قصيدة الفارس سعود بن ذيب عندما نزل على ابن عريعر

ياشيخ سامح زلتي طلعت سهيل النجر جض وصوب حسه مشينا
يالي عيون عداك ماتمرح الليل من جود جودك جاد عبدك علينا
حميت بيض الخرش بام المحاحيل بيض النحور وميتمات الجنينا
من الشاوري والبن حنا مقاليل مع الهوا ياشيخ ريحه غشينا
من عقب مز العظم ورقط الفناجيل عطيتنا مطلوبنا وانثنينا
اقفيت عن هرج القلوب المغاليل اما بلونا بشر والا ابتلينا
وذكرت انا ربعي فهود الرجاجيل هم انتحو عني وحنا انتحينا
ربعي هل العشوى الى جدع الشيل هذا نجي يمه وهذا يجينا
قريبهم يحشم عن النقص والميل والجار عده واحد من حدينا
وهرج بليا شهود ماله دواليل والى نخانا الجار دونه ثنينا
جانا النفيشي ناير يزعج الويل باقه بيوق وفوق بوقه يبينا
واشهودها شمر قروم المشاكيل هل اللحيسة منوة الجايعينا
وصاح الصياح بنابي ياهل الخيل غز اللوا من فوق نابي البطينا
ثم اعتلوا قحص المهار المشاويل وبايمانهم حدب النمش والعرينا
وعدوانهم عادوا بياس وغرابيل وخيل تولت خيلهم مدبرينا
نطحهم الصابور عوق المقابيل من لابة بالكون حبس الكمينا
ويوم انتحوا بمغذيات المخاليل هنف الخشوم ودقهن يرتجينا
طلبت انا منشي المزون الهماليل يافاتح التوبات للتايبينا
والله نصرني بانمش شلتهم شيل لعيون زرفات البكار انتخينا
عندي شهود ولابها قول ماقيل ارسان الخيل اللي لآهلها رمينا

صح لسان الشاعر
ويعطيك الف عافيه يا صياد القطا
ولا تنسانى اذا بغيت تقنص
يكلمني علشان اصور ونزل الصور بالمنتدى
(( يا ولد العم ))

سبحانك اللهم وبحمدك ، أشهد أن لا إله إلا أنت أستغفرك وأتوب إليك مشكوووووور والله يعطيك الف عافيه

الله يعطيك العافيــه اخوي

تقبل مروري