دمـــــــار شـــــامل

ماتدري انك تملك الروح وتمون=والقلب يسعد في عذابك ويرتاح
تملك عروش الحب لاتقول وشلون=جالس على عرش المحبه ومرتاح
غلاك ثابت واللي غيرك يدورون=كنك جبال طويق ماعاد تنزاح
دمار شامل عند ساطي ومجنون=تذبح بعينك دون سكين وسلاح
في عينك اليمنى من احكام فرعون= والعين الاخرى ذبحة سيوف وارماح
ياللي كما العناب من بين ليمون=او نبت توت طالع وسط تفاح
وش عاد خليتي من الطعم واللون=اشطر من المصقول بيدين ذباح
سحر الطبيعه خلقة مكون الكون=يشرق بوجه مثل فلقات الاصباح
والله ثم والله مغرم ومفتون=ملكتني في الحب والحب فضاح
بيحت سدي صارو الناس يدرون=أجحد ودمعي فوق الاوجان سفاح
أشغلتني تنشد وانا اقول ماتهون=لاعاد تنشدني ولاعاد تجتاح
لياقلت ما احبك فلا تعقد عيون=مأكد اني يا ادعج العين مزاح
وانا ابا أثبت شي واقع ومضمون =كانك على خبري هواوي ولماح
شايف نجوم الكون يا فتنة الكون=احسب عددها واضرب بكل ماراح
ثم قسم الناتج على واحد يمون=هذا ترا انته يابعد كل الارواح
لاتستمع فاأقوال منهم يعذلون=واسمع مني ناهي العلم ياصاح
مافيه ابد غيرك ولا رايح يكون= خلاص ودع كل الاوهام وارتاح

سحر الطبيعه خلقة مكـون الكـون ++يشرق بوجه مثل فلقـات الاصبـاح

والله ثـم والله مغـرم ومفـتـون ++ملكتني في الحب والحـب فضـاح

صح لساااانك
ويعطيك الف عافيه على الطرح الراقي
ابياات في قمة الرووعه

ننتظر جديدك

صح لسانك ياأبو ثاني ...

ماتدري انك تملك الـروح وتمـون **** والقلب يسعد في عذابـك ويرتـاح

رائعة منك يا شاعر العشـــق ..

غبت و أنتظرنا .... رجوعك ...و رجوعك متعة ... وها انت أمتعتنــا ..

بمفرداتك الجميلة

غلاك ثابت واللي غيرك يـدورون **** كنك جبال طويـق ماعـاد تنـزاح

رآسي يا أبو ثاني كالجبال .. والوفاء طبعك ...

ومشكلـــتك الوحيدة ؟؟؟

أنك دمار شامل كقصيدتك ...

يأخي من باب الميانــة .. لا تجيب قوتك ..عط غيرك فرصة ياخي ..

تقبل كل تقدير و دمت بكل ود و خيـــر ...

وتستاهل ألي تستاهل القصيدة ...

صح لسانك أبو ثاني
كلمات وقصيدة رائعة من شاعر دائما تعودنا منة الابداع

صح لسانك
تقبل تحياتي

صح بدنك اخوي سالم شرفني مرورك يالغالي

هلا وغلا ابن ضبعان صح بدنك يالغالي
ماأنا الا نقطه في بحرك طال عمرك
وتعليقك وسام على صدري ودائما انت الوافي يالغالي
شرفني مرورك وتعليقك

صح بدنك اخوي ابو انس شرفني مرورك العطر

صح بدنك اخوي حربي والوفاء دربي شاكر مرورك وتعليقك