ليطمأن أخي نواف

السلام عليكم ورحمة الله وبركاته

من دارا ليست كالديار ومن خلف البحور والانهار ازف لكم ازكا سلام ممزوجا بريح الغمام

وللقصيده اكثر من وجه واتمنا الا تفهم بالوجه الخاطي

من دولة/ن واعرف نظام الدوله *** العز يصرخ والاماني حوله

إما تشيعنا واخذنا الكافي *** ولا تنصرنا وجلنا جوله

البوم يسجع والطويله وكره *** والحر زوله مايشابه زوله

والي يسمون الحظاره واقع *** ماتشبه فعول الرجال فعوله

والي رشف هالكاس خلا ثلجه *** خلا الحلال ولاهتنا بكحوله

غايب مزاج ولاعاد هو يطري *** ولسانه المعسول يخلف قوله

والمنطلق تصحيح وضع السكره *** انه يــنام ولايشيله طوله

ولا صرت مابين الخراب الاصلح *** خل المغني يهتني بطبوله

يفرح بها ساعه ويزعل ساعه *** مختلفه افكاره وصايل صوله

إما يغني من بنات افكاره *** ولا يغني من بعض منقوله

والشارع المليان هم وحسره *** ماينعرف صاحيه من مهبوله

مره نقل انه امان/ن وافر *** امرار مرعب لاقرينا اصوله

افكار مضطربه والاغرب شعبا/ن *** يفخر بشي/ن مابعد وصلوله

كومبير مابين العيون براسك *** شوف/ن عدل والعين الاخرى حوله

وحده تخيل للطريق وتقزه *** وعين/ن تخيل بس تنضر حوله

معادله سهله والاسهل حله *** انك تنول تشوف ماهو ينوله

مثل العرب والغرب في هالعالم *** وكثير من يكسب علينا بطوله

حنا العرب نشوف درب/ن واحد *** ودروب واجد عننا مقفوله

طولتها واحس صدع راسي *** اشيا تقال وشي منهو يقوله

والكذب اصدق شي لاكن وقف *** بعض العرب شيصير لافطنوله

إما بكلبشه رحت واخفو شمسك *** ولا على هالميجنا غنوله

نواف عواد

ليطمأن أخي نواف ابيات جداً جميلة تحتوي علي رموز ومخاوف وآلام على الأمه يشكر عليها

صحيح مثل ميقولون المعني ببطن الشاعر .

عموماً كتبت هالكلمات على السريع وبالله التوفيق

أقول

من دولة التوحيد حي هالدولة *** عز الأماني والفخر سووله

حب الوطن بقلوبنا متمكن *** وأللي يقرب له نحش ارجوله

والرافضي نعرفه ونعرف مكره *** مهما يغير ملبسه أو قوله

وصقور نايف تبقى صقور نايف *** والبوم بوم ولو تحلا زوله

وللعلمنه ويا الحضارة زمره *** بدرب الرذيله والخنا موصوله

سمو لنا الخمره بغير إسمه *** ومزمار يغذي أرواحنا المعلوله

كلامهم زينه حسن المنطق *** والله ذكر أقوالهم معسوله

ومن منطلق تصحيح وضع الموقف *** أكبر البرواز عرض وطوله

أصلح صلاح إنك تصلح نفسك *** وأخرب خراب برفقةٍ مهبوله

وصلوا صلاةٍ دايمه موصوله *** على النبي المقتدى بفعوله

مع تحيات

أبوسلطان

ومن منطلق تصحيح وضع الموقف *** أكبر البرواز عرض وطوله



أصلح صلاح إنك تصلح نفسك *** وأخرب خراب برفقةٍ مهبوله



وصلوا صلاةٍ دايمه موصوله *** على النبي المقتدى بفعوله
.................................................. .................................
اللهم صل على نبينا محمد وعلى آله وصحابته اجمعين
أبيات تكتب بماء الذهب.

صح لسانك اخوي ابو سلطان

تقبل فائق الحب والإحترام

اخوك

نايف عواد

صح الله لسانك يا أبو سلطان ..

رد بقصيدة رائعة و أنتقاء للأبيات فريـــد ..

ما تجيب إلا الجزل ...

تقبل مروري و دمت بخير ..

[صح لسانك يانواف
وصح لسانك يابو سلطان
متميزين دوماٌ والله يوفقكم جميعا . أخوكم / نايف عودة

صح الله لسانك يا أبو سلطان ..
ابيات رائعة وينك وين الغيبة

صح السانك ابو سلطان ولاهنت

صح لسانك ويعطيك العافيه

ابن ضبعان - نايف عوده ( ذيب الشمال )
حربي الوفى - مشعل بن خليف - والسامي

صح الله بدنكم

شرفتموني بمروركم العاطر