<!-- open content container --> <div align="center"> <div class="page" style="width:100%; text-align:right"> <div style="padding:0px 25px 0px 25px" align="right">




أهلاً وسهلاً بكم في منتديات قبيلة المطارفة الرسمي من عنزة ,,,,,, في المنتدى الأول لقبيلة المطارفة على شبكة الإنترنت ,,,,,, تنويه : جميع ما يطرح في المنتدى يمثل وجهة نظر صاحبه ولا يمثل وجهة نظر إدارة المنتدى ,,,,,, تنويه : على جميع الأعضاء الرجوع إلى منتدى القرارات الإ دارية والإطلاع على شروط وضوابط منتديات قبيلة المطارفة الرسمي ,,,,,, تنويه : لا يحق للعنصر النسائي التسجيل في المنتدى فأهلاً بهن في زيارة المنتدى للقراءة والإطلاع فقط ,,,,,, تنويه : على جميع الأخوة الكرام الذين ينتظرون التفعيل مراسلة إدارة المنتدى ,,,,,, والتعريف في أسمائهم الشخصية لكي يتم تفعيل العضوية لهم والإحتفاظ بها في سرية تامة عند إدارة المنتدى ,,,,,,, شاكرين لكم حسن تعاونكم كلمة الإدارة


 
العودة   منتديات قبيلة المطارفة الرسمي من عنزة > المنتديات الخاصة بالقبيلة > منتدى دواوين شعراء المطارفة
 

منتدى دواوين شعراء المطارفة يختص بقصائد شعراء المطارفة

إضافة رد
 
 
أدوات الموضوع انواع عرض الموضوع
 
 
قديم 12-11-2009, 03:17 PM   رقم المشاركة : ( 21 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي طاح العلم


طاح العلم من دون دجله وبغداد=والوعد يااللي ناقضين المواعيد
صدام مات ولالقى لقمة الزاد=والرافضي ضحى وحنا شواهيد
ماتنفع الطيبه مع الغل وأحقاد=شعبن شعاراته لقاها لهاميد
شعبن هدم ساسه على كل الأمجاد=شعبن حسافه للخيانه صناديد
شعبن لقى للهم والبين ميعاد=شعبن بنى للظلم ناسن مقاريد
شعبن رضخ للرافضيه والأكراد=شعبن سلب حق اليتامى وأجاويد
شعبن طمع بالزود لكن ولافاد=شعبن طغى يسلب رضيع ومواليد
شعبن عرفه الناس من عصر الأجداد=شعبن وضيع وزود نقص ومناقيد
شعبن صنع تمثال في كل الأسياد=عكس الصراحه شعب ماهو مسانيد
معذور ياصدام في ذبح الأكراد=شعبن حقيقه مايصون التقاليد


التعديل الأخير تم بواسطة بندر فرحان ; 27-12-2009 الساعة 06:15 AM سبب آخر: تنسيق الأبيات
  رد مع اقتباس
 
 
قديم 12-11-2009, 03:20 PM   رقم المشاركة : ( 22 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي دنيا وقصيا


كان الشعر يقنع مواصيل الأحباب=أببدع القيفان لجل الحبايب
وكان الشعر كفه مشاريه وإعتاب=أقدر الشرهه وأشد الركايب
وكان العرب تملك مفاتيح الأبواب=أنا مفاتيحي لها راس صايب
وكان الغلا مابين صادق وكذاب=ضاعت حياته من ورا كل خايب
وإن كانت الدنيا على نيل الألقاب=لي طاعة الرحمن ثم راس شايب
كان الحقيقه تختفي ونورها غاب=سلم علينا لاغدى الحق غايب
دنيا عجيبه مالها مدخل وباب=سؤال ضايع في زمان العجايب
أقراب نولد ثم ندفن بها أغراب=وأسماء تجمعنا بليا قرايب
وإن كانت الدنيا خذت كل الأسباب=تتعب ياطالبها تعرف السبايب
سورن يلم الناس من دون بواب=سكينته تبكي نسيم الهبايب
خيم عليها صمت خافت ومرتاب=والصبح ممسي لو حمل من غرايب
نارد بها مورد على كل محراب=من قبل لانخلق بخط الكتايب
الموت ماخلى يتيمن ومنصاب=ولارحم حالة عجوزن وشايب
الله يعين النفس لو كاهلي شاب=كذا خلقنا بين صلب وترايب
عزي لميتة جاهلن مابعد تاب=لو كان يومه ينعرف قال تايب
يالله سترك لالفاني ونا شاب=تغفر ذنوبي لاغدت لي صعايب
وإن لاح شيبي والوهن صار غلاب=ترأف بحالي لالفتني كرايب
دنيا وقصيا تتبع الموت بحساب=الدايم الله والصعايب عصايب


