قال الشاعر فرحان المطرفي هذه الأبيات في إحدي المجلات المحلية
ليلة ربوعٍ فات لا حل طاريه--- حزنٍ على كل القبيلة بها ساد
على فقيدة لابته تفتخر فيه--- صغرٍ على أول طلعته بالهدد جاد
حرٍ مطر بول شبابه مربيه---على المغزه والرجوله والاسناد
شبلٍ خواله هم عمامه منقيه---متعنزٍ له جزل الافعال ينقاد
حرٍ على روس العوالي مراقيه---متبينٍ يرقى على روس الاشهاد
حرٍ مسابيق المراجل تهقويه---ماهو عن اللي يطرد الهون نشاد
طير السعد له باشقر الريش تشبيه---والحر يعجب من قنص فيه هداد
فعل الشجاعه والبتاعه هقاويه--- بتاع من ربعٍ يضدون الاضداد
ليا تهاون بايع الجود يشريه--- (نواف) في فعل البطولات وراد
يالله ياللي دايم الدوم نرجه --- ياللي تفك بقدرتك حل الاعقاد
يارب عن حام اللواهيب تنجيه--- وتجعل له الجنه مقرٍ ومرقاد
وتعوض أبوه اللي على العز غاذيه --- اللي تجرع لوعته مر ونكاد
الشاعر الكبير / فرحان ضبعان المطرفي العنزي
أما مجاراتي للشاعر الكبير فرحان ضبعان قلت فيها
بسم الولي أبدي كتابي وأنا أرجيه---ومن يرجي المولى من الخير يزداد
الأوله فرحان أشكر مساعيه ---وأشكر له أبياتٍ بها خاطره جاد
وأشكر خفوقه يوم ينثر تعازيه ---معزين ربعه على روس الاشهاد
الثانيه حرك خفوقي بما فيه--- من لوعتٍ ماله مثيلات وأنداد
حرك خفوقي واحترك فيه ما فيه--- وسالت دموعي فوق خدي بلا اعداد
ما هو إعتراض الموت حقٍ نلاقيه--- والموت ما عنه مفرٍ ولا حياد
طيور السما ما عاد طارت تناديه---كيف بتطير وقايد السرب ماعاد
لونها بالمال والله نشريه ---لكنها سنه وكل يوم تنعاد
نواف يا فرحان والكل يغليه--- منهو عرف نواف ولا جاك نشاد
رضي تقي الله ماني مزكيه ---تشهد له ربوعه ويشهد له اعباد
يالله في عالي المراتب ترقيه---وتجعله للجنه على طول ينقاد
ويالله تجبر قلب مكسور يرجيه --- وتعوضه بموال يارب وولاد
خالي مطر مؤمن بربه وباريه--- ويعلم يقين يعاقبة صبر الأجواد
الشاعر/ محمد مطر بن حويل المطرفي العنزي