يا عسى الفردوس الأعلى خاتمة مسكانه

يا عسى الفردوس الأعلى خاتمة مسكانه


أصدر الديوان علم(ن) هزنا بيانه
وانهمر دمع العيون وصار فينا خِلّه
جعل عين(ن) ما بكت نايف تجي عميانه
الأمين إلي نعمنا بالأمن في ظلّه
عظم الله اجر ابو متعب وكل أخوانه
واسرة آل سعود والشعب السعودي كلّه
والخليج العربي والي سكن بوطانه
كل من يمشي على نهج السلف والمِله
والعرب والمسلمين اللي شملها إحسانه
كل من لبى وحج البيت مديون(ن) له
يابو متعب والله أن قلوبنا حزنانه
كلنا شعب وحكومه نذكره ونجله
نايف الرجل المحنك معجزة زمانه
ما يجي علم(ن) كبير إلا وعنده حله
آه ليت العمر يشرى لو تزود أثمانه
لو نبيع أرواحنا وعيالنا فِدو له
يالله انك ترحمه وتعوضنا مكانه
نجمنا اللي غاب ياتي نجم في محله
وجعل ما سوّاه من حسنات في ميزانه
كل بذرة طيبة ياجعلها ب سجله
يا عسى الفردوس الأعلى خاتمة مسكانه
يقبله رب العباد ويرحمه ويحله
ونحمد الله عندنا اللي يحمل ألأمانه
احمد السيف المهند سعد منهو سله
وان تذكرنا محمد والأمن عنوانه
فارس(ن) في ساحة الميدان مشهود(ن) له
والمواطن رجل الأمن اللي على بيبانه
كلنا للأمن عين ساهره ومطله
كلنا الشعب السعودي عندنا حصانه
ضد كل المغرضين وضد أية عله
قالها نايف بكلماته قبل فقدانه
الوطن والأمن أمانه في رقبة اهل(ن) له
وعظم الله اجر ابو متعب وكل أخوانه
واسرة آل سعود والشعب السعودي كله

صنيتان بن صنهات الديحاني

صح السان الشاعر

صنيتان بن صنهات الديحاني

لاهنت يالشقاوي نقل رائع