<!-- open content container --> <div align="center"> <div class="page" style="width:100%; text-align:right"> <div style="padding:0px 25px 0px 25px" align="right">




أهلاً وسهلاً بكم في منتديات قبيلة المطارفة الرسمي من عنزة ,,,,,, في المنتدى الأول لقبيلة المطارفة على شبكة الإنترنت ,,,,,, تنويه : جميع ما يطرح في المنتدى يمثل وجهة نظر صاحبه ولا يمثل وجهة نظر إدارة المنتدى ,,,,,, تنويه : على جميع الأعضاء الرجوع إلى منتدى القرارات الإ دارية والإطلاع على شروط وضوابط منتديات قبيلة المطارفة الرسمي ,,,,,, تنويه : لا يحق للعنصر النسائي التسجيل في المنتدى فأهلاً بهن في زيارة المنتدى للقراءة والإطلاع فقط ,,,,,, تنويه : على جميع الأخوة الكرام الذين ينتظرون التفعيل مراسلة إدارة المنتدى ,,,,,, والتعريف في أسمائهم الشخصية لكي يتم تفعيل العضوية لهم والإحتفاظ بها في سرية تامة عند إدارة المنتدى ,,,,,,, شاكرين لكم حسن تعاونكم كلمة الإدارة


 
العودة   منتديات قبيلة المطارفة الرسمي من عنزة > المنتديات الخاصة بالقبيلة > منتدى دواوين شعراء المطارفة
 

منتدى دواوين شعراء المطارفة يختص بقصائد شعراء المطارفة

إضافة رد
 
 
أدوات الموضوع انواع عرض الموضوع
 
 
قديم 21-09-2009, 09:00 AM   رقم المشاركة : ( 1 )


الملف الشخصي
رقــم العضويـــة : 2
تـاريخ التسجيـل : Aug 2009
الـــــدولـــــــــــة :
عدد المواضيـع : 40
عدد الـــــــردود : 218
المشاركـــــــات : 258
آخــر تواجــــــــد : 29-01-2012(06:19 PM)

اخر مواضيعي


افتراضي ديوان الشاعر / فهد عواد المطرفي ( رحمه الله )



من قصائد الشاعر / فهد بن عواد المطرفي ( رحمه الله )
عقب كلام البارحة صرت مرتاب=وشين يحفزه القلم للكتابه
أحس كل الناس من حولي أغراب=أظاهر إني من زمان الصحابه
ولا بعد من جيل أبو زيد وذياب=يطري إبالي شيء ماينحكابه
ودي أهاجر بس يبغالي إركاب=مثل البراق ومثل متن السحابه
من شان أجي من فوقهم كني شهاب=وأعبر بقو الباس حد الرقابه
ما جيت أنا للشعر لأجل أكسب إعجاب=جيته لأجل أكسر جمود الرتابه
ما نيب لا أخطل ولا نيب سياب=ولا نيب شاعر ذابحته الصبابه
ولا ني ملمع اسمي بكبر الألقاب=قله فهد عواد ونهى الإجابه
من لابت يوم الوغى عندها حراب=تطعنبها نحر العدو ماتهابه
اسم علم ممنوع من صرف الإعراب=أكبر مننه يعربه من شقابه
خمسة حروف وعن ثلاثمية كتاب=ويلان وفعول العرب ماتشابه
طرق الهجيني غير يطرق عن الراب=وعزف البيانو غير عزف الربابه
ماقول حنا رووس والعالم أذناب=كلٍ على ماقيل حقه غدابه
لكن لنا في قمة المجد مرقاب=وليا حضرنا كلٍ أعلن غيابه
من عمرو بن كلثوم لعقاب وحجاب=لليوم وأدني وايلي ينغزابه
وإن كانها لحقت تواريخ وأنساب=حنا الفخر من يوم عصر الحرابه
رمح الخويلد من يده للعدو صاب=يوم السحالي بالملاقى هقابه
وأنا من البارح وفي بالي أعتاب=هات الشعر ياالجن هاته هلابه
أتعوذ الشيطان وآخذ بالأسباب=وجرها موال ولا عتابه
وحدها لين أحني أرقاب وأرقاب=وأنفخ على جمري وزيد إلتهابه
وصمد بوجه العاصفة كني عقاب=عقاب ذيب الخيل كلٍ درابه
من قبل طق الباب فتحت أنا الباب=ولا عاد هاك العلم ولّي لفابه
كانت سوالف ما يحسبلها حساب=طالت وعرضت لين صارت طلابه
للحرب مشعلها وللنار شباب=ولايغلي المرقاب من لا رقابه
وللمجد تاريخه وللحق طلاّب=صوت الفشق ينطح نبيح الكلابه
وايل أصل وايل فصل وايل حجاب=وايل لنا في ساعة الضيق لابه
وايل فخر وايل ذخر وايل أسراب=وايل لعميان البصيرة طبابه
وايل ماهي دويلة عصابات وأحزاب=وايل إمارة عرق دم وقرابه
وايل تذل ولا تهقواها الأشناب=بالسف الأملح مانعين إقترابه
ياهيه يالعميان فك قيد الألباب=طويق ماتشكل عليه الذبابه
مانيب ملحقها مشاريه وسهاب=لا شك أبعطي للسؤال الإجابه
إن طاب سلطان البلد حاجبه طاب=وإن خاب تلحق كل شعبه خيابه


