((((( نخــــــــــــــــــــــــــــــــــــوه ))))
هذه القصيده قالها الشاعر / صالح سبتي الشدوى الزهراني
بالاخ / فرحان فهران المطرفي
غفوة الحظ واطباق الحفف والجفن = تشرب الذات من نزف إحتقار الرجال
ضايق الصدر من كبر الحدث واحتقن = لين امتلى وامتلى حتى مظلا مجال
وجيت ادور على متكى شمال ويمن = وطار قلبي جنوب وراح فكري شمال
وكل طاير من احلامي تلزم غصن = وكل ماحلم لامس غصن مرجع ومال
وتكسرت كافة اغصان الهقاوي وهن = واسراب الاحلام طارت في فضا المستحال
ورجعت في ذاتي ادور بذاتي لمن = يوقف ويرسى كما ترسي الرواسي الجبال
رجال موقف إذا احتاجه رفيق وزبن = ياجيه كله هلا فزعه بليا تعال
وتشوف في وجهه الفرحان امن وسكن = يمدلك وجهه المضياف تمر ودلال
كنه إذا اقبل يقول أبشر تمن وتهن = الي تريده تلبا لك ياولد الحلال
ولقيت رجال قلي هاك من دون اذن = تبغى الزواي توقف لك عراض وطول
ابرق لفرحان بن فهران واحد ضمن = ثلاث اشخاص لا رابع لهم في المجال
صلاح يوم اعتزته القدس ضاق وحزن = ولا ابتسم لين حررها وصوول وجال
والعتصم يوم جت له صرخة من لحن = بنيه ضامها والرومان وقت إحتلال
كب الجيش والقوات واعلن علن = وجابه الروم واحتل البلد واستطال
وانته مابين أربعة جدران وتنخا لمن = ياجيك من عند ربك بالمفرج والجمال
فرحان لا قلت له فرحان قلك تمن = ورد جمالك على المارد وصدر جمال
هذا امير العنوز وشيخ شمر ومن = الا امير البوادي والحضر والشمال
الا امير المواقف والواقف لهن = وقت المواقف رجل يوقف مواقف جبال
فرحان لادق لك تبسط وغن = شيمه ونخوه معربها بعم وخال
قلت ايه والله يافرحان جار الوزن = واحمالي الي على ظهري وثقال
ثلاث زوجات وام بالف دمعة تحن = وازيد لك بالخبر والعلم عشرة عيال
شتات والبيت من بعد الضرر مهدمن = وهم مابين الشقق في حلة وارتحال
ومراض صدري ولحميه وقهر وغبن = وشيخ يسوي قبيله مايساوي ريال
ابيك تنشط كياني من عميق العفن = تشيلني من هنا تكفى وتكفى جزال
اريد مهله تجنبني طريق السجن = فيها اتعالج وسوي للأمور اعتدال
وبني على ساجة الواقع بصدري مدن = تجسد أحلامي المتوثبه للخيال
أبيك وأبيك وأنا أطلبك قلي تمن = قرر أموري وعدلها وميل عقال
وتعال فزعه وأذن وتعال من دون أذن = تعال تكفى تعال تكفى تعال