السلام عليكم ورحمة الله وبركاته
بعد الأنقطاع عن طلعات البر والمقناص حوالي السنه مريت وشفت العزبه عليها غبار والورعان لاعبين فيها وكتبت كم بيت اسندها لواحد من اخوياي الي دايم نتخاوا انا وياه .
يا الدودلي قمت اضرب الكف بالكف=هذا الزمن ماهو زمنا يا ابو سيف
وش حيلة الي من ثرى ديرته سف=يرقى من الضيقات روس المشاريف
يطري عليه من الغلا غاية الشف=قفراً بها راعي الغنم مابعد شيف
والي يميني شار لي وقف وطف=ابي على الرمثات اضبط لك الكيف
ودارت سوالفنا مواقيف وصدف=من عقبها جتك القصايد مراديف
ماهمنا تجارةٍ ربحها خف=ومنهو رست له يوم فتح المضاريف
والحين صرنا بين جدران وغرف=ولابه وعد مقناص في تالي الصيف
والعزبه وقدري مع فراشي اللف=ملعاب للورعان حذف وتناتيف
بغيت اكمل مير حبر القلم جف=ويبقى الزمن ماهو زمنا يابو سيف
(عرض القائمة)
الأعضاء الذين قرأوا هذا الموضوع منذ 19-05-2024, 11:33 PM
(تعيين) (واضح)
ممنوع دخول اهل البر ...
العرض المتطور
