قصيدة مطر ظاهر العنزي مجاراة لقصيدة عماش مثيب المطرفي

قصيدة مطر ظاهر العنزي مجاراة لقصيدة عماش مثيب المطرفي قصيدة مجاراة لقصيدة عماش مثيب المطرفي والتي قالها في وصف حياة البادية وبيت الشعر

ونّيت ونت واحـداً طـاح منصـاب=بأرضٍ خلا خالي من الناس مقطوع
ولاّ قضيباً طاح في قبضـة أجنـاب=صار الجهاد وقالوا المنـع مرفـوع
تلاقفوه بشلـف وسيـوف وحـراب=ياما شرب من سكرت الموت قرطوع
على زمـان لـه تواريـخ وكتـاب=اللي مضى ما عاد يرجعلنا رجـوع
يوم الخوي والضيف يحسبله حساب=ويوفون بحق الجار مثني ومربـوع
بيت الشعر فندق ومجمع للأصحـاب=اللي يحبونـه لهـم حـق مشـروع
اللـي يحوفنّـه تليعـات الأرقـاب=متعـدد الأشكـال والكـم والـنـوع
ليا ابتنا فـي خايعـاً كلـه أعشـاب=زبن القطوب وطارف الكسر مرفوع
بيت الشعر قمـه وللضيـف جـذاب=ياما تذرّوبـه عـن البـرد والجـوع
ياما قطعوبه راي عصمان الأشنـاب=واما عرضوا عنده مناكيـف وفـزوع
أشوف كنّه غاب مـع نـاس غيـاب=من البلد كنّه غـدى شبـه مقطـوع
تمشينا الدنيـا علـى غيـر ماطـاب=شفنا العقاب يخوّفه فـرخ جربـوع
والحمّره قامت تطاول علـى الـداب=ليا شافها كنّه من الخـوف مفجـوع

الشاعر / مطر ظاهر العنزي

صح السان الشاعر / مطر ظاهر العنزي

قصيدة جزلة

لاهنت على النقل الرائع

صح السان الشاعر / مطر ظاهر العنزي

قصيدة جزلة

لاهنت اخوي / طير شلوى على النقل الرائع