جتني تقول أبغى قصيده حزينه= أشكي بها حالي المن دمروني
طفله وجيتك من عذاب وغبينه=تكفى طلبتك لاتخيب إظنوني
خذني كما دمعه بطرفك رهينه=عندك أمانه لين مايدفنوني
عطني مواثيق العهود المتينه=على الشرف وهل الشرف ماتخوني
قلت الامانه لنفوس الامينه=وهلت مدامعها وهاضت شجوني
قالت زبنتك يالحصون الحصينه=كلي صواب وكايداتن طعوني
من بعد أبويه ماعرفة السكينه=وانت العوض ياخوك بالي نسوني
أفراح عمري بعد موته سجينه=والقلب موحش مثل دار السجوني
مشتاقه العطفه ولمسة يدينه=وقلت هلابك يالغلا ياعيوني
ولهانه الحضنه وقبل جبينه=شفني بعد فرقاه كثرة حزوني
عزي المن مثلي تحده سنينه=حتى إخواني للمذله رموني
وصارت نواياهم عليه لعينه=وياما ويام للمصايب بلوني
الي سواتي منهوا الي يعينه=الهم حطمني وهم حطموني
تكفى طلبتك كون ليه مدينه=أسكن بها مادام ذولا جفوني