سجل حضورك ... ببيت شعر ....

دام الكـلام اليـوم ماعـاد ينطـاق**بين الولايف نبـرة الشـوق غرقـا

قال السديري عقب ماخاطره ضـاق**بيتن يخلـي ضامـي القلـب يشقـا

( ياليت ربي ماخلـق حـب وفـراق**والا خلق حب(ن) على غير فرقـا )

واليوم ضاعت بالمواجيب الاخـلاق**صار الغزل بيـن المواليـف يرقـا

دارت دواليب الزمن بيـن الاشـواق**يالصاحب اللي من سبايبـك نشقـا

عنيت لك في عالي الرجـم مشتـاق**وغنّيت لك مع تالي العصـر طرقـا

عن شوف غيرك شح شوفي ولا لاق**وسرقت ماتحـت المحاديـب سرقـا

واليوم طعت اللي بالاشـوار بـوّاق**واللي بقـى لـك بالمحاجيـر يبقـا

من عانقوا دربك قليليـن الاوفـاق**حالـك تغيـر والبـلا ويـن نلقـا

محدن يعالجني سوى شـوف بـرّاق**واقـول مابيـن الغناديـر فـرقـا

ياهيـه يالمشتـاق لاعـاد تشتـاق**ويامعـدّي المرقـاب لاعـاد ترقـا

اخر نصيحه واحفظه وسط الاعمـاق**خل الرجم وانزل علـى راس برقـا

قبل ماأرحل هزّ كتفي وقال للمره الأخيره ..
- ( لا تكثّر من مديح اللي تحبه ) !
- ( لا تماشي واحدٍ ما طاع ربه ) !
- ( لا تثرثر في المجالس ) !
- ( لا تسلم وانت جالس ) !..

- ( والصديق اللي تخلى عنك ... لا تسعى لقربه )
قبل ما أرحل هزّ كتفي وقال للمره الأخيره ..
- ( لا تهون .. و لا تكبّر ) !
- ( لا تلين .. و لا تجبّر ) !
- ( وان لفاك الهم ليله ... قم توضّ من الخطايا واذكر الله ) !
قم و كبّر ..
- ( قدّ ماتكبر همومك ... لا ذكرت الله تصغر ) !
- ( قدّ ماتكبر همومك ...كلما صليت تصغر ) !
قال للمره الأخيره ( قم و كبّر ) ..
الله اكبر ..
الله اكبر ..
الله اكبر ..
الله اكبر ..
- لأجل هذا ( الهم ) يصغر ~
- لأجل هذا ( الحزن ) يصغر ~
- لأجل هذا ( الذنب ) يُغفر ~

الله اكبر ... الله اكبر

يا حبيبي فيك ظني ما يخيب

لو حصل من بيننا صد وجفا

شمس حبك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفا

لو تروح بعيد من قلبي قريب

في غرامك هام قلبي واكتفاء

في غيابك مشتعل مثل اللهيب

ومن عرفتك شوق قلبي ما طفاء

صدق إني وافي يا أغلى حبيب

صادق ما فيه مثلي بالوفاء

=================

بنت الكحيله مهرتي
وخيالتي من كل اصيل
ألقى عليها طربتي
بين المعنق والشليل
صدر وقطاة فلوتي
العنق والساق الطويل
وقع الحوافر نغمتي
وحداتنا رجع الصهيل
أبوي وجدي قدوتي
لو ما لهم عندي مثيل
بالدين تفخر عزوتي
والرمح والسيف الصقيل
ماكر حرار ديرتي
ما في هل العوجا ذليل

عطني وعد ماأشوف أنامنك هجران
واعطيك كل الحب وأعطيك عمري

ليتني دم بوريدك أدخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت آه
ليتني كلك وكلك..ليتك بحالي تشوف
غيرة العاشق مصيبه والمصيبه في هـواه

نخطي ونتدارك خطانا بالعفو
ويسمو تسامحنا ، ونوفي بالنذر
الكفو يتقبًل معاذير ، الكفو
والا الرديً ، يشح حتى بالعذر !

ولا أطرف من قصة ذلك الشيخ الهرم الذي داعبت قلبه لواهيب العشق، وتداعت أمام ناطريه سوانح أيام الشباب وربيع العمر؛ فطلب من زوجته أن تبحث له عن "عروس" من بنات الحي وهو يقول لها:
تكفين يا بنت الأجاويد تكفين
تعيّني للعود عندك وسادة
العود وده بالتطرف نهارين
لو انها ماهي للعود عادة
والا اكتبيها في رقبتي تجي دين
لين ان يأتينا ربيع وسعادة
فردت عليه زوجته تقول:
العام تبغى لك من البيض ثنتين
ايضا وتبغى لك عليهن زيادة
العود لا منه وصل سن ستين
يروح مخه مثل مخ الجرادة
لا يقضي الحاجه ولا يقضي الدين
ولا عاد تقبل منه حتى الشهادة

ومن طريف ما يروى بهذا الصدد، أن أحد كبار السن من أصدقاء الشاعر المعروف "بدر الحويفي" تقّدم لخطبة فتاة فوافق أهلها، ورفضت هي الزواج برجل بعمر والدها، فذهب الخاطب إلى صديقه "الحويفي" يستشيره فرحب به ثم كتب له:
يا طير شلوى خذ نصيحة صحيبك
تقريب خمس أبيات جمله وترتيب
ياشايب الرحمن ياكثر شيبك
قلبك شباب وراسك أبيض من الشيب
قام ايتبين للمزايين عيبك
لو أنت طلق حجاج ما بك عذاريب
عيبك كبر سنك معرقل نصيبك
ما يقبلنك لو نصبت الرعابيب
اللي صغير سنها وش تبي بك
تبغى ولد مزيون وانته تقل ذيب
الله يخلي لك رضيعة نسيبك
اللي ترحب بك الياجيت ترحيب
طع شورها واحفظ افلوسك بجيبك
ما لك بناس تمحنك بالمطاليب
يومين والثالث يسرب سريبك
وتقوم كرعانك تطق العراقيب
عود على الملك القديم وقليبك
عساك تقنع عقب فتل الأشانيب
وعندما قرأها صديقه رد عليه عاجلاً:
يا بدر أنا أول لاعتزيت أعتزي بك
واليوم أبا جنب نصايحك تجنيب
اللي مضى في كل حال اقتدي بك
وعقب الكلام اللي حصل صابني ريب
حطمتني وأنا أمدحك لا حكى بك
وتضحك علي يوم أنا جيت خطيب
ولو شفت ما شفناه شقيت جيبك
يا بدر صوبني عطيب الأصاويب
أصابني رمح عسى ما يصيبك
خج الضلوع وذوب القلب تذويب
شفت أدمى لو شفت زوله أغدي بك
وخلاك تلعى في طوال المراقيب
وخلاني اسمع يا الحويفي نحيبك
تخلج وتفتح للقريحة هناديب
سرح الجوازي ما يلايم عزيبك
جسمك نحيف ولك متون محاديب

العام تبغى لك من البيض ثنتين
ايضا وتبغى لك عليهن زيادة
العود لا منه وصل سن ستين
يروح مخه مثل مخ الجرادة
لا يقضي الحاجه ولا يقضي الدين
ولا عاد تقبل منه حتى الشهادة

ههههههههههههههههههههه
ههههههههههههههههه
صح لسانها على الابيات