[/poem]
  رد مع اقتباس
 
 
قديم 21-09-2009, 08:00 PM   رقم المشاركة : ( 2 )


الملف الشخصي
رقــم العضويـــة : 2
تـاريخ التسجيـل : Aug 2009
الـــــدولـــــــــــة :
عدد المواضيـع : 40
عدد الـــــــردود : 218
المشاركـــــــات : 258
آخــر تواجــــــــد : 29-01-2012(06:19 PM)

اخر مواضيعي


افتراضي




من قصائد الشاعر / فهد بن عواد المطرفي

مرات تلقى الناس مي مرتاحه=كلٍ يفرك في خرز مسباحه

يضيق صدر أللي يبون الهزله=يا ضيعة الشاعر وقل أفراحه

لكن ما دامي فارس إبميداني=قل للمسلح يعتزي بسلاحه

الملك لله ثم لخو نوره=يسعد مسى الحاكم معه مصباحه

عبدالله أللي مايشابه غيره=تهداله الأرواح فوق الراحه

أللي ولاية عهده استامنها=سلطان راعي السيرة الفواحه

الدار داره والرجال رجاله=لو هو أمرنا للبحر نجتاحه

الحر يشلع للغمام ويرقى=والبوم كلٍ خابرٍ مسراحه

ونا قصيدي أحشمه ماحقره=عن شاطئ الشطة وشاطي الراحه

غني نفس وزاهد بالشهره=مكثور خيرك ياقناة الواحه

بعطيك بيت عن قصيد واجد= اترك كلام العالم المزاحه

والله يلو فقري وصل لعظامي= مكتب قصيدٍ لمسرح لمفتاحه

جدي مكيس أللي عليه الهقوه=أعطاني رمح من طوال أرماحه

فخر العراقي بالفرات ودجله=والباحة يفاخر بها أهل الباحه

ونا حويلي مطرفي وعماري=قومٍ لجمع المعتدي نطاحه

الشيخ ابن هذال شيخ الجمعه=والعز نلبس معصبه ووشاحه

ماتنحني هاماتنا بس لله=ثم للوطن فنفوسنا سماحه

وياللي سألتوني علامك ناحل=قوموا افتحوا قلبي وشوفوا جراحه

من أللي ذبحني بالغرام وقفا=أبو ثنايا لاعجه وضاحه

هذاك لا سولفت به وسط صدري=ضلعي وسط صدري سمعت صياحه

لكن قضيتنا قضية مبدأ=أكبر من العشق وعذابت راحه

مادام أبو روز المحامي عزل= عبا الصميل وضيع التفاحه

يالله تعاوني وقوم بحملي=ماينفع النواح كثر نياحه

ياساحة الشعار يالمزدحمه=الباب سكر وانكسر مفتاحه

بقول شيء يخصني وافخربه=تفهم علي العالم اللماحه

والله لو عندي قصيدة هزله=لحرق قصيدي واعتزل هالساحه
[/poem]
  رد مع اقتباس
 
 
قديم 03-01-2010, 01:16 PM   رقم المشاركة : ( 3 )
مشرف منتدى الترحيب والتعارف سابقاً

