اوصاف الرجال قصيدة لوالدي الشاعر . عبدالرزاق بطاح المطرفي

	خلك كما حرن على راس ماطال عن الوطا موقعك راس الجذيبه والناس فيها للأجاويد ختال وبعراض خلق الله يدور المصيبه واحذر يغرك بالبشر كبر الأزوال والكبر ماينفع بعير الزريبه ولا كل من يلبس على راسه عقال يحسب من احساب الرجال المهيبه وبعض اللحي ماهي على كل رجال وبعض الشوارب على اهلها معيبه ولا كل من يركب على الخيل خيال ولا كل من يقنص يصيد الضريبه وهذا كلام الحق والحق ينقال وترا الردي ياناس ماحد(ن) دريبه والمدح ماينقال في كل رجال الأ الذي بالطيب يرقا الصعيبه ولو كل مايطري على البال ينقال لاتشوف في دنياك امور(ن) عجيبه والطيب قسم بين ذربين الأفعال وهبه من الخلأق ماهي غصيبه والفرق واضح بين رجلي وخيال وترا القمر لابان ينحر مغيبه ياصاحبي مالك من القيل والقال وكل(ن) على ماقيل يلقى لعيبه الطيب لأهل الطيب يامعرب الخال مثل الربيع ان جاء كل(ن) دريبه والأ الردي ماله مع الطيب مدخال والسيل مهما كان يتبع شعيبه ولأ انت حر(ن) للمشاكيل مدهال ترا الرجل يالقرم يعرف بطيبه وصلاة ربي عد ماهل همال على رسول(ن) سنته نقتديبه

صح لسان من قالها

مشكوووووور والله يعطيك الف عافيه اخي / نايف على نقلها

السلام عليكم

نايف الله يعطيك العافيه على النقل وصح الله لسان شاعرنا القدير ابو شريف

ودايم وافي وابياته ان جنبت عن القمه تلقاها على راس جبل تقبل مروري

وتحياتي وسلم على ابوك يانايف

تسلم يانـــواف يابــن الأجــاويد
وعندك على جزل المعاني شطاره




ولك مني الف شكر وتقدير يابن الخال

واحذر يغرك بالبشر كبر الأزوال
والكبر ماينفع بعير الزريبه
ولا كل من يلبس على راسه عقال
يحسب من احساب الرجال المهيبه

ابيات تحمل حكم
صدقت وصدق والدك

اشكركم على مروركم ولكم خالص تحياتي ود متم بصحه وعافيه اخوكم نايف