هذه قصيده لشاعر / تركي بن حمدان العنزي
واهز قلبي هز ريح الأغصان = ارياح صيف عاصفات عواتي
من ما جرالي شفت بالوقت نقصان = يا بو سعود ارجوك ويش السواتي؟
تعلبي الأقدار واصبحت حيران = وصرت انتظر للي به الرب ياتي
امشي مع الماشين وبالقلب نيران = واضحك وكني هاني في حياتي
واحسرتي بدلت ربحي بخسران = ولالي جدا يا كود هل عبراتي
لو تنفع الحسرات ودموع الأحزان = لاهل دمع مثل نهر الفراتي
يا بوسعود انخاك انا يابن ضبعان = رد الجواب وهات علم ثباتي
واختامها صلو على هادي الإنسان = نبينا محمد عليه الصلاتي
وكأن رد الشاعر والاعلامي فرحان ضبعان المطرفي:
البارحة في تالي الليل سهران = اقرا حروف توهن لافياتي
حي الجواب اللي لفا يا بن حمدان = يا مرحبا به عد نبت النباتي
حيه عدد ماه رشات الأمزان = وعدة نجوم بالسما عالياتي
يا هل ترى شكواك من جور الأزمان؟ = والا من اللي مثل عنق المهاتي
ان كان خلك ناوي لك بهرجان = الصبر زين ولا تفيد الشماتي
خله يولي مثل ما قاله راكان = اتبع رسوم للعرب سابقات
اصبر لأمر دبره رب الأكوان = ربك هو اللي يعلم الخافياتي
وحنا معك يا القرم في كل الأحيان = فيما مضى وأيامنا المقبلاتي