التعديل الأخير تم بواسطة بندر فرحان ; 27-12-2009 الساعة 06:24 AM سبب آخر: تنسيق الأبيات
  رد مع اقتباس
 
 
قديم 12-11-2009, 03:22 PM   رقم المشاركة : ( 23 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي


قم ياولد عمي وهات الكشاكيل=ابزهـم القيفــان وانتــه قلمـهـا
الجو زان وزان جو التعاليل=ولاعاد فيها حلم ولا حلمهــا
لا ياسليل المجد بين الرياجيـل=ماينتكس راسك مدامك علمها
ياراعي العشوى رفيع المنازيل=اترك مسافيه العرب مع غنمها
خل الرعيه والرعاة المهازيل=اللي بعضهم كلمته ماحشمها
لو كثرت القالات ماينفع القيل=عيا يقول اسلم وهو مااستلمها
السيل يجرف عوج هاك٠ العصاقيل=والجـــاهــل اللــي دونـها مافهمـهـــا
ونا أحمد الله والقوافي زرافيل=والله عطاني شلفتي مع سهمها
كم ليلتن مرت وجبت التهاويــل=حدي وأعرفه لو حدوده رسمها
الـــدم واحد ياكثيــر التحاليـل=وحدود وايل لاتدوج بحرمها
يامستحيل القول سيـد المهابيـــل=تطنخ على بيوتن شبيهك نظمها
والـلـّــه لولا العيــب بيــن المشاكيــل=لا اجمع جلاميد الصخر مع رضمها
لا ياشبيه الطبل واهل الطبابيل=ما تقنعك قولة قضاها وحسمها
لكن تالي الهرج جتك الجحافيل=ياللي جزيت القوم تاكل لحمهـا
ارفع مقامي عنك بيـــن الرياجيـــل=والدرعا ترعى والرسن مع غنمها


التعديل الأخير تم بواسطة بندر فرحان ; 27-12-2009 الساعة 06:26 AM سبب آخر: تنسيق الأبيات
  رد مع اقتباس
 
 
قديم 12-11-2009, 03:23 PM   رقم المشاركة : ( 24 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي أهل الطيب وأهل المكارم