الصورة الرمزية المنادي

الملف الشخصي
رقــم العضويـــة : 96
تـاريخ التسجيـل : Sep 2009
الـــــدولـــــــــــة : المملكة العربيه السعوديه - الرياض
عدد المواضيـع : 848
عدد الـــــــردود : 9882
المشاركـــــــات : 10,730
آخــر تواجــــــــد : 09-10-2016(11:40 PM)

اخر مواضيعي

الأوسمة
 
وسام الألفية العاشرة

الفائز الخامس



1c0a4ptr73fy وصف حال الامه

ياعم.. يالعيـاااار .. يابـو دلامـه...
..................... ليتك تعيش تشاهـد أوضاعنـا الحيـن
تضحـك علينـا ليـن يـوم القيامـه
..................... صاحيـن ... لكـن عدنـا مستلجيـن
نركض ورى الدنيا ركيـض النعامـه
.................... وعند الشدايد ندفـن الـراس بالطيـن
لاقلت مسلـم .. قيـل يعنـي أسامـه
................... منهو أسامه لجل يوصف بـه الديـن
هـم مـادرو بأنّـا وصلنـا الرخامـه
..................... أخبارنـا صـارت سخافـة عناويـن
( التوت .. يغتال الكرز في منامـه )
................ ( صياف شن الحرب مع تركي الفين )
( باسكال تسرق لحن .. راغب علامه)
................. فاصـل غنائـي ... آه ياليـل ياعيـن
نعـود للموجـز ... نقـول بختامـه
................. هذا خبر عاجـل لفا مـن فلسطيـن
الدوخـي يعلـن للهلال انضمامـه ..
................ عفواً .... خبرنا صار مو من فلسطين!!
شكراً .. لكل واحد عطانـا اهتمامـه
.................... نعود معكـم لأغنيـة .. ليـل ياعيـن
شفتو شكثر هالغرب يخطـيء كلامـه
..................... شفتـو شكثـر حنـا غدينـا سخيفيـن
شفتو شكثر قاسـي علينـا اتهامـه ..
..................... يحسبنا كل ليلـه سهـارى مصليـن!!
مايدري انّـا حـول (فاتـن حمامـه)
...................... نوصف جمال عيونهـا .. والفساتيـن
ولاهي غريبه .. قبلنا أهـل العمامـه
...................... شيابنـا بغمـزة ( سميـره ) موليـن
أريـام .. أم الغنـج .. والإبتسـامـه
...................... صـارت قضيـه مشغلـه هالملاييـن
تدرون عاد ... المشكله مـو اسامـه
..................... ولاهـو اعجـاب العـرب بالمغنيـن
المشكلـه أكبـر وأكثـر .. ضخامـه
.................... المشكلـه ... حنـا بليـا مضامـيـن
أرخص ماعند اليعربـي .. إحترامـه
................ قلي شلون أعطيـك الاثبـات هاللحيـن..
عطه ( الطراق ) .. يقول حب وكرامه
................ ثنّ (الطراق ) .. يقول أهلين وسهليـن
وتقول لي ( بغـداد ) راحـت ندامـه
................ ياخيّ جاني علمهـا عـام ( تسعيـن )
ماهـي غريبـه لافقدنـا الزعامـه ..
................. بس المصيبه نفخر بحرب .. حطيـن
بعنا الكرامـه .. وأشترينـا السلامـه
................. نبي نفوز بشي .. فزنـا بـولا شيـن
هم وهمونا أن السـلام ( الحمامـه )
.................. صرنا حمايم .. بس صـارو شياهيـن
يكـاد هالإنسـان يفـجـر أمـامَـه
.................. من كثر مايسأل .. متى نوفي الديـن؟!
تظهـر علامـه .. وأتّخفـى علامـه
................... ملايكـه تقفـي .. وتقبـل شياطـيـن
ومن قال لك توه ... زمـان القيامـه
............... قله : طريق الشام .. سـووه سيديـن

التعديل الأخير تم بواسطة سليمان المطرفي ; 02-08-2010 الساعة 02:06 AM
  رد مع اقتباس
 
 
قديم 03-01-2010, 01:35 PM   رقم المشاركة : ( 4 )
مشرف منتدى الترحيب والتعارف سابقاً

