من كف عبدالله قراراً ومرسوم

من كف عبدالله قراراً ومرسوم




الشعب في فقده للاثنين مكلوم
وجاه العوض في ساعةٍ من نهاره
تبارك الله في اختياره على الدوم
ولي عهد ومن وضع في الوزاره
من خيرة الأخيار حاكم ومحكوم
سلمان وأحمد عوضوا في الخساره
من قايد مخلص من الرب ملهوم
حكيم رأي وصايب في اختياره
زال الظلام بحكمته وابعد السوم
والشعب حيا.. عنده أكبر بشاره
من كف عبدالله قراراً ومرسوم
زال الهموم الكايده في انتظاره
راعي الوفا وافي ولا يلحقه لوم
أمن الوطن هو غايته في قراره
ملك قلوب الشعب بإحساس وسلوم
والشعب بيده من يمين ليساره
يعيش أبو متعب وما اختاره يدوم
في خدمة بلاده يواصل مساره
والبيعه لسلمان بإخلاص من قوم
تقدموا طاعه ولاء للاماره
سلمان واحمد والنعم دوم ونعوم
نهج التطور ملكهم بالجداره
تبي تشوف اليوم وبعده بيوم
هذا الوطن في سهيل راكز شعاره
بيدين خطلان لهم فعل وعزوم
باخلاصهم فوق المهارة شطاره
تبي تشوف علوم وبتسمع علوم
مصانع الذره تقادح شراره
تبي تشوف جيوش بسلاح منظوم
وبوارج ومقاتلات بمطاره
من فعل عبدالله وسلمان وقروم
آل سعود اهل الشرف والطهاره
حتى المواطن يهتني بامنه ونوم
يامن على نفسه وماله وداره

مبروك بن نامي المطيري

لاهنت يالشقاوي على النقل الرائع

وصح السان الشاعر :

مبروك بن نامي المطيري