ياسلامي على أهل الطيب وأهل النعاره=من صميم الشاعر اللي يفاخر سنامه
أتنومس بربعي فوق هام الصداره=فالعلوم الغانمه والوفا والجهامه
للمواقف مواقف والمراجل جساره=معتلين المراقب عانزين الغمامه
إن لفاها فقيعي محتميها بجداره=وإن لفاها نصيري تلزمه بالشهامه
من سلايل فعايل في صريح العباره=مطرفي ساس وايل لاخلا ولاعدامه
الله اللي عطانا نعمتين وصطاره=الكرم والشجاعه زود حكم وزعامه
تحت ظل الإمام اللي بناها مناره=حامي بيوت ربه حافظن للكرامه
وإمتداد التطور في سمو الحضاره=دور صقر العروبه فخرها والزعامه
بالكرم فاق حاتم لأن فعله شعاره=جعل عمره مديد وبالرخى والسلامه
ياجناب القصايد وإهبطي في مطاره=علها للعدامه كان مااوفت مقامه
إحتشدت الجزايل وإغتنمت المهاره=ولاتوفي بحق اللي تسمى حسامه
إنت نهرن قراحه نارده للطهاره=من نصى راحتينك فارقته الندامه
وإنت رمز المكارم يالملك وإفتخاره=وإنت حد الحقيقه فالكتاب ونظامه
وإنت شمس الكواكب والملوك بمداره=لاظهر نور شمسك كل نور بعمامه
وإنت رفعة بلادي ماحسبت الخساره=وإنت ورث البلاد اللي بناها إمامه
وإنت صدر الشمالي يوم بين نهاره=للصبر والمراجل والفعل والجزامه
وإنت شعلة بلادن فالحكم والإماره=وإنت مكسب بلادن مالقيت إنقسامه
وإنت رجلن عظيمن ماتغير مساره=فالعدل والزكاة وليل قايم قيامه
بإختصار الجزايل إنت رمز إزدهاره=والدروب السفيره كلها بإستقامه
من سلايل لوايل لااحتمت كل غاره=كل قومن ولاقوم إعنزه فالشهامه
ماعنزنا المفاخر من هياط وتجاره=والرخوم اللي تهايط بعلم الرخامه
ماخذينا المراجل في قروشن شطاره=ولاجهلنا الملاقى يوم شد إزدحامه
مستوانا شموخن يستحال إنحداره=كل جيلن في شموخ والعلوم بضخامه
من نوى شر فينا ذاق كاس المراره=والبحر موجه شديد سطوته بإلتطامه
كل رجلن لوايل ميزته بإعتباره=يتبع لشور ربعه ويتحيزم حزامه
لإنتخى ولد عمه ماارتخى بإعتذاره=ساق عمره فدا له ماشهر بإنهزامه
ولاانتخت فينا هنوف ضايقتها الكداره=لعنبوها المنايا دامها فالكرامه
السيوف أصدق دليل من كتاب وقراره=والشرف يحني راسه للفعل وإحترامه
مامدحت إلا رجال عزهم في وقاره=ولجميع القبايل بصمتن مع علامه
وأحمد الله مدامي مطرفي بالصداره=عصبتي تاج راسي هامتن تلو هامه


التعديل الأخير تم بواسطة بندر فرحان ; 27-12-2009 الساعة 06:28 AM سبب آخر: تنسيق الأبيات
  رد مع اقتباس
 
 
قديم 12-11-2009, 03:24 PM   رقم المشاركة : ( 25 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي مدامك على فهمك تشوف السؤال إزعاج


مرج البحور اللي تلاطم بها الأمواج=تموج الفؤاد وهاض فكري على أمواجه
ألا ياوجودي وجد ميؤوس له بإفراج=قضى بائسن فالسجن من دونه إفراجه
وألا ياخفوقن مدخله خالطه مخراج=نهاية طريح الهم وأزروا على اعلاجه
ونا لو بأقول إني على شوفته محتاج=سكت صوتي المبحوح ماقال له حاجه
كذا مابغيت إلا كلامي سببه إحراج=كذا ياصويب الحب كابر على إحراجه
وألا ياشعاعن في عيون الفجر ينباج=سما بارقه مردوف بعيون وهاجه
وألا يارصيف الحزن في ليل غاب اسراج=طفى ليله المسموح وأقفى عن اسراجه
على سالفة عمري غديت العرب دواج=أسوق القدم وأزرت على الدرب دواجه
كذا يارقيق الحس والضلع ماينعاج=تجي شاحب وتمسي مع أشباه منعاجه
عزاي العزيز اللي توالت له الحجاج=على بيته الطاهر تناصت له أفواجه
مدامك على فهمك تشوف السؤال إزعاج=غشيم وتظن الناس تبغاك محتاجه
تبيني بعرض الناس يالمترف المغناج=ونا ما أهون إلا على أجناس رواجه
ونا مارضيت أبقى على عملتك هراج=ونا ماني اللي لاهرج فيك هراجه
فلا تحسب حسابي ونا خاطري مهتاج=أنا خاطري طايب ولاأقوى على إزعاجه
عوافي ونا أشكر منطقي شافها بإحراج=خذيت الزمن حسره وقفيت بأمواجه



التعديل الأخير تم بواسطة بندر فرحان ; 27-12-2009 الساعة 06:31 AM سبب آخر: تنسيق الأبيات
  رد مع اقتباس
 
 
قديم 12-11-2009, 03:25 PM   رقم المشاركة : ( 26 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي حلم ولفاني بالسفر