الصورة الرمزية المنادي

الملف الشخصي
رقــم العضويـــة : 96
تـاريخ التسجيـل : Sep 2009
الـــــدولـــــــــــة : المملكة العربيه السعوديه - الرياض
عدد المواضيـع : 848
عدد الـــــــردود : 9882
المشاركـــــــات : 10,730
آخــر تواجــــــــد : 09-10-2016(11:40 PM)

اخر مواضيعي

الأوسمة
 
وسام الألفية العاشرة

الفائز الخامس



1c0a4ptr73fy الى نواااف .. من قلب ( فهد عواد )

سل الزمن سيفـه بوجهـي ( ينـواف ) = وأنا نطحتـه نطـح .. مانـي مسايـف
حفظتلي حكمه .. وسوت بـي إسـراف = تقودنـي للقـاف لأقفـيـت عـايـف
عيبٍ عليّ أرجـع وألوبـد بالأطـراف = مـن عقـب مابينـت فـوق النوايـف
ولأن الورق ميلاف .. والحبـر ميـلاف = وبيوت شعـري فـي يدينـي عسايـف
يفـزّ لاجيتـه .. ولأقفيـت مـاعـاف = بينـي وبينـه مثـل ولـف الولايـف
دونت في شعري بطـولات الأسـلاف = ورسمـت درب الطايلـه .. للخلايـف
نواااف ..يانوااف .. كلّ اللـذي طـاف = يرسم على وجـه البطالـه .. وظايـف
بيروت ماصارت - وأنا آخوك - مصياف = لولا ( البـراد ) .. ونابيـات الردايـف
في هالزمن .. متساويه جلّ وعجـاف!! = بيض الصفايح .. مثل .. سود الصحايف
الله يبيّـض وجـه معطيـن الأسـلاف = لولاهـم العيشـه علينـا .. كـلايـف
مابيّن اللولو .. علـى كثـر الأصـداف = والجـوع .. ماقـدّر غيـاب الرغايـف
والجيب .. والبي إم .. والبنز .. والهـاف = عنهن عسفـت الناحـلات النحايـف
يضيق صدري صحّ .. بس مابي خـلاف = مادااام لـي ذكـرٍ مـع النـاس نايـف
يطري عليّ شطرٍ حفظتـه ( لصيـاف ) = وصياف شاعـر .. مايجيـب العجايـف
ماجيت أبي من هالزمن .. غير الإنصـاف = مابي إمـااااره .. ( ياملـوك الطوايـف )
يامسندي .. لاشفتنـي فـوق مشـراف = تراي أهـل مـن الدمـوع .. الذرايـف
لأن الزمن خـوان .. وقلوبنـا نظـاف = قمنا نتخضعلـه مثـل مأنـت شايـف
أصبحت أمثل دور مذعـن .. وخـواف = وأنا .. ورب البيت .. مانيـب خايـف
ماهز راسي عشق .. ترفـات الأعطـاف = بيـض الخـدود محمّـرات الشفـايـف
ماشد عيني غيـر .. مـن زينهـن نـاف = شعل البكـار .. ملاعبـات السفايـف
اليا أدبرن .. كن الثرى يرجف ارجـاف = واليا أقبلن .. مثـل العلـوم الطرايـف
والدار يانـواف .. بحـرٍ بـلا اضفـاف = نادابهـا ( معـزي ) بحـدبٍ رهـايـف
اليـا تزاحمهـا ثقيـلات ... وخفـاف = نصير مثـل الجـنّ .. بـأرض العفايـف
سودا على اللي يدفن الراس .. بلحـاف = لا زغردن البيض .. لعيـون ( نايـف )
  رد مع اقتباس
 
 
قديم 28-11-2010, 07:12 AM   رقم المشاركة : ( 5 )
مراقب عام

الصورة الرمزية خوالي عنزة

الملف الشخصي
رقــم العضويـــة : 456
تـاريخ التسجيـل : Oct 2009
الـــــدولـــــــــــة : الرياض
عدد المواضيـع : 1705
عدد الـــــــردود : 9190
المشاركـــــــات : 10,895
آخــر تواجــــــــد : 03-07-2015(01:11 PM)

اخر مواضيعي

الأوسمة
 
وسام الألفية العاشرة

المشاركة بالمسابقة الرمضانية ( 1431 )



افتراضي

  رد مع اقتباس
 
 
قديم 07-01-2011, 08:05 PM   رقم المشاركة : ( 6 )


