من قصائدي القديمة
الشاعر : مطلق عيد الغراء
ياهي قلي وافهم العلم ياهي / حظي عثير وعوضب الوقت ضده
والله لأغني بالمعاني وأنا حي / ولاجاء القدر والموت ماحدن يرده
حتى أستريح ويدله الخاطر شوي / من خاطري عيت تروح الموده
ترى الهدف كله وفا مالنا شي / على النقاء من فضل ربي ومده
عيا الغزيل قال تكفى بعد عي / لابد من ساعة رخا عقب شده
أضحك وأنا بالقلب كي على كي / جسر الموده رمرمه لاتهده
ودي أروح بمرقب من ورا كدي / رمله فراشي والحصى لي مخده
عقب العصر بالقيظ لا ظلل الفي / وافكار شعري بين هاته ووده
الاعبك كني صغير لعب دي / لا تنزر المفتون لا لا تلده
أنا الدريك اللي على جانب المي / يبغى الحياه والغزيل تحده
وشلون أوصف حالتي كيف وإزي / بين القصيم وبين مكه وجده
المشكله ماعاد هاالحين بيدي / حب الغزيل شق قلبي وقده
ياخي والله وصفها فوق ياخي / ماشفتها من صوتها وطيب رده
(عرض القائمة)
الأعضاء الذين شاهدو الموضوع : 8
(تعيين)
من قصائدي القديمة
العرض العادي
