ولا على هالميجنا غنوله

السلام عليكم ورحمة الله وبركاته

من دارا ليست كالديار ومن خلف البحور والانهار ازف لكم ازكا سلام ممزوجا بريح الغمام

وللقصيده اكثر من وجه واتمنا الا تفهم بالوجه الخاطي

-
-


من دولة/ن واعرف نظام الدوله = العز يصرخ والاماني حــوله

إما تشيعنا واخـــــــــــــذنا الكافي = ولا تنصرنا وجلنا جــــــوله

البوم يسجع والطــــــــويله وكره = والحـــر زوله مايشابه زوله

والي يسمــــــــون الحظاره واقع = ماتشبه فعــول الرجال فعوله

والي رشف هالكـــاس خلا ثلجه = خــلا الحلال ولاهتنا بكحوله

غايب مزاج ولاعاد هو يطري = ولسانه المعــسول يخلف قوله

والمنطلق تصحيح وضع السكره = انه يــنام ولايشيله طولــــــه

ولا صرت مابين الخراب الاصلح = خــل المغني يهتني بطبوله

يفرح بها ساعه ويزعـــل ساعه = مختلفه افكاره وصايل صوله

إما يغني من بنــــــــــات افكاره = ولا يغني من بعـــــض منقوله

والشارع المليان هــــم وحسره = ماينعرف صاحيه مـن مهبوله

مره نقل انه امــــــــان/ن وافر = امرار مـــــرعب لاقرينا اصله

افكار مضطربه والاغرب شعبا/ن = يفخر بشي/ن مابعد وصلوله

كومبير مابين العيون براسك = شوف/ن عدل والعين الاخرى حوله

وحده تخيل للطـــــريق وتقزه = وعين/ن تخيل بس تنضر حوله

معادله سهله والاســـــهل حله = انك تنول تشوف ماهـــــــو ينوله

مثل العرب والغرب في هالعالم = وكثير من يكسب علينا بـــطوله

حنا العرب نشوف درب/ن واحد = ودروب واجــــــد عننا مقفوله

طولتها واحس صــــدع راسي = اشيا تقال وشــــــــي منهو يقوله

والكذب اصدق شي لاكن وقف = بعض العرب شيصير لافطنوله

إما بكلبشه رحت واخفو شمسك = ولا علــــــــــــى هالميجنا غنوله

وسلامت الجميع [/i]

صح لسانك ولا هنت يالغالي جزل ولا يجي منك غير الجزل

اخي.... نواف عواد ... اجدت و اخترت فأصبت .. لله درك ..
انسيابيه وعذوبة كلمات ... نزف بها قلمك من قلبك ... اشكرك من الاعماق على هذه المقطوعه الشعريه الرائعه الجزله...
ولك اطيب امنياتي وتحياتي ...... اشكرررررك ..

سلام عليك يانواف صح لسانك اخوك ابوشريف

السلام عليكم

اخوي الشقاوي وابن ضبعان وابو شريف اشكركم على مروركم العطر على

ابياتي المتواضعه والاشادات التي لو لاها لم اكتب بيت واحدا والتي اعتبرها

وسامنا على صدري

تقبلو تحياتي ووافر احترامي

ليطمأن أخي نواف ابيات جداً جميلة تحتوي علي رموز ومخاوف وآلام على الأمه يشكر عليها
صحيح مثل ميقولون المعني ببطن الشاعر .
عموماً كتبت هالكلمات على السريع وبالله التوفيق

أقول

من دولة التوحيد حي هالدولة *** عز الأماني والفخر سووله

حب الوطن بقلوبنا متمكن *** وأللي يقرب له نحش ارجوله

والرافضي نعرفه ونعرف مكره *** مهما يغير ملبسه أو قوله

وصقور نايف تبقى صقور نايف *** والبوم بوم ولو تحلا زوله

وللعلمنه ويا الحضارة زمره *** بدرب الرذيله والخنا موصوله

سمو لنا الخمره بغير إسمه *** ومزمار يغذي أرواحنا المعلوله

كلامهم زينه حسن المنطق *** والله ذكر أقوالهم معسوله

ومن منطلق تصحيح وضع الموقف *** أكبر البرواز عرض وطوله

أصلح صلاح إنك تصلح نفسك *** وأخرب خراب برفقةٍ مهبوله

وصلوا صلاةٍ دايمه موصوله *** على النبي المقتدى بفعوله

مع تحيات

أبوسلطان