الملف الشخصي
رقــم العضويـــة : 381
تـاريخ التسجيـل : Oct 2009
الـــــدولـــــــــــة : الخفجي
عدد المواضيـع : 3
عدد الـــــــردود : 41
المشاركـــــــات : 44
آخــر تواجــــــــد : 07-01-2011(08:38 PM)

اخر مواضيعي


افتراضي

الله يرحمه والله العظيم اني اتذكره يوم البرنامج عشان خلف المشعان بشاعر المليون عسى الله يرحمه يا رب والله العظيم اني حزنت عليه الله يرحمه
  رد مع اقتباس
 
 
قديم 23-01-2011, 01:46 AM   رقم المشاركة : ( 7 )


الملف الشخصي
رقــم العضويـــة : 505
تـاريخ التسجيـل : Nov 2009
الـــــدولـــــــــــة :
عدد المواضيـع : 0
عدد الـــــــردود : 97
المشاركـــــــات : 97
آخــر تواجــــــــد : 12-10-2015(11:36 AM)

اخر مواضيعي
 



افتراضي

الله يرحمه والله أني أشتقت أشوفه صحيح أنه من جماعتي المطارفة ولكن شاهدته في أحدى القناوات الفضائيه يلقي قصايد حماسيه ولم أقابله وأتصلت عليه بالجوال في عمله بلادية حائل ووعدني بزياره في جدة ولكن الله أخذ أمانته ولقد حزنت عليه لأنه فقيده
  رد مع اقتباس
 
 
قديم 28-02-2012, 01:17 PM   رقم المشاركة : ( 8 )


الملف الشخصي
رقــم العضويـــة : 1737
تـاريخ التسجيـل : Feb 2012
الـــــدولـــــــــــة : امريكا
عدد المواضيـع : 1
عدد الـــــــردود : 11
المشاركـــــــات : 12
آخــر تواجــــــــد : 03-04-2012(02:59 AM)

اخر مواضيعي


Xelna88uwtvs قصيدة الأقصى للمرحوم فهد عواد

قصيدة الأقصى للشاعر فهد عواد المطرفي بصوته يرحمه الله



  رد مع اقتباس
 
 
قديم 07-03-2012, 08:45 PM   رقم المشاركة : ( 9 )


الملف الشخصي
رقــم العضويـــة : 1737
تـاريخ التسجيـل : Feb 2012
الـــــدولـــــــــــة : امريكا
عدد المواضيـع : 1
عدد الـــــــردود : 11
المشاركـــــــات : 12
آخــر تواجــــــــد : 03-04-2012(02:59 AM)

اخر مواضيعي


افتراضي شـاعـر ... غـيـر مـشـهـور !!!

شــاعــر ... غــيــر مــشــهــور !!!
الصور المرفقة
نوع الملف: jpg شاعر... غير مشهور !!!.jpg‏ (56.6 كيلوبايت, المشاهدات 4)
  رد مع اقتباس
 
 
قديم 11-03-2012, 05:14 PM   رقم المشاركة : ( 10 )


الملف الشخصي
رقــم العضويـــة : 241
تـاريخ التسجيـل : Oct 2009
الـــــدولـــــــــــة :
عدد المواضيـع : 1
عدد الـــــــردود : 9
المشاركـــــــات : 10
آخــر تواجــــــــد : 17-08-2012(05:23 PM)

اخر مواضيعي
 
0 تهنئه



افتراضي

الله يرحمه برحمته ويسكنه الجنه يارب ويعوضنااااا خير
  رد مع اقتباس
 
إضافة رد

الكلمات الدليلية
الله, المطرفي, الشاعر, ديوان, رحمه, عواد, فهد


يتصفح الموضوع حالياً : 1 (0 عضو و 1 ضيف)
 

(عرض القائمة الأعضاء الذين قرأوا هذا الموضوع منذ 17-06-2019, 05:13 AM (تعيين) (واضح)
لا توجد أسماء لعرضها
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:13 AM.


Powered by vBulletin® Version
Copyright ©2000 - 2019, Jelsoft Enterprises Ltd.
Ads Management Version 3.0.1 by Saeed Al-Atwi

كل مايكتب فى المنتدى من مواضيع ومشاركات تمثل وجهة نظر كاتبها ولاتمثل وجهة نظر إدارة المنتدي