بــــيـــــــــوت جـــــدايــــــــــــــــــــد

يسعدني ان اضع بين ايديكم نص اخر ماكتبت واتمنى ان تنال اعجابكم ورضاكم

بــيـــــــوت جــــدايــــــــــــد

قــال الذي عنـده بيـوت جـدايــد = = نظـم بنـات الفكـر والفكــــر وقــاد

الوقت يمـلك بـه علـوم وشهـايــد = = تلميــــذ في دنيـــاه هجـــره وميلاد

ماخــذ من الجــن تسـعة قلايـــد = = وخمسـة عشـر حـراس بسـيوف وغماد

ادعي كبـار الجن وقــت الشـدايــد = = اســـرح واضــويها على عشرة بلاد

اعطيك لمحه وخلي ناقص وزايد = = واســمع لي ابيـات ثقيلات وجداد

دنيـاك هـذي كـل ابوها زهـايـد = = يربح بها اللي يكـافح النفس بجهاد

احـد على مركـاه حاز الفوايـد = = وكـم واحـد يبذل جهـوده ولا جــاد

تقلبت وقت العصـور البوايــد = = تقبـل وتقفـي بيـن مصــدر وميــراد

الله خلــق النـاس فيــها بدايــد = = وكـل على اصـله من العـــرف يــزداد

والنـاس كـل له ســلوم وعوايـد = = وكــل علـى ماقيـــل للســلم ينقـاد

احرص على الطيب ولو كان نايد = = تطـرب على فعله مجــاويـز وافــراد

والطيب طيب وكاهل الطيب كايد = = ما يقتصر فعله على سفرة الزاد

واللاش ولد اللاش لو كـان قايـد = = مثل النتـن لا عـاده الله ولا عـاد

ولصرت في مجلس وناسه نكايد = = ماعـاد لك في مجلس الســو مقعاد

واحذر من الهذار راع العصايد = = لمن لقى التشجيع يشــمخ ويــزداد

يجيـك طبخـه مالغ ربع جايـد = = ويطـرب لطبخـه كل مالغ وعصـاد

عما يقـول طعنـي خلك محايد = = احـذر على ممشاه تمشي وتنـقاد

اما كسبت الذنب والا النقـايـد = = ويصبح عليك اللوم من بين الاجواد

وفالصمت حكمه والمزايا عدايد = = وحكــي القفا سـموه سكين الاكباد

والكذب ظلما واعرف الحق سايد = =واعن الخطا رجعه وللحق ميعاد

والموت مثل الصبح كل يوم عايد = = يامــا خطـف منا رجاجيــل واولاد

راح الفهد والشيخ عيسى وزايد = = وصــدام ضحيبه على ســور بغداد

عبدالله ثاني المطرفي

صح لسانك
ابو ثاني

محبكـــ
ابو مشعل

صح بدنك اخوي نواف ولا هنت يالغالي على مرورك وتعليقك

صح لسانك اخوي عبدالله


بارك الله فيك




المنادي

ما فيك حيله
الحقيقة اني قريت القصيدة أكثر من مره أدور بيت شدني أكتبه قبل ردي هذا, احترت لأن الأبيات كلها جزلة .
لله درك شاعر متمكن ولو أني أدري ان شهادتي فيك مجروحة .

صح لسانك يالغالي

صح بدنك اخوي المنادي
أخوي محمد مطر شهادتك وسام على صدري
شاكر لكم المرور والتعليق

صح لسانك ماقصرت

السلام عليكم

اخوي عبدالله لو كل يوم نعيدلك كلمت مبدع ماراح نوفيك حقك صح الله لسانك

والله لايهينك على ماخطه فكرك فوق الورق

عزالله ان الجزل فوق البدايد ..=.. وعبدالله الوافي مسويله شداد

تقبل مروري وصح لسانك للمره المليون

صح لسانك
عبدالله

صح بدنك اخوي سلطان
صح بدنك اخوي نواف عواد وشهادتك اعتبرها تاج على هامة الراس وخاصة انها جتني من شاعر كفو مثلك
صح بدنك اخوي جرير
اشكر مرور الجميع وهذا شرف لي