عيونها من خشية الله مذاريف

من باب تجسيد المشاعر بلا زيف = ومن باب تبيين الأمور الخوافي
ومن باب تجديد الغلا بدون تكليف = ومن باب شوقي سجلوا لإعترافي
بالغاده اللي ما حسبت للتكاليف = تمد جزله ما تمد العجافي
أنثى ولا هي بحاجة لـ أي تعريف = يكفي تفردها بستر وعفافي
اللي حياها في جميع المواقيف = فطره من الله ما تعرف التنافي
بغيابها تشريف وإن جت تشريف = ما تشبه إلا نيتك يالسنافي
متربيه ما رددت للسواليف = ما دوجت بالسوق وإلا المشافي
فيها براءة ما تصنع على الكيف = وفيها أدب ما ترجمته القوافي
عيونها من خشية الله مذاريف = وفؤادها ما يعرف الحقد صافي
متواضعه لكن بروس المشاريف = متفاينة للدين واللبس ظافي
ما هي من اللي صيتها غيمة الصيف = ولاهي من اللي صيتها ( إنحرافي )
حكيمة ٍ ما غرروها الملاقيف = ولا همها لو يْكْثرون الهتافي
بنت الشجاع اللي ثلم شذرة السيف = ما ينثني يوطى على الموت حافي
وبنت الكريم اللي للأجواد والضيف = بابه مشرع : مرحبا بكل لافي
العود الأزرق والدلال المهاديف = وعشاه بوساع الصحون النظافي
يعني فخرها ما يجي فيه تزييف = عساه دايم ما يجيه إختلافي
بس الأكيد إنا نحب ومواليف = وآخر تفاصيل الغرام المنافي
الله يقدرني وأسوق التكاليف = وأزفها من بيتها شيء كافي
حبيت أجسد للمشاعر بلا زيف = وأرفع بصوتي وأنتشي بإعترافي
لعيون عشقي لو تشح التواصيف = روحي فداها وإعتلي يا قوافي

صح لساااااااااااانك

صح لسانك يالغالي أخوي بندر

الشاعر المحترم بندر فرحان
لاتعليق قصيدة تتكلم عن واقعها وعن شاعريه شاعرها وتميزه بالوصف اقف لهذا النص الشامخ وقفه احترام سجل اعجابي بك وبشاعريتك الفذه .

صح لسانك



بارك الله فيك





المنادي

صح لسانك




محبكـــ
ابو مشعل

صح لسانك قصيده مميزه وشاعرمميزيابندروالي الامام حتى تعتلي القمه بمشيئةالله

اللي حياها فـي جميـع المواقيـف فطره من الله مـا تعـرف التنافـي
بغيابها تشريف وإن جـت تشريـف مـا تشبـه إلا نيتـك يالسنـافـي

بندر

ص ـــــــــــح لـــ س ــــآنكـ ،،،

قصيدة رآآآئــــ ع ــــــة ،،،

من شخص رآآآآئع ،،،

صـــح لـــســـانـــك يــا بــــو فــــرحـــان ..قصيده روعـــــه.. لا هـــنــــت على تــنــزيـــلــها ..شاكر لك روعـــــــــــــــــــــــــــــــــــــــــــه .يـــا بـــو فـــرحـــان .

صح لسانك الشاعر