامــي وأرسلت أنا للشعر تسعين شيطان = = وقام يتزاحم مشيــهــا بــانتــظــامـي يا راعي الجيب الخضر طير حوران = = يا محمد الغــراء جـاكــم ســـــلامـي سلام أحلا من لبن حمر الألوان = = وأخير من ذوب العســل بالأيــدامي سلم على الوالد وأبو خالد سليمان = = وأرجو السموحة ما قصر في كلامي وسلم على الغراء ذربين الأيمان = = سـلـم علـيهـم خـصهـــم بـالســلامي ساس المراجل والكرم لهم عنوان = = ولا يـكــرم الإكرام غير الكرامي حنا هل العشوا من ماضي الأزمان = = عــاداتـنـا دخـيـلـنا مـا يـضـامـي شياه النفيشي حميناهن بشامان = = نـرد عـليهم مثل ورد الضوامي ليا اعتلينا ظهورهن واللغى شان = = يا ما جدعنا دونهن من غلامي ليا ثارت الهيجاء وراغن الأذهان = = سيوفنا تقـطع قـوي الـعـظامي ليا شهرنا سيوفنا تقل غدران = = ما ناش صنع الهند ينهج عدامي كم رأس شيخ طاح من فوق الأمتان = = جالن عـليه الخيـل والعج زامي لاقاه بظهور الرمك كل ديقان = = وأقفى معيفن عقب ضرب السهامي في سهلت ما فيه ملجأ ومكمان = = يبي السلام ولا حصل له سلامي جانا المعادي صايل ورجع خسران = = خلي عـشـاء لمـفتحـات الأفامي خلي عشاء للضبع والذيب سرحان = = تقـاطعنـه بـالزراجـة شـمـامي ليا أختلط بالجو عج ودخان = = حريبنا ما يهتني بالمنامي وصلاة ربي عد ما هل وأدان = = على النبي أزكى صلاة وسلامي

للشاعر خالي / عقاب الخشرم المطرفي

صح لسانك
ويستاهلون المدح طيبين الفعول

أخوي / ثاني الثويني

الله يعطيك العافية ماقصرت

ويستاهلون المدح وأزود

وصح السان الشاعر / عقاب الخشرم

وأنا أشهد انها ابيات جزلة ...



ليا ثارت الهيجاء وراغن الأذهان
سيوفنا تقـطع قـوي الـعـظامي
ليا شهرنا سيوفنا تقل غدران
ما ناش صنع الهند ينهج عدامي
كم رأس شيخ طاح من فوق الأمتان

أخي / ثاني الثويني ....

لا يسعني التعبير عن سعادتي لأضافتك هذة القصيدة .... ولا أقول إلا .... صح لسانك ...

وبيض الله وجة شاعرنا ...

والنعم بالمادح والممدوح ... يستاهلون الغراء ... غانمين وعلمهم غانم ... وعاداتهم كسب الجزايل ...

ومهما قيل فيهم لا يوفيهم حقهم ....

لا يسعني الا الشكر لك ...على هذة الاضافة المميزة ...

وتقبل مروري ..... ودمت بخير...

أخوي / ثاني الثويني

الله يعطيك العافية ماقصرت

ويستاهلون المدح وأزود

وصح السان الشاعر / عقاب الخشرم

وأنا أشهد انها ابيات جزلة ...

صح لسانك
أبو فهد
أبيات وافيه من رجال وافي

صح السان الشاعر

عقاب الخشرم


وماعليك زود يـ أبو فهد

والشكر موصول للأخ / ثاني الثويني ,,, على النقل

صح السانك ,,,, أبو فهد

صــــــح لـــســانــك
ياأبا فهد
تستاهلون الطيب والناموس
والله إننا تشرفنا بشوفتكم
والجيب وراعي الجيب تحت أمرك
أخوكم / محمد الغراء المطرفي

والنعم بالمادح والممدوح ,,, يستاهلون الغراء ,,,غانمين وعلمهم غانم ,,,وعاداتهم كسب الطيب ,,,,

ومهما قيل فيهم لا يوفيهم حقهم ,,,,,,,

وتقبل مروري ,,,, ودمت بخير,,,,,,,,,,,,,,,,,,