خذتني الدنيا بحر وأغوص في سبع البحور=ولاخذيت من الحياة إلا طموحن يحتضر
وأزريت أعاتب غربتي لاجيت من بين الحضور=وأزريت أمثل وأمتثل وأزريت أناظر وأنتظر
لو بالعتب شيمة رجل ماشاح في وجه الصبور=ولو بالحزن شيمة رجل مازار رجلن مقتدر
لو كان في مغزى الشعر قولن على إنه يثور=لاتشوف ولد المطرفي إسمه يذيع وينشهر
لكن مالي بالشعر مصلوح في باب الظهور=الشعر بي فطره ونا متوارثه قبل أنفطر
ماني من اللي عطرت بشته ثمينات العطور=ولاني من اللي لاحضر يبقى كلامه منحصر
شي يجول بخاطري ماقلت يوم إنه شعور=شفته مشاعر صادقه وأجهرتها قبل أنجهر
هذي السنه عدت سنه متعاقبه بعض الشهور=والحال من حال الكيان ماقيل يومن مستقر
ياليل مدري ياليال هاتي بطاقات العبور=أبعبر الدنيا وأجوب عل وعساني أختصر
لاخير في درب السفر دامي وطن كله جذور=شارد ذهن ، مدري ذهن شارد وحظه يفتقر
في داخل أعماقي لقيت الريم في عمر الزهور=في رسمها وبحسنها كل الوصايف تزدهر
باللام والياء وألف مع نونها والهاء حور=حور وعلى صورة بشر قالت علامك تعتذر
قلت العذر مما بدر غديت في حبك غيور=قالت متى حبك جرى وإنت بغموضك تنخبر
قلت الغموض أسلم جواب للي غدى صدره يفور=والحب من يومي لفيت ولاكل خاطر ينجبر
قالت جوابك مايفيد هات الصراحه لاتدور=لغزك سؤال بجملته وإنت بجوابك تختبر
قلت العذر جيتك غلا ماجيت أصارح لك وأدور=طالت ليالي غربتي والخاطر اللي منكسر
قالت وقلت الليل صار في طلتك وضاح نور=وأقفت على درب السفر ودموع عيني تنتثر
حلم ولفاني بالسفر ترجمته بجملة سطور=وإحساسي اللي ماقدرت أدفن صريحه وأستمر
إخترت أوادع طيفها يمكن تحس بهالشعور=حبيتها بصمت ومتى يبقى شعوري يستتر
وإليا متى ببقى كذا بيني وبينك ألف سور=هذا فضولي بالسؤال حبيت أقوله وأختصر



التعديل الأخير تم بواسطة بندر فرحان ; 27-12-2009 الساعة 06:33 AM سبب آخر: تنسيق الأبيات
  رد مع اقتباس
 
 
قديم 12-11-2009, 03:28 PM   رقم المشاركة : ( 27 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي



ياشينها الفرقى وياصعب لقياك=ثنتين واأقشر دمعهم وسط عيني
لو بالتمني ماحصل لي ملاقاك=الله وأكبر ضيعتني سنيني
هم البشر دنيا ونا همي ألقاك=مدري متى تفهم وتسمع ونيني
أنا الحزين اللي جزاته تمناك=قضيت عمري ناذرن لك يميني
تخطي بحقي وأجحد بقول حاشاك=تعبت أجامل غالين يبتليني
ونا الغريب اللي نفيته بمنفاك=من دون دارن أو بلد تحتويني
أجمع بقايا مابقى من بقاياك=وشهو بقى غير الأمل مع حنيني
دام إنت تعرف علة القلب فرقاك=الله عطاك إحساس.! ماتحس فيني.؟
يصعب علي أنساك لاقلت أبنساك=أبيك تذكر والنعش يحتريني
لاشيعوا موتي تذكر سواياك=وأرجوك لاتبكي وتلمس يديني
الفوت فاتك يوم عايش بدنياك=وش عاد لو ميت وتبكي تبيني
ماأخطيت في حقك ولاجيت أبجفاك=وإنت السبب يوم الحزن يعتريني
وصيتي بآخر مطافي ونا أبغاك=( اللي علي سويت .! سددت ديني .! )

  رد مع اقتباس
 
 
قديم 12-11-2009, 03:33 PM   رقم المشاركة : ( 28 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي

عشرة اعلومن سديدة

إستوت ملح السوالف والهقاوي مستوى=ولانظمت إلا قصيدن عل يلفيني صداه
عشرة إعلومن سديده بالحقيقه تنروى=بالشعر زان الجديد وخايل القمرا سماه
البخيت اللي زمانه ماجفا له وإلتوى=والبخيت اللي تخلد فالمجالس مستواه
المواقف للمواقف والفعايل محتوى=والردي حيشاك كلن يبخنه في محتواه
الشجيع اللي تحيزم مثل ذيبن لاعوى=معتلي مرقاب رجمن في شموخ وفي تباه
المجالس مثل نهرن كلن أقبل وإرتوى=وخيرها مجلس نزيهن مايخالطه إشتباه
والعفن جنب طريقه وإحذر إحذر لانوى=لو تجمل بك حكى بك كل رجالن لفاه
لو تضيق وتستضيق وعمرك أقفى وإنطوى=إطلب المولى العزيز ولايخيب اللي نصاه
والصديق اللي وفى لك ماغدرك ولاكوى=لاتفكر يوم تهدم مابنيت اللي معاه
وإنتبه لايضيع دربك لاإعترض لك بالهوى=مااقشر الدمعه لرجلن ضاع والسبه هواه
والله اللي حط فينا كل فكر وماحوى=والرجل يعرف خلاصه بالطريق اللي مشاه
  رد مع اقتباس
 
 
قديم 12-11-2009, 03:39 PM   رقم المشاركة : ( 29 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي


ياطيف حلمن سرى مـن دونـه البـارق=هيّض مواجع دفينـه ...خامـده فينـي
الله وأمانـه غديـت بغربتـي غــارق=مابين ... ميّت غبن ... والدّمع في عيني
والمحجر اللي جرى به دمعـي الحـارق=منتي كفو ... تاصلينـه فـي مكامينـي
بالله وش حيلتـي والوقـت ذا ســارق=والحظّ عاثر وأشـوف الحـزن طاوينـي
دقّيت باب الوصل ... ماردّ لـي طـارق=من شان عهـد حفظتـه فـي شرايينـي
قبل أمس مابيننـا فـي قولتـك فـارق=واليـوم فـرق السّمـا مابينـك وبينـي
واليوم روحي ونا مـن بعـدك امفـارق=دينك وصلني ... وباقي جرح من دينـي

  رد مع اقتباس
 
 
قديم 12-11-2009, 03:41 PM   رقم المشاركة : ( 30 )


الملف الشخصي
رقــم العضويـــة : 340
تـاريخ التسجيـل : Oct 2009
الـــــدولـــــــــــة :
عدد المواضيـع : 2
عدد الـــــــردود : 36
المشاركـــــــات : 38
آخــر تواجــــــــد : 28-05-2010(12:14 PM)

اخر مواضيعي


افتراضي


مات حبّك وسط قلبـي مـن زمـان=(عظّم الله أجرك وأحسـن عـزاك)
وش خذيت بدنيتـك دامـك جبـان=وش عطيت بحب يوم الله عطاك...؟
غير جرح وموعـدك ذاك المكـان=انتظرتك .... وانتظرتك في لقـاك
بعدها .... وش هقوتك كاني وكـان=عن حدودي وابتعادي عن سماك..؟
كنت أحـاول آصلـك بـرّ الأمـان=مـار شفتـك منتهايـا ومنتـهـاك
خلّنـي ميّـت ولاأبغـى الكـفـان=(موت عزّه عن حياتي في رجـاك)

  رد مع اقتباس
 
إضافة رد

الكلمات الدليلية
المطرفي, الشاعر or, حمدان, ديوان, ربيع


يتصفح الموضوع حالياً : 1 (0 عضو و 1 ضيف)
 

(عرض القائمة الأعضاء الذين شاهدو الموضوع : 10 (تعيين)
, , , , , , , , ,
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:18 PM.


Powered by vBulletin® Version
Copyright ©2000 - 2019, Jelsoft Enterprises Ltd.
Ads Management Version 3.0.1 by Saeed Al-Atwi

كل مايكتب فى المنتدى من مواضيع ومشاركات تمثل وجهة نظر كاتبها ولاتمثل وجهة نظر إدارة المنتدي