يا رب احفظ والد الشعب واشفيه
بديت بالي خلقه اليوم ترجيه
أمره على خلقه من الكاف لنون
يسأل ولا يساءل عن الي يسويه
له الشجر يسجد مع النجم بالكون
غيبه عن العالم بامره مخفيه
حتى له الناس تطلب ويدعون
يا رب احفظ والد الشعب واشفيه
يا رب واجعلها سلامات وتهون
انت العظيم اللي برحمتك تحميه
والعون عونك وانت من يرسل العون
مليكنا والعز شفناه والله بيديه
من راتب العسكر إلى منحة الشوون
اللي يحب الشعب والشعب يغليه
هذي مواريهم لها لسان وعيون
والشعب من جوده وطيبه مغطيه
بالمكرمات اللي بها الناس يدرون
مني لبو متعب سلام وابا ابديه
تحية محبٍ ومخلص ومفتون
في حب والدنا عسى الله يخليه
من زود حبه هاضبي شعر ولحون
يا سيدي يا عز شعبه وغاليه
ياللي لشعبك خير وركونك اركون
ما تذخر المدات والشعب تعطيه
وبيساستك عدل والعدل موزون
دون العدل ما فيه ريس ولا بيه
الناس في عدلك وطيبك متساوون
ميزان عدل والجود شفنا مساعيه
كم تسعف المحتاج وتفك مسجون
انت المليك اللي سعى الخير بيديه
واختامها يا رب يا خالق الكون
احفظ مليك الخير وسدد خطاويه
بإعداد من يسعى ومن هم يلبون
خالد بن سعد بن جارد العنزي