لد وتبسـم للجـروح المعابيـس
شف كل جرحٍ صار همي لبيسـه
والله يالولا صادقات الاحاسيـس
ماقلت لك كل الخفايـا المسيسـه
مادام شوفاتك بعـاد المراميـس
تدفيك عن برد الكـلام ورسيسـه
مد الحرير لناعمـات النسانيـس
ورده عن عيون الجحود الخسيسه
الحاسد اللي ماتعوذ مـن أبليـس
عيا ربوعـه لا يوالـي خميسـه
لو حط للهيـن عقـود ولولايـس
له يوم يصبـح للنوايـا فريسـه
الحقد دايم هو سـلاح المفاليـس
أهل الحظوظ العانسات النحيسـه
قول الصراحه بالزمن ذا نواميس
صارت قليله والمبـادي حويسـه
يضيع من يسمع حكايا الدنافيـس
لا بيّنت يرجـع ينـادس نديسـه
ولا تنخدع بعض المظاهر هداريس
محتار لو كلـن بشكلـه نقيسـه
أنا ترى درسني الوقـت تدريـس
وشبعت من هم الليـال التعيسـه
عدّن وذكراهن بقت لي كوابيـس
الا الليـال الماضيـات الونيسـه
ولا تترك الهايم خيال وهواجيـس
واقف ورى باب الظنون الحبيسه